Ukpebnkpo Ukworo-iko Abasi, Ofiong Itiokiet ke isua 2018
Nkpo Ition Nti Mbon-mkpang-utong Esinamde
Ndinehede mkpang-utong eyenwam mbufo ndifiok nte ediyode unana ikpokidem ye eke spirit eke mbon efen nte Andinyanga akpanamde.
Elder Jeffrey R. Holland eke Eboho mme Apostle Duopeba ete: “Enehede ofon ndusuk ini ndikpang-utong nkop akan ndititing-iko. … Edieke nnyin ikpangde-utong ke ima, nnyin idikereke ibanga se iditingde. Eyeno nnyin se iditingde—oto ke Spirit.”1
Mkpang-utong edi ifiok emi nnyin ikemede ndikpeb. Ndikpang-utong owut ima emi nnyin inyenede ino mbon efen, anwam ndibup osongo ebuana, onyung anam Spirit anwam nnyin ye eno ke ndiifiok unana mbon efen.2 Se mme usung ition emi nnyin ikpekemede ndikpang-utong ofon mi.
1.Nno Mmo Ini
Ediwak owo eyom ini man ekere ofon mbemiso eting iko. Nno mmo ini ndikere nkpo ke ntongo ye ke utit ke mmo ema eketing iko ekure (se ke James 1:19). Sia koro mmo ekure uting iko iworoke ke mmo eting ofuri nkpo se mmo ekenyenede nditing. Ku kop ndik kabanga ndop-uyo (se ke Job 2:11–3:1 and Alma 18:14–16).
2.Kpang Utong Kop
Nnyin imesop ndikekere akan nte mbon efen etingde iko. Ekan ndudue eke ndisosop nno ubiere mme ndibak nno ekikere kabanga se editingde kini mmo ekurede (se ke Proverbs 18:13). Nte ededi, ekpang-utong ye eti esit man efiok. Iboro mbufo eyefon sia oro edi-to akamba mbufiok.
3.Nam-anwanga
Ekukop ndik ndibup mbume man enam anwanga nkpo eke mbufo mifiokke (se ke Mark 9:32). Ndinam anwanga osuhore unana-ifiok onyung owut udong mbufo ke se etingde.
4.Tim-kere
Enehede enam se mbufo ekekop anwanga ye nte mbufo eyomde owo efen ekere abanga nkpo oro. Emi eyenwam mmo ndidiongo mme efiok se mmo etingde onyung ono mmo ifet efen man anam anwanga.
5.Eyom Eti Ndaha
Ekeme ndidi mbufo idinyimeke ke ofuri se etingde, edi enyime ye nkpo se mbufo ekemede ke muwutke iyatesit ke ekikere mbufo. Ndinam emem ekeme ndisuhore iyatesit ye edinwana nyanga-idem (see Matthew 5:25).
President Russell M. Nelson ekpeb ete ke ana nnyin “ikpeb ndikpang-utong, inyung ikpang-utong man ikpeb nkpo ito owo efen.”3 Nte mbufo ekpangde-utong ye esit man ekpeb nkpo ebanga mbon efen, mbufo eyedu ke eti ndaha ndifiok unana mmo enyung ekop iwiwa-item kabanga danga mbufo ekpenwamde mbon efen ke nte Andinyanga akpanamde.
Ndikpang-utong Edi Ndima
Mbuk kiet otode Elder Holland emen owut se odudu mkpang-utong edi:
“Ufan mi Troy Russell akawat pickup truck esie sung-sung oworo ke garage esie. … Enye okop nte tire edem truck esie odokde nkpo ebe. … Ke ndiworo enye okut ediye eyeneren isua usukkiet esie, Austen, nte anade okup iso ke isong. … Austen ama akpa.
“Troy ikekemede ndide idap, ikwe emem, inyung ikopke ndongesit. … Edi ke ndaha ini ukut oro, John Manning ama edi. …
“Ke akpaniko ami mfiokke ewe ndaha ke John ye ekpri nsanga esie ekesika ufok Russell. … Se ami ndiongo edi ke ini edim isua emi ekebede ke Brother Manning ama ekesim onyung emen Troy Russell osio ke usung ukut oro ukem nte enye ekpemende ekpri Austen ke idemesie. Ukem nte … eyeneka-eren ke ufok Abasi emi enye ekpedide, John ama anam utom itie oku esie ke ndikpeme nyung nse Troy Russell enyin. Enye okotongo ke ndidoho ete, ‘Troy, Austen oyom fi afiak asanga ke ukot fo—ke esit edidi ndidu ke anwa mbre basketball—ntre ami nyedu mi kpukpru usenubok ke 5:15 a.m. Du ke mbengeidem. …’
Ke akpatre Troy editing ono mi ete, “Ami nkoyomke ndika,’ koro ami nkesisanga ye Austen kpukpru ini nka do. … Edi John ama eyire, ekem ami mma nka. Totongo ke akpa usen oro, nnyin ima ineme nneme—ami nkesiting iko ndien John ekesidu ke mkpang-utong ndikokop. … Ama osong ke ntongo, edi ke ini akade iso ami ndifiok ke mmenyene ukeme oto ke idem [John Manning], emi amade mi onyung onode mkpang-utong tutu nsehe afiak asiaha ke uwem mi.”’4
© 2018 otode Intellectual Reserve, Inc. Ekpan kpukpru unen ndiming. Ekeming ke USA. Enyime edikabare ke Iko Mbakara: 6/17. Enyimme Ndikabare: 6/17. Edikabare eke Ministering Principles, June 2018. Efik. 15055 553