Ụkpụrụ niile nke Nkwusa-ozi-ọma, Julaị 2018

Setipụ-aka n’Ọmịko

Dịka I na esoro ọmụmatụ ọmịko nke Onye-Nzọpụta, I ga-ahụta na I nwere ike imepụta ihe dị iche n’ime ndụ ndị ọzọ.

Ọmịko bụ inwe mmata mkpagbu nke ndị ọzọ ma nwe kwa mmasị ibelata ma ọ bụ inapụta mgbu ha. Ọgbụgba-ndụ isoro Onye-Nzọpụta bụ ọgbụgba-ndụ nke ọmịko I “burita ibu-arọ onye ọbụla nye ibe ya” (Mosaịa 18:8). Ọrụ nke ilekọta ndi ọzọ bụ oghere ikwusa-ozi dịka Onye-nwe ga-eme: jiri “ọmịko, na-emepụta ihe dị iche” (Judu 1:22). Onye-nwe nyere iwu, “Gosi obi ebere na ọmịko onye ọbụla nye nwanne ya” (Zechariah 7:9).

Ọmịko nke Onye-nzọpụta

Ọmiko bụụrụ ngwa-ọrụ dị ike n’ime nkwusa-ozi-ọma nke Onye-nzọpụta (lee n’akụkụ: “Onye-Nzọpụta nwere Ọmiko”) Ọmiko Ya maka mmadụ ibe Ya mere Ya esetipụ-aka ruo ndi nọ Ya n’akụkụ ọtụtụ mgbe. Imata ihe dị iche na mkpa na ọchichọ ndị mmadụ, O nwere ike ịgọzi ha ma kuziere ha n’ụzọ nke metụrụ ha karịa. Ọchichọ nke Onye-nzọpụta ibuli anyị elụ karịa mkpagbu anyị dubanyere n’omume ọmiko kacha ibe ya: Aja-mgbaghara-mmehie Ya maka njọ niile na ahụhụ niile nke mmadụ.

Ike Ya imezi mkpa niile nke ndi mmadụ bụ ihe anyị nwere ike igbali maka ya ka anyị na-eje ozi. Ka anyị na-ebi ndu n’ezi-omume ma na-ege ntị na mmetụ niile nke Mụọ ahụ, anyị ga-enwe nkwalite isetipụ-aka n’ụzọ ndị bara uru.

Ọgbụgba-ndụ Anyị nke Ọmiko

Nna nke Eluigwe chọrọ ka ụmụ Ya nwe ọmiko (lee 1 Ndi Kọrịnt 12:25–27). Ibụrụzi ezi ndi-na-eso ụzọ,anyị ga-amụta ma gosi ọmiko nye ndi ọzọ, ka cha nke nye ndi nọ na mkpa (O&O 52:40).

Iwekwasi n’onwe anyị aha nke Jizọs Kraịst site na ọgbụgba-ndụ nke baptism, anyị na-agba aka-ebe na anyị dị na njikere igosi ọmiko. Onye-isi Henry B. Eyring, Onye-Ndụmọdụ nke Abụọ n’ime Ndi-isi-nduzi Mbụ, kuziri na onyinye nke Mụọ Nsọ na-enyere anyị aka ime otu ahụ: “I bụ onye-otu gbara ọgbụgba-ndụ nke Nzukọ-nsọ nke Jizọs Kraịst. …

Nke ahụ mere I si enwe mmetụta mmasi enyem aka nye onye na-adọga iga n’ihu n’okpuru ibu mwute na ihe isi ike. I kwere nkwa na ị ga-enyere Onye-nwe-anyị aka mee ibu-arọ ha a diri mfe ma nwete nkasi-obi. E nyere gị ike iji nyee aka mee ka ibu niile ahụ dị mfe mgbe ị natara onyinye nke Mụọ Nsọ.”¹

N’ọmụmatụ, otu nwanne nwanyị n’ime Rọshịa nwebuuru ọnọdụ ihe isi ike nke ezi-na-ụlọ nke gbochiri ya iga nzukọ-nsọ ihe karịrị otu afọ. Nwanne nwanyị ọzọ n’ime ngalaba-nta ahụ setipụrụ-aka n’ọmiko Sọnde ọbụla site n’ikpọ ya n’ekwe ntị ma gwa ya gbasara okwu niile enyere, ihe ọmụmụ niile, ikpọ-oku mgbasa-ozi, ụmụ ọhụrụ amụrụ, na akụkọ ndi ọzọ nke ngalaba-nta ahụ. Mgbe edozichara ọnọdụ ezi-na-ụlọ nwanne nwanyị a tọrọ n’ime ụlọ, ọ dịrị ya ka ọ bụkwarịị onye otu nke ngalaba-nta ahụ n’ihi ikpọ-oku izu-ụka niile nke enyi ya.

© 2017 site n’aka Intellectual Reserve, Inc. Ikike Mbipụta nile ka e dokwara Ebipụtara na USA. Asụsụ Bekee akwadoro: 6/17. Nkwado ntụgharị-asụsụ: 6/17. Ntụgharị nke Ministering Principles, July 2018. Igbo. 15050 593

Lee anya

1. Henry B. Eyring,”Onye Nkasi-obi,” Liahona,May 2015, 18.

Nchepụta anọ maka Ịmụta Ọmiko

Ebe ọmiko na-aba ụba ụfọdụ mgbe anyị nwetechara nhụmiihe mgbu nke onwe anyị, enwere ụfọdụ ihe ndi anyị nwere ike ime taa ịmụta ọmiko. Tulee ụzọ ndi I nwere ike itinye ụkpụrụ anọ ndia:

• Kpee ekpere maka ya. Mgbe I na-arịọ Nna nke Eluigwe, Ọ ga-emepe obi gị, ma I ga-abịa nwete ezi mmasi maka ọdịmma na ańụrị ebigh-ebi nke ndi mmadụ ọzọ” (Kwusaa Ozi-ọma M: Ihe Odudu n’ihi Ije-ozi Mgbasa ozi-ọma [2004], 118; lee kwa Moronaịa 7:48).

• Tinye ya n’omume. I nwere ike igosi ọmiko site n’ige ntị na inwe nghọta. Tinye onwe gị n’ime ọnọdụ ha ma tulee otu ọ ga-esi emetụta ha. Ọ bụrụ na ọ kwesịịrị ọnọdụ ahụ na n’ime oge ahụ, I nwere ike inye enyem-aka iji belata ihe ụfụ ha, ntaram ahụhụ, ma ọ bụ nsogbu ha.

• Soro nkwalite. Onye-nwe nwere ike ikpughere anyị ụzọ ndi esi egosi ọmiko nke anyị nwere ike amatabeghị n’onwe anyị. Mgbe I nwetere nkwanye site n’aka Mụọ inyere ndi ọzọ aka, egbula oge ime ihe na ya.

• Bụrụ enyi nke onwe. I na-egosi ọmiko nwere ike ịdị mfe dịka igosi ezigbo mmasị n’ime ndụ ndị mmadụ. Mụta ige-ntị nke ọma (lee “Ụkpụrụ niile nke Nkwausa-ozi-ọma: Ihe Ise Ezi-Onye-na-ege Ntị Na-eme” Liahona, Jun 2018, 6–9). Ịhụnanya gị maka ha ga-abawanye, ma ọ ga-adị mfe ịmata ụzọ ndi esi egosi ịhụnanya ahụ.

Onye-Nzọpụta nwere Ọmiko

Tulee imụta ụfọdụ akwụkwọ-nsọ ndịa iji lee otu ọmiko nke Jizọs Kraịst siri duba Ya igwọ ọrịa, igọzi, na ikuziri ndị nọ Ya n’akụkụ n’oge nkwusa-ozi-ọma Ya: Matiu 9:35–38; 14:14; 18:27, 33; 20:30–34; Mak 1:40–42; 5:19; 6:30–42; 9:22; Luk 7:13; 10:33; 15:20.

Ụkpụrụ niile nke Nkwusa ozi-ọma ka achọrọ iji nyere anyị aka mụta ilekọta onye ọbụla n’ibe ya—na-abụghị inye ya dịka ihe ọmụmụ. Dịka anyị na-abịa amata ndi ahụ anyị n’ejere ozi, Mụọ Nsọ ga akpali anyị imata ụdị ozi ha nọ na mkpa ya tinyekọta nlekọta na ọmiko anyị.