Ip Yohk ke Kasruh, January 2019

Srihpac Ma Fah Ekuhlah Kasruh Lasr

Ke oasr srihpac puhs ke kasruh, kuhiyacsr enenuh in kolyuck ke kena in kahsruh mwet sakhyac in suk kena loal in sramsram ac tuhkuh oacna Mwet Lahngo.

Ke kuht luhngse mwet sahyac oacna Mwet Lahngo el oruh, kuht kena in kahsrwels oacna El oruh. Oacna sie Sheperd Wo, El pa srihkasrak sahflah se ma oasr kalmac ke kahsruh.

In oruh kahsruh lasr tohkohl, yohk srihpac in esam lah Kuhiyacl in luhngse, sruhk, luti, ac insewowo oasr sie kena yohk liki na enenuh in sa toeni. Pwacyena El etuh ke enenuh lalos kais-sie-lwen ac oasr pahkomuhtwen lal ke mwe elyah lalos ingena. Oruh El ahkweye, liyacacng, nuhnak muhnahs, ac luti. Tuh El kena in oru yohk liki na el oru ke maluh misenge liye(John 4:13–14) El kena elos suc raunwelah in ukwacl (liye Luke 18:22; John 21:22), etwacl(liye John 10:14; Doctrine and Covenants 132:22–24), ac sun enenuh yohk lalos (liye Matthew 5:48). Ma sacn pacna el kahlwem misenge (liye Doctrine and Covenants 67:13).

Oasr atac tiac kuh in wacwaclah kuht kuh in kahsruh ahkinsewowoye mwet sahyac, tuh ke sahflahiyen finsrak yohk ke kuhkwacnsap in kahsruh mwet sahyac in tuhkuh etuh Mwet Lahngo ac tuhkuh oacna El, kuht fah tuhkweni orekma neke lwen se kuht fah tiac sifil luti mwet tuhlan lasr in etuh Leum mweyen kuht nuhkwewa fah etuh Kacl (liye Jeremiah 31:34).

Lohacng luhn Mwet Lahngo Som yohk ke Enenuh Ingena

• Puhs kais sie sun pacl wo in use kawuck lalos nuh yurin Jisus in onweyucklac ke mas. Ke sahflahiyac ah Mwet Lahngo el onwelah mwet, tuh el pwacr yohk in nuhnak muhnahs nuh sel ke ma koluk lal (liye Luke 5:18–26).

• Ke mwet uh utucklac nu yurin Leum mutan kosro se utuckyak, kahskahs in kai Lal molwelah. Tuh El kena in moelah nguhn lal pac. Fahk nu sel in “som, ac tiac sifil oru ma koluk” (liye John 8:2–11).

• Mary ac Martha suhpuh kahs nuhsel Jisus siyuck Elan tuku in onwelah kawuck Lal, Lazarus. Jisus, suc onwelah mwet puhs ke pacl puhs, oru pahtlac som lal neke tukun Lazarus el misac. Jisus El etuh ma sucu an ke eis, tuhsruhktuh in molwelah Lazarus ke misac lal, El ahkfokokoye luhlahlfongi lalos ke wolacna Lal (liye John 11:21–27).

Meac kuhtuh srihkasrak kom kuh in sang nuh ke tahk se inge?

Meac Kuht Kuh In Oruh Uh?

Fin srihpac lasr pa in kahsruh mwet sahyac in tuhkuh oacna Mwet Lahngo, fah kahsruh ekuhlah kahsruh lasr. Pa inge kuhtuh ohiac etwacack se inge kuh in kol kuhiyacsr in kahsruh.

Nuhnak 1: Kuhpasri Luti nuh yurin Mwet Lahngo

Kwewana kuhiyacsr pa in oruh ma wo el yohk kamlmac, tuh kuht kuh liye ma wo in kahsruh luti lasr ke kuhpahsriac nuh yurin Mwet Lahngo. Srihkasrak se kac, fin sucu se kom luti el mas, sie mongo arulacna oasr srihpac, tuh atac fihsrwacsr ke luhngse kuh in ahkyohkye fahkwack lom ke luhngse luhn Mwet Lahngo nuh selos. Kahsruh lom ke imohm fah sruhikihnyuck, tuh fah sahp kuh in ma yohk kalmac se ke sang mwe insewowo luhn pristut.

Elder Neil L. Andersen ke U luhn Mwet Sap Singucul Luo luti: “ Sie mwet wo nuhnak lal kuh in kasruh ahkwoyelah sie wil, uslah sie mwet kaul wiyac nuh yurin taktuh, wi sie mwet suhpwacr luhnj, kuh isrwacsr fahk hello in ahkenganye sie lwen.

“Tuh sie mwet ukwe ma sap fah sang orkwekma in kuhlwacnsap yohk srihpac inge.”¹

Nuhnak 2: Lohacng nuh ke Innek luhn Ma sap

Ke sramsram nuh sin macmpucr ke pacl se emet ekihn prestuhn luhn Alu, Prestuhn Russel M. Nelson, ““Keep on the covenant path.” Oruh ac sruokyac ma sap “fah ikacslah sruhngohl nuh ke kais sie mwe insewow luhn nguhn ac engan ma oasr.²

Ke Mwet-Luhlahlfongi ke Lwen Sahflah, kuht pacptais, ahkweyeyuck, ac eis mwe sang luhn Nguhn Muhtahl. Mukul macmpucr nwacsnwacs eis pristut. Kuht som nuh ke tempuhl nuh ke mwe sang ac in tuhkweni akiyucki in tuhkweni sucu ma pahtpaht. Ip yohk sefiyucki inge ac olwelah akwucki lalos el yohk srihpac nuh sesr in tuhkuh oacna El tuh kuht in kuh in muhta Yohrohl.

Kuht in eis ma kunac yohk srihpac in oruh ke kahsruh mwet sahyac ke inack sacn ke kuht kahsrwelos in sruok olwelah ac ahkolah in oruh olwelah ke pacl fahsruh.³ Kuht kuh in kahsruh fuhkah kais sie kuh sucu kom kahsruh in akwuck se tok elos enenuh uh? Ma se inge kuh in kalmac a kahsruh ahkolah sie pahpah in pacptaiselah tuhlihk muhtwacn nahtuhl, ahkuhtweyac mwe insewowo ke olwelah se tok in orwek lac, kuh akacsruhi ohiac in eis kalmac yohk luhn ahksasucye srihkasrak ke olwelah lasr ke kuht ipeis sackruhmacn.

Nuhnak 3: Suli ac Ahkweye

Ke ma fal, kahsruh elos suc kom elyah se ke sramsram lalos ac kuhiyac lalos in oacna Kraist yohk. Lwelah nga in liye kuhiyac kom liyac ac ke selos. Sokwack lah oasr oyac puhla lalos elos kuh in ahkwoye ac sruhmuhn lah kom ac kahsruh fuhkah. (In yohk ke tuhkweni kahsruh yohrohlos suc kom kahsruh, liye “Counsel about Their Needs,” Liahona, Sept. 2018, 6–9.)

Tiac sahngweng in solwaclos in ukwe Mwet Lahngo ac lwelah Nuhsel in kahsrwelos in sun kuh wolacna lalos. Suli se inge kuh in ekuhlah-moul, ahkpuhsye ke atac kom luhngse yohrohlos ac luhlahlfongi lom Kacl.

Ohiac Ohnkohs Kuht Kuh In Kahsruh Elos Sahyac Kihluckyak nuh yurin Kraist

Pa inge ahkuhtweyac in kol mwet sahyac in ahkwoye moul ac sun ke innek in olwelah. (Liye Preach My Gospel, chapter 11, nuhnak yohk sahyac.)

1. + Akacsruhi Oruh in pwacye ac kahlwem ke akacsruhi lah fuhkah Mwet Lahngo el kahsrwe kom ke kom srihke in fototoyang nuh Sel in moul kihn ip luhn wosasuc sahyacn mwe ahkfohs.

2. Mwe insewowo luhn Olwelah Mwet uh enenuh sie srihpac in eklac ma oasr srihpac in eklac liki in wacngihn srihpac. Ahkuhtweyac mwe insewowo ma wi kain mukwikwi se kuh in sang ahkkweyeyuck fokoko (liye Doctrine and Covenants 130:20–21).

3. Suli. Moul kihn ip luhn wosasuc use sie fahkwack ma pwacye(liye John 7:17) ac kol nuh ke sramsram loal.⁴ Apkuhran in ohsun nuhkwewa kuh in oasr sie suli fihsrwacsr in oruh kuhtuh ma kuh in kahsruh in ahkapyaclos.

4. Tuhnweni Plwacn. Meac enenuh in sikyak nuh selos in fihsrwacsr in sruokyac olwelah lalos in eklac? Kom ac kahsruh fuhkah? Oasr puhluhn pacl kac?

5. Kahsruh. Ke kahsruh, ahkapye kahsruh u in mwet suc kuh in kahsruh kais sie moniyuck ac orwaclah wo. Kuht kwewa enenuh sie mwet in ahkweye.

6. Ahkfalyeyuck. Akacsruhi kapwack pacl nuhkwewa. Lohacng nuh ke plwacn tuh ahkwoyelac fin enenuh. Mongfihsrwacsr, suwohs, ac ahkweye. Eklac kuh in eslah pacl.

Suli in Oruh

Nuhnkuh ohiacn kuhiom in kahsruh—kwewa ma yohk ac ma srihk—kuh in kahsruh ahkyohkye sramsram lalos ac tuhkuh oacna Mwet Lahngo.

© 2019 sin Intellectual Reserve, Inc. All rights reserved. Sihmlac fin acn USA. Ahkkweyeyucklac ke kahs English: 6/16. Ahkkweyeyucklac ke lweng: 6/16. Lweng ke Ministering Principles, January 2019. Kosraean. 15762 868

Mwe ahkahlwemye

1. Neil L. Andersen, “A Holier Approach to Ministering” (Brigham Young University devotional, Apr. 10, 2018), 3, speeches.byu.edu.

2. Russell M. Nelson, “Ke Kuht Tuhkweni Fahsr Nuhmet,” Liahona, Apr. 2018, 7.

3. Liye Henry B. Eyring, “Tuhlihk Muhtwacn ke Olwelah,” Liahona, May 2014, 125–28.

4. Liye David A. Bednar, “Eklac nuh sin Leum,” Liahona, Nov. 2012, 106–109.

“Ip yohk ke Karihngihn” ip yohk el oruh in kahsrwe kuht lotwelah in karihngihn sie sin sie—tiac pweng se in akacsruhi ke pacl in muhtwacta. Ke kuht tuhkuh in etuh elos suc kuht kuhlwacnsapuh, Nguhn Muhtahl fah siyuck sesr in etuh pweng se elos fah enenuh in fal nuh ke elyah ac pahkotwen lasr.