Lep ko, Piwiij ko, im Tōmak

Alvaro Alcaino

Antofagasta, Chile

Juon iaan kōttōbar ko am āinwōt juon baam̧le ej n̄an kōjparok jāān n̄an kōm̧m̧ane jāān eo aikuji n̄an wiaik m̧weeo m̧ōm̧. N̄e eban kōttōbar in, aolep weekend in kar pād bajjōk im alooj tipi, kōttar an jāān itok.

Āinwōt juon rittōr in juon kom̧bani in mining ilo ituiiōn̄ in Chile, iaar jerbal ettoļo̧k jān m̧weo im̧ō 4 raan ilo jikin mine ko innām jilu raan kakkije jān jerbal—Jādede n̄an M̧ande. N̄an jipan̄ jāān eo am im kōjparok jāān n̄an juon em̧, kōm eaar jino wia kake lep. Pepe eo am ej n̄an būki ortar ko jān ro m̧ōttam̧, ro ipeļaakum̧, im membōr ro an Kabun̄ in, wiaik 1,000 lep kajjojo wiik jān juon wholesale; innām būki im būkilo̧k lep ko ilo Jādede ko im Mande ko.

Kōrā eo ippa, Laura, im n̄a kar pepe in bōk ajri ro ruo nejūm̧ ippam̧ n̄an iien būkilo̧k ko im m̧ōņōņō ippān doon. Ke kōmij etal ilo iaļ eo ammim n̄an wia lep, ijoke, jorrāān eaar waļo̧k. Juon iaan ajri ro nejūm̧, eaar ikkure kōn juon kein jemjem pinjeļ aaen, kadkad kōn kein jemjem eo im eaar jok ilo kein ittil jikka eo ejjeļo̧k kobban. Ejekadkad in kijeek eaar waļo̧k, im pāān eo waam eaar kun jarom eo ie, eaar kajju bōjrak ilo ioļapļap in highway eo. Kōm kar kabbokoļok juon piwiij.

Ke kōmij jijet ijo im kōm̧m̧an menin an traffic im ļōmņak ta n̄an kōm̧m̧ane, kōm eaar jino in inepata jon̄an kar itōn jan̄. Ak ilo tōre eo, iaar keememej bwe Irooj eaar kallim̧ur n̄an kotak kōm im jipan̄ kōm eļan̄n̄e kōmij likūt lōke ilo E. Aenōm̧m̧an eaar itok ioō. Iaar kile ke ijjab aikuj jijet bajjōk im elotaan. Ewōr juon am̧ jorrāān, im kōn jipan̄ eo an Anij, kōm kar tōprak.

Laura im n̄a kar oktak n̄an doon im ba, “Jej aikuj kwaļo̧k tōmak.” Kōm kar jar im kōm̧ōrāik dānin mejem̧. Innām, Laura eaar kōjebwebwe, iaar diwōj im bwilli wa eo. Jet armej raar diwōj jen wa ko waer im kar jipan̄ n̄a.

Kōm kar bwiļļi wa eo 200 mita n̄an pukot juon jikin em̧m̧an n̄an etal jen iaļ leplep eo n̄an baake. Ke wa eo ej bōjrak, iaar lo bwe kōm eaar baak itum̧aan in juon im̧ōn kōm̧m̧an kōjan̄jan̄ an wa.

Iaar pukot piwiij eo ebwiļ, deļo̧n̄ ilo m̧ōņ wia eo, im kar kajjitōk, “Ewōr ke aer men rōt kein?”

Riwiakake eo eaar uwaak, “Aaet.”

Iaar wiaiki piwiij eo im likūti ilo jikin, wa eo eaar ba jino jo̧, im kōm eaar etal. Mōņ wia lep eo eaar tin kilōk ke kōmij bōjrakļo̧k. Kōm eaar wiaiki lep ko im kar būktok būktak.

N̄e ewōr ad apan̄, jej aikuj keememej in kajjitōk jipan̄ eo an Jemedwōj Ilan̄. Ijeļā Enaaj uwaake kōj ilo ad wōnm̧aanļo̧k im kwaļo̧k tōmak eo ad ilo E.