Mwet Fuhsr
Nga Sulaclah Tari
Mwet sihm sac muhta fin acn Utah, USA.
Nga tuh eis sie lesin na yohk srihpac ke sie kuhlahs luhn Muhtwacn Fuhsr ke tiac kosro—sie sifac ma oruh mwet fuhsr puhs mukwikwi na ke siah lalos ah. Nga tiac esam ma nuh kwewa nga lotwelah ke lwen sac, tuh nga esam mwet kol luhk ah sramsram ke sie ohiyac wo lal sifacna—in nwacsnwacs ke tiac kosro pacl nuh kwewa. Kahs lal ah oan na sihk, ac na nga oraclah sie sulaclah wo in sruokyacna oacna sie ma yohk srihpac nuh sihk sifacna.
Sie lwen ah ke nga wi pas soko nuh lohm ah ke sie pacl in sritacl, mwet se ke pas ah sramtweack sritacl truth or dare se. Ke suhpwacr, nga ac kuhtuh tuhlihk sahyac ah sroacng wi. Ke sun pacl in nga ah, suhpweyuck ngan oruh sie ma nga etuh muh tiac suwohs Ah. Ma inge kuh in sie sulaclah upac nuh sihk in oraclah, tuhsruhk kahs luhn mwet kol ke Muhtwacn Fuhsr luhk ah tuhkuh nuh insifuck, ac sulaclah sac fihsrwacsr. Nga sana tulokihnyac. Nga otwelah tari nuhnak luhk ke ma nga ac fah oruh ke ohiyac sac.
Nga etuh lah ke kuht som wi alu ac eis ma ma lutiyuck we uh, kuht ac fah ahkinsewowoyeyuck ke kuh yohk luhn nguhn ac karihngihnyuck liki mwe sruhf luhn facluh.