Ukpebnkpo Ukworo-iko Abasi, Ofiong Itiaba ke isua 2018

Enwam ye Esit-mbom

Nte mbufo etienede uwutnkpo Andinyanga eke esit-mbom, mbufo eyekut ete ke mbufo emekeme ndinam ukpuhore nkpo ke uwem mbon efen.

Esit-mbom edi ndinyene ifiok mbanga nnanaenyin mbon efen diana ye udong ke ndikpeme ye ndinwam ke mfina oro. Ediomo ke nditiene Andinyanga edi ediomo eke esit-mbom man “ebiom mbiomo mbon eken” (Mosiah 18:8). Ubiongutom ke ndise kiet eken enyin edi ifet ke ndinwam ke nte Jehovah akpanwamde: ke ‘esit-mbom, man anam ukpuhore nkpo” (Nwed Jude 1:22). Jehovah eteme ete,”Enam mfon ye mbom ye eken” (Zechariah 7:9).

Esit-mbom eke Andinyanga

Esit-mbom ekedi akpan nkpo ke utom ukworo-iko eke Andinyanga (se ke sidebar: “Andinyanga emi oyohode ye Esit-mbom”). Mbom emi Enye ekenyenede ono mbon owo efen ekesin Enye anwam mbon owo emi ekedude ye Enye ke ediwak ndaha. Ke ndifiok unana ye udong mbon efen, Enye ekeme ndidiong nnyung mkpeb mmo ke mme usung emi enehede ofon ye mmo. Udong Andinyanga ke ndisio nnyin ke nnanaenyin ada ekesim utom esit-mbom: Erisio-isop Esie ke ntak idioknkpo ye ndutuho ubon owo.

Ukeme Esie ke ndiyo unana mbon owo edi nkpo emi nnyin ikpenwanade ndinam ke nte nnyin inwamde. Nte nnyin idude eti uwem inyung ikpang-utong ino item Spirit, nnyin iyebo ndausung ke usung eke ofonde.

Ediomo Nnyin eke Esit-mbom

Ete ke Enyong oyom ndito Esie edi mme enyene esit-mbom (se ke 1 Corinthians 12:25–27). Man ikabare idi nti mbet, ana nnyin inyene inyung iwut esit-mbom ino mbon efen, akpan-akpan ino mbon unana (D&C 52:40).

Ida enying Jesus Christ idori ke idem nnyin otode ke ediomo uduok-mmong, nnyin idi ntiense ete ke nnyin imenyime ndinyene esit-mbom. President Henry B. Eyring, Udiana Onoitem ke First Presidency, ekpeb ete ke eno Edisana Spirit eyenwam nnyin ndinam oro koro: “Mbufo edi mbon ediomo eke Ufok Abasi Jesus Christ. …

“Oro edi ntak emi mbufo enyenede ekikere eyom ndinwam owo emi anwanade ndinam eti nkpo ke ufot mfuho ye afanikong. Mbufo ema enwongo ete ke mbufo eyenwam Jehovah ke ndinam mbiomo [mbon efen] efere enyung eno ndongesit. Ema eno mbufo odudu man enwam enam mbiomo oro efere kini emi mbufo ekebode eno Edisana Spirit.”¹

Nte uwutnkpo, eyeneka nnwan kiet ke Russia ama enyene idiok ndaha ke ufokemana esie emi ekesibiongore enye ke ndika Ufok Abasi ke awakde akan ufang isua kiet. Eyeneka nnwan efen ke branch oro edinwam ke esit-mbom ke ofuri Usen Ederi ke ndikot enye man eting ono enye se ibuot iko Abasi, ukpebnkpo edide, mbon emi edikade mission, mbufa nsek ndito emi emanade ye mbuk nkpontibe efen eke branch oro Kini mfina ufokemana eyeneka nnwan emi eketiede ke ufok okokurede, ekebiet nte ke enye okosuk ododu ke branch oro oto ke ikoot emi ufan esie ekesikotde enye kwa udua.

© 2018 otode Intellectual Reserve, Inc. Ekpan kpukpru unen ndiming. Ekeming ke USA. Enyime edikabare ke Iko Mbakara: 6/17. Enyimme Ndikabare: 6/17 Edikabare eke Ministering Principles, July 2018. Efik. 15050 553

Mme Ekikere Inang ke Nditongo-nnyene Esit-mbom

Kini ndinyene esit-mbom esiwakde ndisop nda itie ke nnyin ima ikeboho nnanaenyin eke idem nnyin, odu mme nkpo emi nnyin ikpenamde mfin emi man itongo inyene esit-mbom. Ekere-ebanga mme usung emi mbufo edidade ukpeb inang emi esin ke utom:

Ebong akam eyom oro. Nte mbufo ebengede Ete ke Enyong, Enye eyeberede esit mbufo, ndien “mbufo eyenyene eti ekikere ebanga nsinsi ufon ye inemesit eke mbon owo efen” (Ekworo Iko Abasi Mi: Ndausung ke Utom Ukworo-iko Abasi [2004], 118; se nko ke Moroni 7:48).
Enam oro. Mbufo emekeme ndiwut esit-mbom ke ndino mkpang-utong ye edifiok. Eda idem esin mbufo ke ndaha mmo enyung ekere ke nte mmo ekpekerede. Edieke odotde ke ndaha ye ini oro, mbufo emekeme ndino unwam enam ubiak, ndutuho, ye unana mmo efere.
Etiene item Spirit. Jehovah ekeme ndiyarare usung emi nnyin ikpewutde esit-mbom nno nnyin emi nnyin mikpekefiokke ke odudu idem nnyin. Ini emi mbufo ekopde nduari otode Spirit ete yak enwam mbon efen, ekutre ndinam nkpo ke item oro.
Edi akpan ufan. Ndiwut esit-mbom ekeme ndidi mmem-mmem nkpo nte ndiwut ata udong ke uwem mbon owo efen. Ekpeb ndinehede nno mkpang-utong (se ke “Ukpebnkpo Ukworo-iko Abasi: Nkpo Ition emi Nti Mbon Mkpang-utong Esinamde,” Liahona, June 2018, 6–9). Ima emi mbufo enyenede eno mmo eyekori, ndien eyemem ndifiok mme usung emi ekpewutde ima oro.