Ukpebnkpo Ukworo-iko Abasi, Ofiong Duop ke isua 2018
Ndibo Unwam man Anwam Mbon Efen
Didie ke nnyin idibuana mbon efen kini nnyin iyomde unwam ke ukeme nnyin man inwam? Ebuana ke mme ndungore ukworo-iko Abasi ke mme akpa-Ederi council meeting.
Ini emi udongo multiple sclerosis akanamde Kathy odu ke ata anyan ini ke wheelchair, enye ama oyom unwam ke kpukpru okoneyo man oworo ke nkpo-itie esie aka akana ke bed esie. Utom oro ama enehede okpon akan member kiet ndinam. Ntre elders quorum ema eneme ebanga ndaha esie enyung ebiere ndisio ini nim man enwam enye ke kpukpru mbubreyo.1
Nte nnyin idifiokde mme unana ye osongo mbon emi nnyin inwamde, nnyin iyekut ete ke nnyin imoyom unwam man inwam ke mme unana mmo. Mme ndungore ukeoro-iko Abasi ye akpa-Ederi Council meeting edi ufang mbiba ke ndineme nte ikpenehede ibuana mbon efen.
Ndungore Ukworo-iko Abasi
Mme ndungore inikiet-ke ofiong-ita emi eke ministering sisters ye presidency Relief Society mme ministering brothers ye presidency elders quorum edi nkokure ata etop emi nnyin inamde kabanga mbonowo emi nnyin ikworode-iko Abasi ino. Ndungore edi ufang ekpedi esisit inikiet-ke-ofiong-ita man (akpa) eneme kabanga osongo, unana, ye mfina mme ufokemana ye owo emi enode mbufo ubiongutom ebanga; (udiana) ebiere mme ewe unana ke quorum, Relief Society, ye ward council ekeme ndino unwam; ndien (oyoho ita) ekpeb eto mme adausung enyung ebo nsongonda ke ukeme ndikworo-iko Abasi.
President elders quorum ye president Relief Society eyeneme mme akpan unana eno bishop enyung ebo item ye ndausung eto enye.
Mbufo eyekut ediwak etop kabanga ndungore ukworo-iko Abasi ke ministering.lds.org.
Ndinam Ndungore Ukworo-iko Abasi Enyene Ufon
Ke ndisongo iko President Russell M. Nelson ete ke edinam ukworo-iko Abasi edidi akpan nde emi utom Ufok Abasi ediyiride, Elder Gary E. Stevenson eke Eboho mme Apostle Duopeba ekpeb ete ke, “Edifiok nkukut esie … edikongo ke nte ndito-eka irenowo ye iban enehede ebo ukpeb enyung enam ndungore ukworo-iko Abasi ofon.”2
Nkpo ition emi ndito-eka irenowo ye iban ekpenamde:
-
Ebo item ke nte ekade ndungore oro. Ebenge idem man ekpeb nkpo.
-
Ebenge idem man eneme ebanga mme unana emi mbufo eyomde unwam ke esop.
-
Eting enyin ese osongo ye ukeme owo kiet-kiet, ekuwuk enyin ke mme unana kpot.
-
Eneme ebanga mme iboro emi ediwutde ete ke ukworo-iko Abasi mbufo okut unen.
-
Esobo ye presidency man eneme ke ndungore inikiet-ke-ofiong-ita ke nte odotde.
Nkpo ition emi mme adausung ekpenamde:
-
Inaha nte ndungore ebibighe, edi enam ufang ekem man esobo ke ebiet emi edikemede ndinyene ata nneme.
-
Eda ufang man ono okworo-iko Abasi eyeneka erenowo mme nnwan item unwam.
-
Ekubup mbume emi ediwutde ete ke mbufo enam ibat eno mmo ke nte ekesede owo mme ke nwed (“Nte mbufo emenam ukworo-iko Abasi mbufo?”) Ekubup mbume emi ediwutde edu uwem eke mme owo (“Nso ntuuk ke mbufo ekenyene kini mbufo ebongde akam eno ufokemana oro? Nso iketibe kini mbufo enamde nkpo oto ke mme ntuuk oro?”)
-
Enehede eno mkpang-utong enyung ewet nkpo.
-
Eneme otokiet. Mme nsanga ukworo-iko Abasi enyene unen ndibo eriyarare nno mbon emi enode mmo ubiong ete eka ekenwam.
Mme Mbume ye Iboro kabanga Ndungore Ukworo-iko Abasi
Nso idi ndungore ukworo-iko Abasi?
Oro edi nneme eke okworo-iko Abasi eyeneka erenowo ye member kiet eke presidency elders quorum mme eke okworo-iko Abasi eyeneka nnwan ye member kiet eke presidency Relief Society edude ke ndaha emi anamde mmo eyom enyung ebo ifiok-Abasi eto Edisana Spirit. Nte iboro, okworo-iko Abasi eyeneka erenowo ye nnwan ekeme ndibo ifiok-Abasi man ese-enyin, ama, ekpeb, onyung ono ndongesit ke usung eke Andinyanga.
Nte ana enam ndungore inikiet-ke-ofiong-ita emi ke iso-ye-iso?
Akpana nte enam ndungore emi ke iso-ye-iso, edi ekeme ndinam ke ndikokot ke phone mme online kini mukemeke ndisobo iso-ye-iso. Nte ededi, nsanga mbiba emi enyene ndibuana ke ndungore kini odotde.
Nso idi ufon ndungore ukworo-iko Abasi?
Ndungore ukworo-iko Abasi edi ufang ono mme okworo-iko Abasi eyeneka erenowo ye nnwan man efiak ese ndaha ini oro, enam mbenge idem eno ini iso, enyung ebo unwam eno mme owo ye ufokemana emi mmo ekworode-iko Abasi eno. Edi ufang ke ndineme mbanga mme nkpo-utom emi quorum ye Relief Society ekemede ndino.
Didie ke ami ndinam ye mme mkposong ye ndedibe nkpontibe?
Mme okworo-iko Abasi ndito-eka irenowo ye iban ebuana ndedibe etop ye president elders quorum ye Relief Society—mme ke nditing ye bishop. Inaha nte ebuana mme ndedibe ye akpan etop ke mme council meeting eke akpa-Ederi.
Mme Akpa-Ederi Council Meeting
Ke ndidian ke ndungore ukworo-iko Abasi, mme akpa-Ederi council meeting edi usung efen ke ndida mbon efen nsin ke utom ukworo-iko Abasi. Ke mme mboho Relief Society ye elders quorum, ifiok-Abasi ekeme ndisim mbon emi edukde oto Spirit ye mbon efen ke eboho oro.
Ufon council meeting edi man:
-
“Eneme otokiet kabanga mme mkpri ubiong utom, ufang, ye mfina;
-
“Ekpeb eto oniong ye ifiok-ukpeb eke owo efen; onyung
-
“Eyom usung man enam nkpo ke mme ntuuk emi ebode eto Spirit”3
Mme council meeting okpon akan ndineme nneme: mme mboho oro anam nnyin inam nkpo nte owo kiet-kiet ye nte eboho ke nte Spirit etemede. Mbon Ufok Abasi ekeme ndinyene udong ndinam utom Abasi nkure oto ke ntak mboho emi.
Ikoot man Anam-nkpo
“Elder Jeffrey R. Holland eke Eboho mme Apostle Duopeba odoho ete ke, “Akam nnyin mfin emi edi ete yak ofuri irenowo ye iban—ye ikpo mkparawa ye nkaiferi nnyin—edi [keme] ndinehede mbiere nse kiet eken enyin ke ofuri-esit, oto ke ntak edisana ima Christ man enam oro.”4
© 2018 otode Intellectual Reserve, Inc. Ekpan kpukpru unen ndiming. Ekeming ke USA. Enyime edikabare ke Iko Mbakara: 6/17. Enyimme Ndikabare: 6/17. Edikabare eke Ministering Principles, October 2018. Efik. 15053 553