Shindamenu ya Buambi, Tshiswa-Munene 2018

Manyisha bua se udi ukuba

Kudi mishindu mivule itudi mua kuleja bua ne tudi tukuba, nangananga mu difesto dia diledibua dia Kilisto. Tudi mua ku tshiakula, ku tshiamba mu mifundu, ku tshifunda, ku tshifila, ku tshiabanya, ku tshilomba, kutshilamba, ku tshimba, ku tshiakidila, ku tshinaya, ku tshikuna, anyi ku tshikupula. Kuteta nansha tshianana.

Kuleja dinanga kudi bakuabu tshidi tshia mushinga wabungi mu buambi; Mutangidi munena wa Kasumbu Kambuluishi Jean B. Bingham wakamba ne: “Busambi bulelela budi bukumbaja pa muntu ne muntu bu dikankamika. … Kuikala ne dinanga bu dikankamika, bishima ne bilue, ne netupeta mishindu ya kutuala bana betu bakaji ne baluma “bajimine” ku bualu ebu bunena bua lumu luimpe lua Yesu Kilisto.”¹

Patudi tuleja bakuabu bua ne tudi tudisambena buabu tshidi tshintu tshia mushinga bua kulubulula bulunda. Kadi bantu babungi badi bunvua dinanga mu mishindu mishilangane. Pananku mushindu kayi mukumbana utudi mua kuleja dinanga dietu bua bakuabu mu ngikadilu wa bobu kunvua ne kuanyisha? Ebi bidi mishindu mitshintshika ya kuleja bua ne tudi tukuba, ne kabidi ngenyi mikesa ya kubanga kuela penu meji nkayenu.

Ku tshiamba

Kumisangu, kakuena tshikuabu tshia mushinga bu kuamba mûdi unvua bua muntu. Pikaletshi mua kunvuija mu kuamba ne udi munanga muntu, tshidi kabidi tshikumbana bua kuamba tshiwudi wanyisha kudibu anyi kubela kalumbandi kalenga. Ngikadilu ewu udi wambuluisha bua kukolesha malanda. (Tangila Efeso 4:29.)

Keba mushindu wa kufikisha muntu ku dimanya muudi wanyisha tshimua tshia ku didituala dienda.
Kusamba, kubikila ku kamua, anyi kutuma mikanda, kufunda, anyi kakanda kaleja muntu bua se udi umuelela meji.

Dikumbula

Patudi tuangata diba dia kuakula ne kunvua muntu, tshidi mushindu mukola wa kufila mushinga munena kudiye. Nansha nukumbula ku nzubu, mu ekelezia, anyi miaba mikuabu, kudi anu bantu babungi ne dijinga dia kuyukila ne muntu. (Tangila Mosiya 4:26; D&C 20:47.)

Longolola dikumbula bilondeshila majinga a muntu. Ikala ne diba dia kuteleja ne kunvua menamena malu a muntu.
Pikalebi bitatshisha bua kukumbula ku nzubu idi ntantamila, imua ngikadilu ya nsobelu, anyi malu makuabu, ela meji bua kupeta diba pamue panyima pa bisangilu bia Ekelezia.

Tumika ne kipatshila

Ikale ne ntema ku bidi muntu anyi meku ajinga. Pangadika midimu ya nsongu idi ileja se udi ubêlela meji. Bidi biangata diba dia mushinga ne kudienzeja kuabungi “bienzedi bia mushinga mukesa bidi mua kuenza malu manena kudi bakuabu,” biamba kudi Mamu Bingham.²

Kufila midimu idi ikankamika bantu ne meku abu, bumudi kulama bana bua se baledi badi mua kuya ku ntempelo.
Keba mishindu ya kupepeja majitu padi muoyo muikale upampakana, bu mudi kusukula madidishi, kuendesha mbwa, anyi kukomba mu lupangu.

Kuenza malu pamue

Kudi bantu bakuabu kabayi bibidilangane ne miyuki mile to. Bua bamue bantu, tshibidilu tshidi tshilua mu dipeta tuipatshila tua malu amue ne kupitshisha meba pamue mu kuenza malu awu. Mukalenga mubela bua tuikale ne tukankamike bana betu balume ne bakaji (tangila D&C 20:53)

Endakanayi, longololayi dilolu dia dinaya, anyi sombayi ku misangu yonsu pamue bua kupepeja mubidi.
Tumikayi mu kuambuluisha pamue tshimenga anyi Ekelezia mu bualu.

Enza Dipa

Imua misangu, diba anyi mishindu ya kuambuluisha idi mishikila. Mu nsombelu yabungi, kufila dipa kudi tshilejelu tshia bukubi ne kusambena. Nansha mu mpukampuka, dipa dikesa didi mua kuleja dinanga dieba bua kuibaka bulunda bulenga (Tangila Nsumuinu 21:14.)

Bangatshila tshiakudia tshinangibua.
Londa kasumuinu, mufundu, anyi muanda mukuabu ûdi mumuna ne udi mua kubambuluisha.

Mudimu wa Dinanga

Pawudi ufika ku dimanya aba ba udi ukumbula, ne ukeba meji a nyuma, ne ulonge biabungi, nangananga mushindu wa kuleja dinanga dieba ne kukuba muntu ne muntu.

Kimberly Seyboldt wa mu Oregon, USA, udi ulonda muyuki wa dikeba dia meji a nyuma ne kufila kua mapa bua kuleja dinanga:

“Pandi ngunvua ne muoyo udi ukeba kumbungamija, Ndi njuka ne ngenza mampa ne mawoji, muanda mukulu pa tshibidilu. Tshianyi tshia kuenza natshi tshia pabuatshi tshidi disambila dia munda dindi mfila pandi ngosha bua kumanya udi dijinga ne mampa aha. Nga kafika ku dimanyangana bimpa ne bena mutumba banyi bualu mampa a mawoji akadi dikumbula dianyi mu nzubu ne mu mioyo yabu.

“Dituku dikuabu dia tshikondu tshia luya, nakadi muimana ku luseka lua diku divua dipana ku luseka lua njila. Tshiakadi dijinga ne Bimuma biabungi to, kadi muana mukesa wabalume uvua muimana ne disanka bua ku muna, wela meji ne nvu muikale musumbi wenda mulondele. Nga kasumba ndambu ya Bimuma, kadi nvua panyi ne dipa buenda. Nga kapesha muana muluma ewu milungu ya mampa ibidi. Wa kakudimuka kudi tatu wenda bua dianyisha, ne kuamba se, “Tangila, Tatu, mpindiewu tudi ne tshia kudia lelu.” Nvua muwujibua ne disanka bua mushindu ewu wa kuleja dinanga mu bualu bukesa.”

Mukulu Jeffrey R. Holland wa mu Tshisumbu tshia Bapostolu Dikumi ne Babidi wa kalomba ne, “bua bantu balume ne bakaji bonso — ne bansonga betu balume ne bakaji — ne bikale badifile ne muoyo mujima bua kukuba umua ne umua, basanguluja anu ku dinanga dilelela dia Kilisto bua kuenza nanku. … Ndi ntekemena ne tuenza mudimu balamatangana ne Mukalenga wa budimi bua nvinyo, mu kuambuluisha Nzambi ne Tatu wetu bonso ku mudimu ewu munena wa kuandamuna masambila, kukankamika, kukamisha binsonji bia badi badila, ne kukolesha binu bidi biteketa.”³

Yesu Kilisto udi utuelela meji

Panyima pa Yesu Kilisto mubisha Lazalo ku lufu, “Yesu wakadila.

“Pananku bena Yuda kuamba ne, Muna mudiye mu munange!” (Yona 11:35–36).

“Ndi ne luse buenu,” Kilisto wakambila bena nefi. Ne wakabikila babêdi ne batatshishibua babu, balema ne bafofu babu, ne “wa kabondopa” (tangila 3 Nefi 17:7–9).

Musungidi wa kaleja tshilejelu kutudi pa Kunvuila bantu luse. Wakatulongesha ne:

“Unange Mukalenga Nzambi weba ne muoyo weba mujima, ne anyima weba mujima, ne meji eba onso.

“Etshi tshidi mukenji wa kumpala ne munena.

“Ne muibidi udi mufuanangana nenda, Unange mukueba bu mûdi mudinange” (Matayo 22:37–39).

Nganyi udi dijinga ne bukubi bueba? Mushindu kayi ûdi mua kubaleja ne udi ubakuba?

© 2018 by Intellectual Reserve, Inc. All rights reserved. Mupatula mu USA Dianyisha mu Angele: 6/17. Dianyisha dia Dikudimuna: 6/17. Dikudimuna dia Ministering Principles, December 2018. Tshiluba. 15056 760