Te Rongorongo ibukin te Reirei ni Kakawari, Maati 2017
Korakoran Mwaakan Iesu ao Ana Mwakuri ni Kamaiu
Tataromwaaka ni kamatebwaia te bwai n reirei aei ao ukoukora ibukin te kairi mai ieta ni kan ataia bwa tera ae ko na tibwauaia. E kanga ataakin te kantaninga n te Bootaki n Aine ni katauraoia natin te Atua aine ibukin kakabwaia n te maiu ae akea tokina?
Onimaki Utu Buoka
“I boni konai bwaai ni kabane ni karaoi iroun Teuare kakorakoraai” (I-Biribi 4:13). “E ngae ngke bane n iai mamaarara, ti kona n tokanikai iaoia,” e taku Beretitenti Dieter F. Uchtdorf, te Kauoman ni Kauntira n te Moan Beretitentii. “Ni koauana, bon man a na akoi te Atua are, ngkana ti nanorinano ao man onimaki, ao a kona ni kakorakoraaki mamaaraia.”1
E taku ara Tia Kamaiu n te Doctrine ao Covenants bwa E na nako n rimoara. E na mena i angataira ao i angamaingira, ao E na mena tamneina inanora, ao Ana katobibiira Ana anera, ni uotira rake (taraa D&C 84:88).
“Nibwaai bon te katooto temanna are e ataia, e oota, ao ni katan iaon mwaakan te Tia Kamaiu,” e taku Unimwaane David A. Bednar man te Kooram n Abotoro ake Tengaun ma Uoman. “Tarin Nibwaai ake a ikawai a kabaea n taian roobu ao a bairea tiringakina. Taiaoka taraa ana tataro Nibwaai: ‘O te Uea, ni kaineti ma aron onimakinam irou, ko kona ni kamaiuia mai nanon baia tariu; eng, ao n anganai te korakora bwa I aonga ni kona ni motiki kabaebae aika I kabaeaki iai’ (1 Nibwaai 7:17; e kairaki ma katuruturuana).
“… E aki tataro Nibwaai bwa e na bitaki ana kaangaanga. Ma, e tataro ibukin te korakora bwa e na bitaki ana kaangaanga. Ao I kakoaua bwa e tataro raoi n te aro aei ibukina e ataia, e oota, ao n tia n rinanon mwaakan te Mwakuri ni Kamaiu.
“I aki iangoia bwa te roobu are e kabaeaki iai Nibwaai tao e a bon kounako naba ni karina mai baina ao tounbaina. Ma, I iangoia bwa e kakabwaiaki ma te nanomatoa ao te korakora ae onoti are e riaon ana taneiai n ana konabwai, bwa ngkanne ‘ni korakoran te Uea’ (Motiaea 9:17) e mwakuri ao e minota ao e kamatoa ni katiki taian roobu, ao n te kabane ao ni koauana e kona n urui kabaebae.”2
Booki aika Tabu ao Rongorongo Riki Tabeua
© 2017 iroun Intellectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakaki n te Ingiriti: 6/16. Kariaiakaki rairana: 6/16. Rairan te Visiting Teaching Message, March 2017. Kiribati. 97923 859