Mesaj vizit nan fwaye, Mas 2017
Pouvwa ranfòsan Jezikri ak Ekspyasyon Li a
Etidye materyèl sa a nan lapriyè epi chèche konnen kisa pou w pataje. Lè nou konprann objektif Sosyete Sekou a, kouman sa ka prepare pitit fi Bondye yo pou benediksyon lavi etènèl
“M ka fè tout bagay atravè Kris la, ki ban m fos” (Filipyen 4:13). “Malgre nou tout gen feblès, nou ka simonte yo,” se sa Prezidan Dieter F. Uchtdorf, Dezyèm Konseye nan Premye Prezidans la te di. Anfèt, se gras Bondye kifè, si nou bese tèt nou epi nou gen lafwa, bagay fèb yo ap vin fò pou nou.
Sovè nou an di, nan Doktrin ak Alyans yo: “M prale devan nou. M ap sou kote dwat nou ak sou kote goch nou, epi Lespri m ap nan kè nou, epi zanj mwen yo ap alantou nou pou pote nou anlè” (D&A 84:88).
Èldè David A. Bednar nan Kolèj Douz Apot yo te di, “Nefi se egzanp yon moun ki te konnen, ki te konprann, epi ki te depann sou pouvwa ranfòsan Sovè a.” “Frè Nefi yo te mare l anba kòd epi yo te planifye destriksyon li. Tanpri, note priyè Nefi a: ‘O, Senyè, daprè lafwa m gen nan ou, tanpri, delivre m anba men frè m yo; wi, ban m fòs pou m menm kapab kase kòd sa yo ki mare m nan’ (1 Nefi 7:17; italik ajoute).
“… Nefi pat priye pou sikonstans yo te chanje. Okontrè, li te priye pou fòs pou l te ka chanje sikonstans li yo. Epi m kwè li te priye nan fason sa a presizeman paske l te konnen, li te konprann, epi l te fè eksperyans nan pouvwa reyèl Ekspyasyon an.
“M pa panse ke kòd ki te mare Nefi yo te majikman demare soti nan men l ak nan ponyèt li. Okontrè, m sispèk li te tèlman beni avèk pèsistans ak fòs pèsonèl ki depase kapasite natirèl li, ki fè lè sa a ‘nan fòs Senyè a’ (Mozya 9:17) li te travay, li te tòdye kòd yo, li te tire sou yo, epi li te finalman e literalman vin kapab kase kòd yo.”2
Ekriti Adisyonèl ak Enfòmasyon
© 2017 pa Intellectual Reserve, Inc. Tout dwa rezève. Enprime nan Etazini Damerik. Apwobasyon anglè: 6/16. Apwobasyon tradiksyon: 6/16. Tradiksyon Visiting Teaching Message, March 2017. Haitian Creole. 97923 036