Cov Mus Saib Xyuas Tom Tsev tsab Xov, Rau Hli Ntuj 2017
Lub Hwj Chim Pov Thawj Hwj Los ntawm Kev Ua Raws Li Kev Khi Lus
Ua tib zoo thov Vajtswv kawm tej yam no thiab nrhiav kev tshoov siab seb koj yuav tsum qhia dab tsi. Qhov uas Vajtswv cov ntxhais to taub lub hom phiaj ntawm lub Koom Haum Niam Tsev yuav npaj lawv li cas kom txais tau cov koob hmoov ntawm txoj sia nyob mus ib txhis?
Kev Ntseeg Tsev Neeg Kev Pab
Txwj Laug Neil L. Andersen ntawm Pawg Kaum Ob tug Thwj Tim hais tias, “Kuv xav hais rau … txhua leej txhua tus hais tias peb muaj peev xwm ua neej nyob txhua lub sij hawm ‘nrog cov koob hmoov ntawm lub hwj chim pov thawj hwj.’
… Thaum nej tsim nyog ua cov kab ke ntawm lub pov thawj hwj, tus Tswv yuav muab dag zog, kev kaj siab lug, thiab lub zeem muag nyob mus ib txhis ntxiv rau nej. Txawm nej muaj xwm txheej dab tsi los yog, nej lub tsev yuav ‘txais koob hmoov ntawm lub hwj chim pov thawj hwj.’”1
Peb yuav ua li cas kom txais tau lub hwj chim pov thawj hwj hauv peb lub neej? Txwj Laug M. Russell Ballard los ntawm Pawg Kaum Ob tug Thwj Tim qhia rau peb nco ntsoov tias “cov uas tau ua kev cai raus dej ces tau txais lawv vaj txiaj ntsim nyob hauv tus Tswv lub tsev yeej muaj cai txais tau cov koob hmoov zoo kawg nkaus. Vaj txiaj ntsim yeej yog ib lub txiaj ntsim hwj chim … [thiab] peb Leej Txiv Saum Ntuj Ceeb Tsheej yeej muaj siab dawb pub Nws lub hwj chim rau peb.” Nws qhia kom peb nco ntsoov tias cov txiv neej thiab cov poj niam “txais tau lub hwj chim ntawm lub vaj txiaj ntsim” nyob hauv lub tuam tsev, “uas txhais tau hais tias yog lub hwj chim ntawm lub pov thawj hwj.”2
Linda K. Burton, lub Koom Haum Niam Tsev tus Tuam Thawj Tswj Hwm, hais tias: “Vim lub hwj chim pov thawj hwj yog ib yam uas peb txhua tus xav muaj nyob hauv peb tsev neeg thiab nyob hauv peb tej tsev, peb yuav tsum ua li cas kom caw lub hwj chim los rau hauv peb lub neej? Yeej yuav tsum coj ncaj ncees kom txais tau lub hwj chim pov thawj hwj.3
Thawj Tswj Hwm Russell M. Nelson, Thawj Tswj Hwm ntawm Pawg Kaum Ob tug Thwj Tim hais tias, “yog peb txo hwj chim rau tus Tswv thiab thov kom Nws qhia peb, Nws yuav qhia peb kom peb paub yuav ua li cas txais tau Nws lub hwj chim.”4
Vaj Lug Kub thiab tej Ntaub Ntawv Xov Xwm Ntxiv
1 Nifais 14:14; Lus Qhuab Qhia thiab Kev Khi Lus 121:36; 132:20; reliefsociety.lds.org
© 2017 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub txhais ua lus Akiv: 6/16. Pub txhais ua lus Hmoob: 6/16. Kev txhais Visiting Teaching Message, June 2017. Hmong. 97926 295