Cov Hluas

Muaj Kev Ntseeg Pab Lwm Tus

Thawj Tswj Hwm Uchtdorf qhia peb tias peb txoj kev ntseeg Vajtswv kuj yuav tsum muaj “kev ua hauj lwm.” Nws piav hais tias, thaum peb txoj kev ntseeg “nrog kev ua hauj lwm tas zog ua rau yus [nyob] kaj siab lug thiab [muaj] kev hlub.” Vim nws cog lus tias peb yuav txais tau txoj koob hmoov no, peb yeej pab tau lwm tus, thiab peb yuav pom tias muaj txoj koob hmoov no nyob hauv peb lub neej yog tias peb siv sij hawm muaj kev ntseeg pab lwm tus. Tej zaum koj yuav xav thov txhua hnub thov tus Tswv kom txhawb nqa koj thaum koj pab lwm tus. Piv txwv hais tias, thov Nws qhia koj tias thaum twg ib tug nus los yog muam xav tau kev pab ua tej dej num los yog ib tug phooj ywg xav kom leej twg hais lus qhuas lawv. Ces, thaum koj txais kev tshoov siab li no, cia li ua kiag! Yog koj pheej thov Vajtswv thiab pab lwm tus tas li, ces koj txoj kev muaj kev ntseeg ua hauj lwm yuav foom koob hmoov rau koj lub neej thiab lwm tus lub neej. Thawj Tswj Hwm Uchtdorf cog lus tias koj “hloov tau tib neeg, tsev neeg, tej haiv neeg, thiab neeg ntiaj teb tag nrho.”