Kairake
I A Kaman Tia Ni Baireia
E maeka te tia korokaraki i Utah, USA.
N tetaina I karekea te reirei ae kakawaki n tain aia kiraati Ataeinnaine iaon te itiaki man te wenenibure—atuun te reirei are aikoa rau iai ataeinnaine n te kiraati. I aki uring bwaai ni kabane n te bong anne, ma I uringa au tia kairiiri n aia bootaki ataeinnaine ni maroroakina taekan teuana mai buakon ana kainibaire—n teimatoa n taainako n itiaki man te wenenibure. I uring ana taeka (iaon te itiaki man te weneibure), ao ngkanne I a karaoa au babaire ma te karaurau ni karaoia bwa teuana mai buakon au kainibaire.
Te bong teuana ngke I toka n te bwati ae onrake irouia ataein te reirei ke taan takakaro aika kairake man te kaboo n takakaro, temanna iaon te bwati e wakina te takakarao are e riai te aomata n tuanga te kurubu taekan te bwai teuana ae koaua ke ni karaoa te bwai teuana ae tuangaki iroun te kurubu are e na kona ni kakamaaku ke ni ka mama. Ibukina bwa ti botu, Ngai ma tabeman ataei ti kaaina te marooro. Ngke e a roko n au tai (n taekina te koaua ke ni karaoa te bwai teuana ae ka ninikoria ke ni kararaoma) I tuangaki bwa N na aki karaoa te bwai ae I ataia bwa e aki eti. E na kona n riki aei bwa te babaire ae matoatoa ibukiu bwa n na karaoia, ma ana taeka au tia kariiri n te Bootaki n Ataeinaine a roko n au iango, ao e a bebete te rinerine. I waekoa n rineia bwa n na aki iria. I a kaman tia n iangoia imwain taina bwa N na karaoia n arona anne.
I ataia bwa ngkana ti nako n taromauri ao ni kekeiaki ni kamatebwai bwaai ake ti reireinaki iai ikekei, ti na kakabwaiaki ma te korakora n te tamnei ao te kawakinaki man kariirin bwain te aonaaba.