Visiting Teaching Fapem, Ebɔw 2018

Bɔ Akyerɛbaa Kor Biara Dzin fa Bɔ Mpaa ma no.

Hɛn dɔ na nkenyan ma hɔn a yeserɛ hɔn na kyerɛ hɔn adze no bɔdɔɔsõ ber a ahobrɛadze mu ara yɛbɔ akyerɛbaa kor biara dzin pɔkyee dze bɔ mpaa ma no no.

Gyedzi, Ebusua, Mboa

Relief Society Ahyɛnsewdze

Kyerɛwsɛm no ma hɛn fasusu pii a mbanyin na mbaa a wɔbɔɔ binom edzin dze bɔɔ mpaa ma hɔn. Dza ɔyɛ nwanwa mu kor nye Alma Kakraba n’egya. Ɔbɔfo kasae kyerɛɛ Alma Kakraba see no dɛ, n’egya “dze gyedzi mapã [a]bɔ mpaa wɔ [no] ho … ; iyi ntsi na maba merebɛda Nyame no tum nye tumdzi edzi akyerɛ wo ama eehu dɛ Nyame tsie no nkowaa hɔn mpaabɔ dɛ mbrɛ hɔn gyedzi tse.” (Mosiah 27:14).

Yɛrobɔ mpaa ama hɛnho nkorkor no bue hɛn akoma mu ma yegye nhyira horow a Ewuradze pɛ dɛ Ɔdze ma hɛn no. Nnyɛ mpaabɔ no botae nye dɛ yɛbɛsesã Nyame Ne pɛ, mbom dɛ hɛn nsa bɛkã nhyira horow a Nyame ayɛ krado dɛ, sɛ yebisa no mpaabɔ mu a, Ɔdze bɛma hɛn no, ama hɛnho na binom so.”¹

Akyerɛbaa bi kãa dɛ n’abrabɔ nkõdzen ber mu no, nna tɛlɛfoon ɔfrɛ anaa nsɛm sin bi taa fi ne visiting teacherfo hɔ ba “nkankara wɔ nda a wɔayɛ dzen noara mu.” Nna ɔyɛ dɛ mbrɛ wonyim ber a ohia dɛ wopegya no. Nna onyim dɛ ber a wɔabɛsera no no nye wɔ hɔnara hɔn mber pa mu no, wɔbɔ mpaa ma no.

Julie B. Beck, nkaano Wiadze Mfɛndzanan Relief Society President no kãa dɛ, “Hom ndwen hɛn ahoɔdzen a wɔakã abɔ mu sɛ akyerɛbaa biara bɔ mpaa nokwar mu anapa na anafua biara, anaa dza oye koraa no, wɔbɔ mpaa a wonngyaa dɛ mbrɛ Ewuradze ahyɛ no a.”² Yɛrobɔ mpaa ama hɔn a yɛsera kyerɛ hɔn adze no hyɛ hɛn dzen ankorankor na dɛ yɛyɛ Latter-day Saintfo mbaa.

President Henry B. Eyring, Ɔpamfo a Odzi Kan wɔ President a Odzi Kan na n’Apamfo mu no kãa dɛ, “Hom mbɔ mpaa nya kwan a hom bohu hɔn akoma. … Obehia dɛ hom bohu dza Nyankopɔn pɛ dɛ hom yɛ dze boa hɔn na hom nyɛ ne nyina, dɛ mbrɛ hom botum biara no, dze atse Nyankopɔn No dɔ a Ɔwɔ ma hɔn no.”³

© 2018 by Intellectual Reserve, Inc. Wɔakora do tumdzi nyina. USA na wotsintsimii. English approval: 6/17. Translation approval: 6/17. Visiting Teaching Principles, March 2018. ne Nkyerɛasee Fante. 15049 502

Nsɛnsin

1. Kyerɛwsɛm no Kwankyerɛ, “Mpaabɔ.”

2. Julie B. Beck, “What Latter-day Saint Women Do Best: Stand Strong and Immovable,” Liahona, Ɔberɛfɛw 2007, 110.

3. Henry B. Eyring, “Priesthood and Personal Prayer,” Liahona, Esusow Aketseaba 2015, 85.

Susu Iyi Ho

Ebɛn nkenyan na adwenkyerɛ na enya no ndaansa yi ber a ebɔɔ mpaa maa nkyerɛbaa a esera hɔn no nkorkor?

Erosom

Yenya nkenyan ankorankor dze hu mbrɛ yebesi benya akyerɛbaa kor biara a yɛsera no ber a yɛbɔ akyerɛbaa kor biara dzin dze bɔ mpaa ma no no.