Na kena ena Monalivaliva Walega
Na kena mai Cava na Noqu Cakacaka e Yaco me Dua na Noqu Veivakalougatataki Cecere
Ena so na gauna eda raica na inaki ni veivakauqeti ka so na gauna e sega. Ia, e dodonu ga meda cakacaka ena vakabauta.
Keirau na mai vakacava na veitau kei na noqu itau ena dua na bogi ni vulai katakata.
Ena siga oya, kei rau a veivala tiko kei Carter (sa mai veisau na yaca)—ka sega ni ka vou ena tolu na yabaki ni neirau veitau cacavukavuka tiko. Na veika kecega keirau veivala kina—mai na veika me lau kana kina na ituvatuva ni veisiga ni mataka. Ni se qai tekivu, au vakatikitikitaka na neirau duidui ena dina ni “veibasai kece era dau veidreti.” Ia, na neirau veiba vaqitoqito e yaco sara me sa dua na gauna ni veiba sa veivakaocai.
Ena bogi ni vulai tubutubu oya, keirau a kauta yani e dua na vakadodorairai kina dua na vanua vagalala me keirau sarava na veivuravura tale eso. Ia, keirau raica ni rarama ni vula ni latia tu na o butobuto e sega ni keirau raica vinaka na veika keirau gadreva. Ena yaloca, keirau tekivu veiba—tale.
E tini ga niu sa taubale yani meu rawa ni tauri au rawa. “E sega ni o au oqo,” au vakasamataka. Au kilai tu vei ira na taciqu niu dau veivakameautaki, kau dau vosa malua tu ena yalovinaka vei ira na noqu itokani tale eso. Na cava au mai kailavaka tiko kina na tagane au kaya niu lomana?
Au rai yani ki na lomalagi butobuto kau masu meu kila ena rawa vakacava niu vakavinakataka na noqu veimaliwai kei Carter. E vakasauri, sa yacovi au mai e dua na vakacegu levu ka sosomitaka na noqu cudru, kau vakila na veivakauqeti ni ka vinaka duadua au rawa ni cakava vei keirau meu sa na tinia na neirau veitau.
E taura na gauna na seyavu ni mavoa. Eso na gauna au a temaki meu vakatikitikitaka na veivakauqeti me keirau sa na tinia na neirau veitau kei Carter baleta niu sa na calata na veika e sala vata kei na neirau veikilai. Au vakila ni vaka au cudruvaka na Kalou, ni nanuma tu ni sa sogota vei au o Koya e dua na katuba ka sega ni dolava e dua tale. Ni yaco oqori, au kukube ki na ivakasala nei Elder Jeffrey R. Holland ena Kuoramu ni Apositolo Le Tinikarua: “Ena veigauna ni rere se vakatitiqa se veigauna dredre … ququmi matua toka ga ena ka o sa kila tiko ka tu vakaukauwa me yacova ni sa tadu mai na ikuri ni kila” (“Kemuni na Turaga, Au sa Vakabauta,” Liaona, Me 2013, 93–94).
Au sega ni ciqoma “na ikuri ni kila ka” oqori ni oti e vica vata na vula, ka sa tekivu meu vakasamataka kevaka ena yaco vei au. Ni oti e dua na masu mai vu ni yaloqu me baleti keirau, e tukuna ki yaloqu na Yalo, ni Tamada Vakalomalagi e dau solia na veivakauqeti me vinaka kina o ira na Luvena. E sega ni bibi na imatailalai ni Nona inaki me vaka na bibi ni noqu vakabauti Koya.
Na kila ni tiko na ituvatuva ni Tamada Vakalomalagi me baleti au e solia vei au e dua na inuinui me baleta na veisiga ni mataka ka vukei au meu tekivu tale ena veigadivi. Ena dua na mataka, au wilika na Vunau kei na Veiyalayalati 88:40, e vakavulica kina na Turaga ni “na rarama sa sala vata ga kei na rarama.” Au raica totolo sara ni rawa ni vakayagataki na ivakavuvuli oqo kina veigadivi ni veikilai na tagane kei na yalewa. Au kila ni rawa niu na marau vakalevu cake kei na dua e tautauvata na veika e vakamareqeta kei na rarama.
Keirau qai mai sota kei Austin. Keirau sa veisemati totolo sara, ena neirau taleitaka ruarua na taco kina na yasayasa keirau kaulotu kina. Au vakila ni veisotari na yaloma malua kei na yaloqu, ka sa mani yaco meu sa vakamautaki koya. Na neirau veimaliwai e sega ni vakariseuto me vaka era na namaka beka eso me vaka ena yaloyalo yavala. Ia, e kamica ka mua dei tu—e dua na ka au vakabauta ni rawa ni tawamudu.
E vuqa vei keda eda dau gadreva na ivakamacala ni sa ciqomi na veivakauqeti dredre. Mai na veika au sotava, au vulica na noda vakabauta tiko na Turaga e rawa ni vukei keda meda talairawarawa ena noda sega madaga ni kila na kena inaki. Ni da nuitaka tiko e dua na Kalou ka kila na ka kecega, ena rawa nida vakila na vakacegu ena noda vakatulewa meda cakacakataka na veivakauqeti me yacova nida sa vakadeitaka meda na ciqoma na “ikuri ni kila” esa yalataka o Koya vei ira na yalodina.