Yalen e Machib, October 2018

Ngan Thapeg e Ayuw ni ngan Ayuweg Boech e Gidii’

Uw rogon ni gadad ra uneg boech e gidii’ ko ngiyal’ nib tu’uf e ayuw rodad ni ngad machib gad? Un ko fapi interview nifen e machib nge fare bin mu’ulung nibay ko bin somm’on-e Madnom.

Mit e m’ar ni kanoeg e multiple sclerosis ngay ni yib ngak Kathy me ‘aw nga but’ ni par riy nga wheelchair, peri’eg nib tu’uf e ayuw rok ni ngan chibiy u chia rok nga bet. Biney e murwel e kaygi ga’ ngak ta’ be’. Ere fapi elder quorum era puruy’ niged mornga’agen e biney miyad dugliy e ngiyal’ ni ngar pi’ed e ayuw ngak ni gubin e balayal’. ¹

Nap’an ni gadad ra nang gelngin nge tin nib tu’uf rok fapi gidii’ ni gadad be pigpig ngak, mrayag ni gadad ra peri’eg nib tu’uf e ayuw rodad ni ngad pi’iyeg e ayuw ko tin nib tu’uf rorad ban’an. Interview nifen e machib nge fare bin mu’ulung nibay ko bin somm’on e Madnom ni’ir l’agruw kanawo’en nrayag ni ngan weliy rogon ni ngan uneg boech e gidii’ ko tin ni yibe rin’.

Interview nifen e Machib

Pi interview ney ni yima tay ni gubin aningeg e pul u thlin e pi’in nib bpin nibe machib nge fare Relief Society presidency fa pi’in nib mo’on nibe machib nge fapi elders quorum presidency e kemus ni iraray e report nibe dag e pi cha’en ni gadad be machibnag. Interview ney ni yima tay ni gubin aningeg e pul e rayag ni nge ayuwegdad (1) ngad puruy’niged pi gelngindad, nge tin nibay nib tu’uf, nge tin ni yibe gafgow riy ko tin tabinaew nge pi cha’ ni kan dugliy ngom; to (2) min dugliy ko mang ba tu’uf nrayag ni nge pi’ fapi quorum, Relief Society, fa ward e ayuw riy; mukun (3) fil rok fapi toyugang’ nge rogon nrayag ngan mon’ognag e tamachib.

Fare elders quorum president nge fare Relief Society president e ma thil e thin u thilrow miyow yog ngak e bisof ko tin nib tu’ub miyow thapeg e tib nib tu’uf ningar rin’ew rok.

Rayag ni ngam peri’eg boech mornga’agen e interview ko machib u ministering.lds.org.

Interview ko Machib ni Yibe Ngongliy Rogon ni nge Mon’og

Ni kiybe ul’ul’ ko n’en ni yog President Russell M. Nelson ni fare program ko machib era mang fare n’en nra mon’og nag fare Galasia, Elder Gary E. Stevenson ko fare Quorum ko fare Ragag nge L’agruw i Apostles ke fil, “Fare thogthog nike yib ngak … e be yan u rogon nikan fanow nag fapi mo’on nge bpin nge rogon niyad be un ko fapi interview ko machib.” ²

Laal i n’en nra ayuweg fapi mo’on nge bpin niyad be machib:

• Mman ko fapi interview ni gabe gay rogon e fanow. Mag fal’ag rogom ni ngam fil.

• Mag fal’ag rogom ngam weliy e tin nib tu’uf rom ni ngan ayuwegnem riy ni ngam thapeg.

• Mag sap ko fal’ngin facha’ nge tin nib mom ngak, gathi kemus ni tin nib tu’uf rok.

• Puruy’nag e tin nra buch ni pow riy nira fare machib ni kam tay ba mon’og rogon.

• Mnon ngak e presidency ngan puruy’nang fapi intervew ni yima tay ni aningeg e pul.

Laal i n’en nra ayuweg e toyugang’:

• Dani t’uf ni nge n’uw fapi interview, machane mu dugliy e ngiyal’ nge bang nrayag ni ngam nonow facha’ nib pufpuf rogon.

• Mag gay rogon ngam machib ngak facha’ ni’ir reb fapi mo’on fa bpin nibe machib.

• Dam fith e duwer nrayag ni nge sap be’ ngay ma woed ni gabe interview ni bachan ni nge chuw e thin riy (“Kam mu’nag fapi machib rom”?). Ngam fith ko mang e kar rin’ed (“Mang e kam thamiy u nap’an ni kam meybil nifen fare tabinaew? Mang ke buch u nap’an ni kam rin’ e pi n’en nikan thogthog nag ngom?”).

• Motoyil nib fal’rogon mag yoloy nga but’.

• Puruy’gow u ta’abang. L’agruw ni’ nibe machib u ta’abang e kan pi’ ngorow fare yi’iy nifen ngak fapi cha’ niyad be machib ngorad.

Duwer nge Fulweg ko mornga’agen e Interview ko Machib

Mang e interview ko machib?

Biney ba puruy’ u thlin fapi mo’on niyad be machib nge memba’ ko fare elders quorum presidency fa thlin e pi’in nib bpin nibe machib nge memba’ ko fare Relief Society presiency u bang nrayag ni ngar thamiyew fare thogthog nibe yib rok fare Kan ni Thothup. N’en nra buch, e fapi mo’on nge bpin nima machib e yadra thamiy ni ngar gafaliyed, miyad tu’ufeg, min fil, min dag e runguy u wo’en fare Tathapeg.

Pi mu’ulung ney ni yima tay ni gubin aningeg e pul ba tu’uf ni ngan mada’ riy?

Baga’ ni yima mada’ riy, machane rayag ni ngan use nag e fon fa online ni fa’an ndabiyag ni ngam mada’ gow facha’. Susun, ni gamew facha’ ni gamew ma machib u ta’abang e gamew ra yan ko fare interview u ta’abang.

Mang fal’ngin e interview ko machib?

Interview ko machib e rayag ni nge ayuweg fapi mo’on nge bpin nima machib ni nge guy e tin nibe buch e chiney, ma fal’agin boech ban’en nga m’on, miyad ayuw facha’ fa fare tabinaew niyad be machibnag. Iraray e ngiyal’ nrayag ni ngan guy ko miti mang ayuw e rayag ni nge pi’ e quorum nge Relief Society.

Uw rogon ni gura mruwliy e tin ba’aray ban’en nib mith fa ban’en nib momaw’ i weliy?

Fapi mo’on nge bpin ni yad be machib e rayag ni ngar weliyed salpen facha’ ni yad be machibnag ngak e elders quorum fa Releif Society president—fa ngak e bisof ma kemus aram. Tin nib mith fa tin nib momaw’ i weliy e dabni weliy mornga’agen ko mu’ulung ni yima tay ko fare bin somm’on e Madnom.

Rayag ni ngam guy pi kaechiidoo ko rogon ni yima interview ko machib u ministering.lds.org.

Mu’ulung ko Council ko Bin Somm’on e Madnom

Bang nifan e interview ko machib, mu’ulung ko council nifan e bin somm’on e madnom e reb i kanawo’en ni ngan uneg boech e gidii’ ko fare machib. Ulan fare mu’ulung ko Relief Society nge fapi elder quorum, thogthog e rayag ni nge yib ngak fapi cha’ nibe un ko fare mu’ulung u dakan fare Thothup nge ku fapi gidii’ nibay ko fare ulung.

Fan ko fare mu’ulung ko council e nge:

• “Ngan puruy’nag e tin nib tu’uf ni ngan rin’, nge tin nrayag ni ngan rin’, nge tin nib momaw’ ban’en;

• “Mfil rok boech e gidii’ nge tin ni yad manang ban’en; nge

• “Mag tanomnag ni kam thamiy nike yib rok fare Thothup.”³

Mu’ulung ko council e gathi kemus ni mornga’agen e mnon: pi mu’ulung ney e ir e ma gagiyeg nagdad ni ngad gachgachgad u ta’abang fa kemus ni yugugur nibe yan u rogon nike thogthog nag fare Thothup. Fapi chongin e Galasia e yad ra thamiy ni yad ba’adag ni ngar rin’ed e murwel rok Somoel ni’ir raray fan e pi mu’ulung ney ni yima tay.

Pong ni ngan Mithmith Riy

“Meybil romad e daba’,” ke yoeg Elder Jeffrey R. Holland ko fare Ulungi ko fare Ragag nge La’agruw e Apostles, “ni gubin e mo’on nge bpin—nge tin nib ilal e pagal nge bpib —e [ngar] tu’ufegned yad ni gubin, nibe pi’ gelnginrad fare tu’ufeg rok Kristus ni ngar rin’ed ni aray rogon.” ⁴

© 2018 rok Intellectual Reserve, Inc. Gubin mabay mat’won. Kan yoloey u Meriken. Kan micheg nag ko thin nu Ngalis: 6/17. Micheg i pilyeg: 6/17. Pilyeg e thin ko Ministering Principles, October 2018. Yapese. 15053 905

Babyoren e Ayuw

• Muguy ko Mormon Messages video “Lift,” lds.org/media-library.

• Gary E. Stevenson, in “Ministering Interviews” (video), ministering,lds.org.

• Come, Follow Me—For Melchizedek Priesthood nge Relief Society, ulan Ensign fa Liahona, Nov. 2017, 140; ni kubay u comefollowme.lds.org.

• Jeffrey R. Holland, “Be With and Strengthen Them,” Ensign fa Liahona, May 2018, 103.

Yesus ni Uneg e Gidii’

Yesus e durwi’iy fare ulungi gidii’ nib 5,000 ko laal i flowa nge l’agruw i nig nib achig. Be’eg John 6:5–14 ni nge dag urngin yay nibe uneg fare Tathapeg e gidii’ ko rogon niybe machib.

Yelan e machib e kan tay ni nge ayuwegdad ni ngad skul gaed u ta’abang—gathi ngan weliy fapi mulwol. Nap’an ni gadad ra nang fapi gidii’ ni gadad be pigpig ngorad, fare Kan ni Thothup e ra ayuwegdad ngad nanged ko bin ngan e mulwol, ab t’uf rorad nga rogon ni ngan ayuweg rad u fithik e runguy.

Puruy’nag mornga’agen e tin nib tu’uf ko gidii’ e ir fan fapi interview ko machib. Kum guy ko fare article ni mornga’agen Yalen e Machib, “Counsel about Their Needs,” in the September 2018 issue.