?From Wanem Yumi Gat Ol Miting blong Kworom mo blong Rilif Sosaeti?

Long ol las dei ia, God i bin putumbak prishud mo i bin oganaesem ol kworom blong prishud mo Rilif Sosaeti blong help blong mekem wok blong Hem blong sevem man, i kamtru. From hemia, evri Sandei, yumi kam tugeta long ol Melkesedek Prishud mo Rilif Sosaeti miting; yumi kam tugeta blong toktok raon mo mekem plan long hao blong mekem wok blong God i kamtru. Blong hemia i wok gud, ol miting ia oli mas kam moa bitim wan klas. Oli ol janis tu, blong toktok tugeta abaot wok blong fasin blong sevem man, blong yumi lan tugeta aot long ol tijing blong ol lida blong Jos abaot wok ia, mo blong yumi mekem ol plan mo yumi oganaesem yumi blong mekem wok ia i kamtru.