Ukpebnkpo Unwam, Ofiong Duopeba ke isua 2018

Eneme nneme Man Mbufo eno Ukpeme

Odu ata ediwak usung emi nnyin ikemeke ndiwut ukpeme nnyin, akpan-akpan kini Ukabare isua. Nnyin imekeme nditing oro, iwet oro, ino oro, ibuana oro, ibong akam ino oro, ifop oro, ibre oro, ito oro, inyung inam oro asana. Esuk enam oro esisit.

Ndiwut ima nno mbon efen edi akpan nkpo ke utom unwam. Relief Society General President Jean B. Bingham odoho ete ke: “Ima edi ntak kiet emi ididade inam ata utom unwam ofon. … Ye ima nte ntak, utibe nkpo eyeda itie, nnyin iyekut usung ndida ndito eka nnyin iban ye irenowo emi ‘ekesopde’ isin ke ofuri eboho iko Abasi Jesus Christ”¹

Ndinam mbon efen ediongo ke nnyin imeno ukpeme edi akpan nkpo kiet ke nditongo mme ebuana idem nnyin. Edi nsio-nsio owo ebo etop oro ke mme nsio-nsio usung. Ntre didie ke nnyin ikeme ndinehede nwut ima nnyin nno mbon efen ke mme usung emi mmo edifiokde enyung eno ekom? Se mme ubak usung mi ndiwut ke nnyin imeno ukpeme, diana ye esisit ifiok man etongo ekikere eke mbufo.

Eting Oro

Usukini mbiet iduhe ke nditing nte mbufo ekerede ebanga owo efen. Sia emi ediworode ndidoho owo efen ke mbufo emema mmo, ke esit oro edi ndibuana se mbufo emade kabanga mmo mme ndino ata ekom. Oruk unyime ntem eyenwam ndisongo mme ebuana. (Se ke Nwed Mbon Ephesus 3:19.)

Eyom ufang kiet man enam owo oro odiongo adanga nte mbufo emade eti nkpo kiet ke idem mmo.
Ewaha ese, ekot, mme edino email, eno text, mme ke card nditing nno se mbufo ekerede ebanga mmo.

Eka ekese

Ndida ini man eneme nneme ye onyung akpang-utong ono owo efen edi eti usung kiet ndiwut adanga ndaha nte mbufo ebatde enye. Mme nte mbufo ekese enye ke ufok, ke Ufok Abasi, mme ke ebiet ekededi, odu ediwak owo emi eyomde owo kiet emi mmo ekemede nditing iko nno. (Se ke Mosiah 4:26; D&C 20:47.)

Ke nte mme unana owo kiet-kiet edide, enim ini ndika nkese. Eda ini man enehede ekpang-utong enyung efiok ndaha mmo.
Ke ebietde nte eyesong ke ndika ufok otode ke ntak anyan usung, ido ubono-nkpo, mme ke ntak efen, ekere ebanga ndiyom ini nsobo otokiet ke ini Ufok Abasi asuanade.

Enwam ye Ntak

Ekpeme ke se idide mme unana owo kiet mme eke ufokemana mmo edide. Ndino utom unwam eke ofonde eyewut ete ke mbufo emeno ukpeme. Oro esine mme nti eno eke ini ye ukeme ndinehede nkere. Sisiter Bingham odoho et eke, “Mkpri utom unwam ekeme ndinyene akpan ufon ke idem mbon efen.”²

Eno unwam emi edisongoke owo kiet-kiet mme ufokemana mmo idem, oruk nte ndikpeme ndito-nwong man mme eka ye ete mmo ekeme ndika temple.
Eyom usung man enam mbiomo efere kini uwem osongde, oruk nte ndinam mme window asana, ndida ebua nworo nka anwa, mme ndinam anwa esien asana.

Enam mme Nkpo Otokiet

Odu mme owo emi misidianake kiet ke ntotungo nneme. Eke usuk owo, edidiana kiet esidi ke ndikut akpan udong ye ndibiat ini ndu otokiet nnam mme nkpo oro. Jehovah eteme ete yak nnyin “idu inyung isongo” (D&C 20:53) ndito eka irenowo ye iban nnyin idem.

Enam isang otokiet, enim ini mbre ke okoneyo kiet, mme ndiyom eti ini man esinge idem otokiet.
Enwam ndinam utom obio mme eke utom Ufok Abasi otokiet.

Eno owo Eno

Usukini ini ye mme ufang ke ndineme nneme isiwakke. Ke ediwak ido ubono-nkpo, ndino mme eno edi idiongo ndiwut ima ye mbom. Kpa ke esisit, ndaha, mkpri eno ekeme ndiwut udong mbufo man etongo ebop nti ebuana. (Se ke Mme Nke 21:14.)

Eda mmo eka eti ebiet man ekop inemesit.
Ebuana iko-ibuot, itie nwed Abasi kiet, mme etop efen emi mbufo ekutde ete ke eyeno mmo ufon.

Utom Ima

Nte mbufo edidiongoke mbon owo emi mbufo enwamde ye enye emi mbufo eyomde ifiok-spirit eto, mbufo eyenehede ekpeb adanga nte ekpewutde ima ye ukpeme mbufo eno mmo owo kiet-kiet.

Kimberly Seyboldt emi otode Oregon, USA, okono mbuk abanga ndiyom ifiok-spirit ye ndino mme eno man owut ima ete:

“Ke ini ami nkutde nte ke uwem osong ye ami, ami nyedaha nda nnyung nam uyo zucchini, nte eboho itiaita ke ediwak ini. Akpan inem-nkpo mi edi ndobo-ndobo akam eke ami mbongde kini ami mfopde uyo man ndiongo owo eke ediyomde mme eboho uyo oro. Ami mma nkeme ndinehede ndiongo mme mbohoidung mi ofon ke nte ufiop-ufiop uyo zucchini anamde mmo eda mi esin ke ufok ye ke uwem mmo.

“Ke usen ini ndaeyo kiet, ami mma nwat nkesim ebiet emi ufokemana kiet enyamde mmong mfri blackberry ke mben usung. Ami nkeyomke ediwak blackberry, edi ekpri, esip-idem eyeneren emi anyamde nkpo ama okop inem ndikut mi, ekere ke ami ndi edep-urua esie efen. Ami mma ndep esisit blackberry oro, edi ami nko mma nnyene eno ndino enye. Ami mma nno eyeneren oro eboho uyo iba. Enye onwongore ese ete esie oyom unyime man obo, ndien odoho ete, ‘Ete mi, sese, idahaemi nnyin imenyene nkpo se idiade mfin emi. I was filled with gratitude for this opportunity to show love in a simple way.”

Elder Jeffrey R. Holland eke Eboho mme Apostle Duopeba ekebenge ete, “yak ofuri irenowo ye iban—ye ikpo mkparawa ye nkaiferi nnyin—edi [keme] … ndinehede mbiere nse kiet eken enyin ke ofuri-esit, oto ke ntak edisana ima Christ kpot man enam oro. … Yak nnyin inam utom ke nde kiet ye Obong inwang-utom, ndino Abasi ye Ete ofuri nnyin unwam ke mfefere ubiong Esie ke ndiboro mme akam, nno ndongesit, nkwohode mmongeyet, nnyung nsongo mme edong emi ememde.”³

Jesus Christ ono Ukpeme

Ke Jesus Christ ama akanam Lazarus eset ke mkpa, “Jesus atua eyet.

“Ntem ke mme Jew ete, Sese, adanga nte Enye amade owo oro! (John 11:35–36).

“Christ odoho mbon Nephi ete, “Ami mmenyene mbom mbanga mbufo.” Ekem Enye odoho mbon udongo ye mbon nkpo nam, mbon mbungo ye mme nnan ete eworo edi, ndien “enye okok mmo” (se ke 3 Nephi 17:7–9).

Andinyanga ama ono nnyin uwutnkpo ke nte Enye akanwamde mbon efen. Enye ekekpeb nnyin ete:

“Ma Jehobah Abasi fo ke ofuri esit fo, ye ke ofuri ukpong fo, ye ke ofuri ekikere fo.

“Emi edi akamba ye ebe-iso item.

“Udiana onyung ebiet enye, ete, Ma mbohoidung fo nte idem fo.”(Matthew 22:37–39).

Anie oyom ukpeme mbufo? Didie ke mbufo ewut mmo ete ke mbufo emenyene ima?

© 2018 otode Intellectual Reserve, Inc. Ekpan kpukpru unen ndiming. Ekeming ke USA. Enyime edikabare ke Iko Mbakara: 6/17. Enyimme Ndikabare: 6/17 Edikabare eke Ministering Principles, December 2018. Efik. 15056 553