Mga Bata nga Nagbarug nga Masaligon
Mga Panalangin gikan ni Blessy
Hi! Ako si Blessy!
Nagpuyo ko sa India kauban sa akong pamilya. Kinahanglan kong magplano og usa ka espesyal nga Christmas activity alang sa akong eskwelahan ug mopaambit sa ebanghelyo ngadto sa akong mga higala!
Batan-ong mga Misyonaryo
Ang akong mga lider sa Primary nagtudlo nga kami kinahanglan mahimong mga misyonaryo. Usahay dapiton nako ang akong mga higala sa simbahan. Sa kasagaran, mobalibad sila. Naghunahuna ko nga basin bata pa kaayo ko nga mahimong usa ka misyonaryo.
Usa ka Hagit sa Pamilya
Dayon, sa family home evening, si Papa mihagit sa among pamilya sa pagdapit og usa ka tawo ngadto sa simbahan matag bulan. Gusto kong mobuhat niini, apan lisud! Nagpatabang ko ni Papa. Miingon siya nga mag-ampo ko. Mao nga nag-ampo ko.
Ang Ideya
Sa pagkasunod nga adlaw sa eskwelahan, ang prinsipal nangayo og mga ideya para sa kalihokan sa Pasko sa eskwelahan. Duna koy nindot nga ideya! Giingnan nako siya nga ang tanang bata sa Primary mahimong makabisita sa akong simbahan. Gitawagan niya ang akong mga ginikanan, ug nakig-istorya siya sa bishop aron maplano ang kalihokan. Ang among mga lider sa Primary ug mga misyonaryo mitabang usab.
Usa ka Makahinam nga Adlaw
Unya miabut na ang adlaw. Gikulbaan ko ug naghinam-hinam usab. Dihang gihatud ko ni Papa sa eskwelahan, nakita nako ang tanan nga andam nang moadto. Hapit sa 500 ka mga estudyante ug mga magtutudlo ang miadto!
Tanan didto sa Simbahan
Didto sa simbahan nanan-aw mi og video bahin sa pagkatawo ni Jesukristo. Ang mga young adults ug mga misyonaryo nanganta og nindot nga mga kanta sa Pasko. Ang bishop ug ang akong papa mihatag og pakigpulong kon giunsa ni Jesus sa paghigugma ang mga bata ug mahitungod sa paghigugma sa usag usa. Namulong ko bahin sa Pasko. Dunay nindot nga panahon ang tanan! Ang akong prinsipal ug ang akong teacher gani dunay mga pangutana sa mga misyonaryo.