Family History: Pagdiskubre, Pagpundok, Pagkonektar

Ang lokal nga mga temple ug family history consultant makatabang sa mga miyembro sa Simbahan ug sa uban aron makita ang kalipay nga moabut gikan sa pagdiskubre, pagpundok, ug pagkonektar sa mga katigulangan, sumala ni Elder Bradley D. Foster, General Authority Seventy ug Executive Director sa Church Family History Department.

Ang tanan adunay mga sugilanon gikan sa ilang family history. Ug posibling mahitabo ang talagsaong mga butang kon sugdan nimo ang pagpangita ug pagkaplag kanila.

“Ang among hatagan og gibug-aton para sa umaabut nga tuig mao ang pagtabang sa mga consultant aron ilang makita ang ilang buluhaton sa pagtabang sa mga miyembro nga makabaton niini nga kasinatian,” miingon si Elder Foster. “Buhaton nato kana usa human sa usa. Adtoon nato ang [katawhan] bisan asa sila, uban sa espesyal nga paghatag og gibug-aton niadtong mag-12 anyos na ug niadtong bag-o nga mga kinabig.” Kana nga duha ka grupo makabenipisyo dayon gumikan sa pagkakita kon sa unsang paagi ang buhat sa templo molig-on sa mga pamilya pinaagi sa kahangturan, ug sa kasagaran makamugna kini og kadasig tali sa kaugalingon nilang mga higala ug mga pamilya.

Bisan kadtong dili mga miyembro sa Simbahan pwede nga makaangkon sa kasinatian sa pagdiskubre-pagpundok-pagkonektar pinaagi sa one-on-one nga pag-abag bisan asa sa kapin sa 5,000 ka FamilySearch family history center sa tibuok kalibutan.