Osisecheklel a Omesiou, July 2018

Oldars a Ngeseu el Oba KLECHUBCHUB

Sel moltirakl er a okesiul a Osobel er a klechubchub, e ke mo metik el kmo ngar ngii omrelii er a klengar er a rebebil.

A klechubchub a sel modengei a ringel el ngara rebebil e ngar ngii er a rengum el mo mengebekakl malechub e ke mo omekbeot er ngii. A telbiil el mo oltirakl er a Osobel a telbiil er a klechubchub el mo “ngosuir a ta me a tang er a chelngelel me bol kebekakl” (Mosiah 18:8). Sel ngerachel el mo ometebechel er a rebebil a techall el mo mesiou el uai e a Rubak er a losiou: el mo “chubteterir, me bol kebekakl” (Jude 1:22). A Rubak a milellach, “Mocholt a blekokuii ma klechubechub el mo er a ta ma tang” (Zechariah 7:9).

Klechubchub er a Osobel

A klechubchub a sel mle klisichel a omesiungel a Osobel (mesa chebodel: “chubchubchad el Osobel”). A klechubchub er Ngii el mo er a rechedal a rirelii meng mlo oldars a ngeseu el mo er tirkel miliuekl er Ngii el betok el taem. Ngulemes aikel lousbech a rechad me a ikel urungulir, meng mlo sebechel lomekngeltengat e olsisechakl er tir ra teletael el mle klou a belkul el mo er tir. Sel rengul a Osobel el chemol a ringeled a ulechotii sel klou el omeruul er a klechubchub: Sel Tngakireng er Ngii el mo er a klengit me a ringel er a delbechelir a rechad.

Sel klisichel longer aikel lousbech a rechad a bai kired el melasm el meruul er ngii sel dosiou. Me sel de kiei loba llemalt e dorrenges er a odbechel a Chedaol Reng, e kid a mo ngmai a mellomes el luldasu el mo olngeseu el ngar ngii a belkul.

Sel Telbiled er a Klechubchub

A Chedam er a Babeluades a soal a Rengelekel a bol chubchubchad (mesa 1 Korinth 12:25–27). Sel de mera lotirakl er a Rubak, eng kired el mo ubteterir a rebebil, tokuni tirkel kmal ousbech(D&C 52:40).

Sel denguu a ngklel a Jesus Kristo lokiu a telbiil er a techolbechelid, e kid a sioning el kmo kid a ngar ngii a rengud a mo chubchubchad. A President Henry B. Eyring, el Ongeru el Counselor er a First Presidency, a ulsisechakl el kmo a sengk er a Chedaol Reng a ngosukid: “Kau a ngara telbiil el chedal a Ikelesia er a Jesus Kristo. …

“Sei e a uchul eng ngar ngii a rengum el soam el mo olngeseu er a chad el chemau a ringel me lolemolm e lomaks el bedul ruchei sel loltekau a klengitelreng me a ringel. Kau a mle tibir el kmo ke mo olngeseu er a Rubak el mo remuul a chelngelir el mo kebekakl e mo nguu ongelaod. Kau a ngiluu a klisiich el mo olngeseu a beraod el mo kebekakl se er a omnguu a sengk er a Chedaol Reng.”¹

Uai tial okesiu, a odos el ngara Russia a mla er ngii a chetituokl el omeruul er a telungalek er ngii sei a uchul meng dimlak el sebechel el mo er a ikelesia el engelakl e ra ta el rak. A tara odos er a ikeleisa a uldars a ngeseu loba klechubchub er a bek el Sandei el oudengua el mo er ngii e ouchais el kirel a cheldecheduch, suobel, okedong er a mission, retolechoi el milechell, me a di bebil er a chais er a ikeleisa. Se ra lemesmechokl a teletael er a telungalek er ngikal odos, eng ulmechelchesiu el dirk chad er a ikelesia e le ngikal sechelil el oudengua el mo er ngii er a bek el sandei.

© 2018 lokiu a Intellectual Reserve, Inc. All rights reserved. Milluches er a USA.Kengei er a English: 6/17. Kengei er a oidel: 6/17. Oidel a Ministering Principles, July 2018. Palauan. 15050 881

Uleklatk

1. Henry B. Eyring, “The Comforter,” Liahona, May 2015, 18.

Euang el Tekoi el Omekdubech a Klechubchub

Malta a klechubchub er kid a mo klou er a uriul le kid el dirrek el mla soiiseb ra ongarem, eng ngii a ngarngii a bebil er a teletael el sebeched el meruul er a chelechal taem el ngii a mo omekdubech a klechubchub. Momtab a teletael el kau a sebechem lousbech aika el euang el lolisechakl:

• Moluluuch el kirel. Mesel molengit er a Chedam er a Babeluades, e Ngii a mo mekengii a rengum, e “kau a mo ungil medengei aikel sebekreng el kirel a omengedmeklir me a deureng er a rebebil er a rechad” (Preach My Gospel: A Guide to Missionary Service [2004], 118; dirrek mesa Moroni 7:48).

• Moruul er ngii. Kau a sebechem lolecholt er a klechubchub sel morrenges e momtab. Momdasu ulekum kau a ngarsei lomeruul el le ngar ngii e momtab el kmo ng kol ua ngerang a ikel lomelchesiu. Alsekum meng tabesul a teletael me a temel, eng sebechem loldars a ngeseu el mo mengkekerengei a ringelir, telmelir, malechub eng mondai.

• Oltirakl oldubech. A Rubak a sebechel locholt el me er kid a teletelel a klechubchub el ngii a diak el di le kid e bo dodengei. Mesel molechesuar er a odbechel a Chedaol Reng el mo olngeseu er a rebebil, e lak momai er a rengum e bom relii.

• Bo le sechelim. Olechotel a klechubchub a sebechel di beot el uai sel molecholt el semeriar er a klengar er a rebebil. Bo meduch lorrenges(mesa “Ministering Principles: Five Things Good Listeners Do,” Liahona, June 2018, 6–9). A beltkil a rengum el mo er tir a mo klou, e ngii a mo beot a olechotel tial beltikelreng.

Ng CHUBCHUB el Osobel

Molatk el mesuub a bebil er a ikakid el chedaol llechukl el mo mesang el kmong milkerang a klechubchub er a Jesus Kristo a rirelii el mo omekungil, omekngeltengat, e olsisechakl er tirkel mla er a bita er Ngii er sel temel ra lolsisechakl : Mateus 9:35–38; 14:14; 18:27, 33; 20:30–34; Markus 1:40–42; 5:19; 6:30–42; 9:22; Lukas 7:13; 10:33; 15:20.

A osisechklel a omesiou a kirel mo olngeseu er kid el mo meduch el mo omekerreu er a rebebil— e diak el klumech el douchais el kirel. Me sel bo dodengelterir tirkel dosiou er tir, e a Chedaol Reng a odbechid el mo medengei aikel klumech el bai lousbech luldimukl a ulekerreuid me a klechubchub er kid.