Te tuahine Bingham i te Hau ’āmui

I tōna paraparaura’a i roto i te pupu ’āparaura’a feiā fa’aro’o nō ni’a i te fa’aōra’a mai i te mau tītīhoria, i te Hau ’āmui i New York City i te 13 nō ’ēperēra 2017, ’ua fa’a’ite atu te peresideni rahi o te Sōtaiete Tauturu, ’o Jean B. Bingham, i tōna tīa’ira’a e riro te mau fa’anahora’a fa’aro’o « i te ’ohipa ’āmui ma te rāve’a iti ’ōhie nō te fa’atupu i te mau ’ohipa rahi fa’ahiahia ».

I roto i te fa’a’itera’a mana’o matahiti « Focus on Faith », ’ua paraparau te tuahine Bingham nō ni’a i te mau tauto’ora’a a te ’Ēkālesia nō te tauturu i te mau tītīhoria ma te fa’a’ite i tōna māuruuru mau i te mau ta’ata ato’a e fa’aō nei ia rātou i roto i teie « ’ohipa rahi ’e te ho’ona rahi » nō te ha’amāmāra’a i te māuiui i roto i te ao.

Nō ho’i noa mai nei te tuahine Bingham mai te hō’ē tere a te UNICEF i Uganda rāua te tuahine Sharon Eubank, te tauturu mātāmua i roto i te peresidenira’a rahi o te Sōtaiete Tauturu ’e te ti’a fa’atere nō te pū tauturura’a LDS Charities. ’Ua haere ato’a te tuahine Eubank i te Hau ’āmui i New York City.

Nō te tahi atu mau ha’amāramaramara’a nō ni’a i te mea tā ’outou e nehenehe e rave nō te tauturu i te mau tītīhoria, ’a haere i te IWasAStranger.lds.org.