Jisas I Bin Lanem Samting mo I Bin Groap

I Kam long Marissa Widdison

Ol Magasin blong Jos

Jisas i bon i wan smol bebi. !Mi tu, mi bin wan bebi!

Meri mo Josef i help blong lukaotgud long Jisas.?Hu i stap helpem mi?

Jisas i bin groap long sem wei we mi mi stap groap. Hem i bin gro i kam antap long saed blong waes. Hemia i minim se Hem i bin lanem ol niu samting.

Hem i bin gro i kam antap long saed blong bodi. Hemia i minim se bodi blong Hem i kam bigwan moa.

Hem i bin gro we i kam antap mekem se God i laekem Hem. Hemia i minim se Hem i bin lanem abaot Papa long Heven. Hem i bin lan blong prea. Hem i bin ridim olgeta skripja.

Hem i bin gro we i kam antap mekem se ol man oli laekem Hem. Hemia i minim se Hem i bin gat ol niu fren. Hem i gat kaen fasin wetem ol narafala man. Hem i bin helpem famli blong hem.

Mi save helpem maen mo bodi blong mi blong gro. Mi save lanem blong folem God. Mi save stap olsem wan gud fren. !Bambae mi groap long ol gudfala wei, semmak olsem Jisas!