Mātēria nō te feiā ’aita e fa’aro’o maita’i ra

« Nō te tauturu i te mau melo ’aita e fa’aro’o maita’i ra, tē vai ra te mau rāve’a ’āpī tā te ’Ēkālesia e hōro’a i roto i te hiero ’e te mau fare purera’a », e tai’ohia i roto i te hō’ē fa’aarara’a i te feiā fa’atere nā te ao ato’a nei, nō te 14 nō setepa 2017. « E ti’a i te feiā fa’atere ’ia mātau i teie mau rāve’a ’āpī ma te ha’apāpū ato’a ē, ’ua ’ite te mau ta’ata ato’a e hina’aro i te reira ē, tē vai nei terā mātēria ».

I roto i te mau hiero, e nehenehe te mau melo ’aita e fa’aro’o maita’i ra e ani i te mau fa’aro’o tari’a e fa’a’ohipa i te mau mātini hihi raro’ura (infrarouge) e ha’apuroro nā roto i te hiero. I roto i te mau fare purera’a, ’ua matara i te mau melo te mau fa’anahora’a radio : (1) te mātēria ’apo rēni radio (RF), e mau mātini na’ina’i e fa’a’ohipa i te fa’anahora’a fa’aro’o o te fare purera’a nō te ha’apūai i te paraparau i roto i te mātēria fa’aro’o nā te turi ’aore rā (2) te fa’anahora’a fa’atautau (ALS) ’o te ha’apuroro ’āfaro i te paraparau i roto i te mātēria fa’aro’o huru T-coil a te turi.

Tē parau fa’ahou nei te fa’aarara’a ē, « e ti’a i te mau pāroita ’e te mau ’āma’a ’ia fāna’o i te tahi ma’a ’apo rēni radio [RF] ’e te fa’anahora’a fa’atautau [ALS]. Mai te peu e hina’arohia, e nehenehe e ani fa’ahou mai nā roto i te ti’a ha’apa’o fare purera’a a te titi (RBI) ».

Tē vai ra te tahi atu ā ha’amāramaramara’a nō ni’a i te mau rāve’a fa’aro’o i ni’a i te mhtech.lds.org. Nō te mau ha’amāramaramara’a nō ni’a i te mau rāve’a nō te turi ’e te reo vāvā, hi’o i te disabilities.lds.org.