Jos I Stap long Ples Ia

Tokio, Japan

Long Yanaka Simetri long Tokio, Japan, wan Lata-dei Sent famli, famli Saitos, oli bin visitim famli gref blong olgeta. Long olgeta, hem i wan ples blong stap tingbaot, mo i kam tabu moa from gospel save ia se ol famli oli save stap tugeta blong oltaem.

Respek long famli mo ol bubu, hem i wan strong rus insaed long kalja blong Japan, mo ol ol Lata-dei Sent blong Japan oli glad se nesen blong olgeta, naoia i gat blesing ia blong gat trifala tempol: Tokio (faswan long Esia eria, we oli bin dediketem long ol yia 1980 mo naoia oli stap riperem), Fukuoka (we oli dediketem long yia 2000), mo Saporo (we oli bin dediketem long 2016). Japan i gat tu 64 LDS famli histri senta.

Ol misinari oli kasem Japan faswan long 1901, we Elda Heber J. Grant (1856–1945), i lidim olgeta, mo long tetaem ia i wan memba blong Kworom blong Olgeta Twelef Aposol, mo afta i kam namba seven Presiden blong Jos. Tedei, i gat samples 130, 000 memba long Japan long 261 kongregesen.

• Fas translesen blong Buk blong Momon i go long lanwis blong Japan, i tekem faef yia mo oli bin finisim long 1909. Translesen we oli bin luklukbak long hem, oli bin pablisim long 1957.

• Fas LDS mitinghaos long Esia, oli bin dediketem long Japan long 1964.

• Ol Jeneral Atoriti we oli kamaot long Japan, i gat Elda Adney Y. Komatsu (1923–2011), we i bon long Hawae; Elda Yoshihiko Kikuchi, emeritus; mo Elda Kazuhiko Yamashita.