Cov Mus Saib Xyuas Tom Tsev tsab Xov, Ib Hlis Ntuj 2017

Lub Ntsiab rau lub Koom Haum Niam Tsev

Ua tib zoo thov Vajtswv kawm tej yam no thiab nrhiav kev tshoov siab seb koj yuav tsum qhia dab tsi.

Daim Duab

Relief Society seal

Kev Ntseeg, Tsev Neeg, Kev Pab

Linda K. Burton, Koom Haum Niam Tsev tus Tuam Thawj Tswj Hwm hais tias, lub hom phiaj ntawm lub Koom Haum Niam Tsev yog kom “npaj cov poj niam txais cov koob hmoov ntawm txoj sia nyob mus ib txhis.”¹ Yog los ntawm kev ntseeg, tsev neeg, thiab kev pab lwm tus es peb thiaj li ua peb “txoj hauj lwm tseem ceeb no.”²

Carole M. Stephens, tus Pab Cuam thib Ib nyob hauv Koom Haum Niam Tsev Pawg Tuam Thawj Tswj Hwm hais tias lub Koom Haum Niam Tsev yog “ib txoj hauj lwm ntawm sab cev nqaij daim tawv thiab sab ntsuj plig. Cov poj niam ua li ntawd nyob hauv tus Cawm Seej lub caij nyoog, thiab peb tseem ua li ntawd niaj hnub no.”³

Thaum peb xav txog tus poj niam Xamalis nyob ntawm lub qhov dej, uas muab nws lub hub dej tso tseg thiab khiav mus qhia lwm tus hais tias Yexus yog ib tug yaj saub (saib Yauhas 4:6–42), los yog Phebe, uas zoo siab pab lwm tus tas nws lub neej (saib Loos 16:1–2), peb xav txog ob tug poj niam nyob hauv tus Cawm Seej lub caij nyoog uas rau siab los cuag Khetos. Nws yog tus uas qhib kev rau peb muaj txoj sia nyob mus ib txhis (saib Yauhas 3:16).

Thaum peb xav txog cov pioneer nyob hauv Nauvoo, Illinois, uas koom ua ke nyob hauv Sarah Kimball lub tsev thaum xyoo 1842 kom tsa lawv lub koom haum, peb pom tau Vajtswv txoj hau kev kom tsim tsa lub Koom Haum Niam Tsev thiab tsa kom ua raws li lub pov thawj hwj. Tom qab Eliza R. Snow sau tus txhooj lij choj, tus Yaj Saub Yauxej Xamiv rov xyuas. Nws paub hais tias nws txhim tsa tsis tau lub Koom Txoos mus txog thaum cov poj niam muaj ib lub koom haum. Nws hais tias tus Tswv lees txais lawv tej hauj lwm tiam sis muaj ib yam zoo dua. Nws hais tias “Kuv mam li txhim tsa ib lub koom haum niam tsev uas yog lub pov thawj hwj saib xyuas thiab yog raws li lub pov thawj hwj tus txheej txheem.”⁴

“Lub Koom Haum Niam Tsev tsis yog ib pawg poj niam uas xav ua zoo nyob hauv lub ntiaj teb. Lub koom haum no yeej txawv. Nws yog ‘ib yam zoo dua’ vim tau muab tsa raws li txoj cai pov thawj hwj. Yuav tsum txhim tsa lub koom haum no kom ua tau Vajtswv tej hauj lwm hauv lub ntiaj teb no.”⁵

Vaj Lug Kub thiab tej Ntaub Ntawv Xov Xwm Ntxiv

Lus Qhuab Qhia thiab Kev Khi Lus 25:2–3, 10; 88:73; reliefsociety.lds.org

© 2017 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Akiv: 6/16. Pub txhais ua lus Hmoob: 6/16. Kev txhais Visiting Teaching Message, January 2017. Hmong. 97921 295