Mushindu kayi wa kufila bujadiki mu NGAKUILU mupepela

Buambi budi bumvuija ne; kufila majadiki. Dikazamuka dia buambi, didi mua kukolesha mishindu yetu ya kufila bujadiki mu ngikadilu mikumbana anyi ya tshikosu.

Tuakaditshipa bua “kuikala bajadiki ba Nzambi diba dionso, mu bintu bionso, ne mu miaba yonso” (Mosiya 18:9). Kufila majadiki etu, tshidi ngenzelu wa mujadiki ne tshidi kabidi mushindu mukola wa kubikila Nyuma Munsantu bua alenga muoyo wa muntu ne ashuntulula ngikadilu wende.

“Bujadiki—bujadiki bulelela, budi bufuma kudi Nyuma ne bujadikibua kudi Nyuma Munsantu—budi bushuntulula mioyo,” biamba kudi Muimanyinyi M. Russell Ballard, Muimanyinyi wa tshisumbu tshia bapostolu dikumi ne ibidi mpindiewu.¹

Kadi kufila bujadiki tshidi mua kuikala dizakeja anyi bujitu bua bamua ba kutudi. Etshi tshidi tshizakeja bualu tudi tuela meji ne; kufila kua bujadiki tshidi tshintu tshitudi tuenza mu tshisangilu tshia kujila ne kufila kua bujadiki anyi patudi tulongesha. Mu diunvuija dikumbana edi, tudi tutamba kuakula ne imua miaku ne anyi biambilu bidi kabiyi bikumbanangana ne miyuki ya pa tshibidilu.

Kufila majadiki etu tshidi mua kulua dibenesha dia pa tshibidilu mu mioyo yetu ne mu mioyo ya bakuabu patudi tumvua mushindu udibio bipepela bua kutangalaja tshitudi bitaba mu miyuki ya matuku onso. Eyi idi ngenyi mitshintshika bua kunuambuluisha bua nutuadija kuenza.

Shala mu wewa

Bujadiki kabuena bukengela anu kubanga ne muaku, “Ndi musue kufila bujadiki buanyi,” ne kabuena bulomba bua kujikija anu ne, “Mu dina dia Yesu Kilisto, amen.” Bujadiki budi tshiambilu tshia ditaba ne dimanya dietu pa bitudi bamanya ne mbilelela. Nunku, mu kuyukila ne muena mutumba weba munjila pa bualu budiye nabu, udi mua kumuambila ne: “Ndi mumanya ne Nzambi utu wandamuna masambila,” tshidi mua kuikala tshimpa bikola kupita bujadiki bonso bufila kumpala ku tshiambilu mu disambila. Bukola kabuena bulua ku ngakuilu mulenga to; budi bufuma kudi Nyuma udi ujadika bulelela(tangila Doctrine et Alliances 100:7–8).

Londa ngakuilu wa miyuki ya pa tshibidilu

Patudi ne dijinga dia kutangalaja bujadiji, kudi mishindu mitunyunguluke bua kulonda bujadiki mu miaku ya pa tshibidilu. Tshilejelu:

Muntu udi mua kukukonka muudi mupitakana ne ndekelu wa lumingu lueba. Wandamuna ne “Luvua lulenga.” “Mvua dijinga ne Ekelezia nangananga.”
Muntu udi mua kukusambena pa bualu bukola buvua bukufikila: “Ndi nkema bikola.” Wewa kuandamuna: “Tuasakidila bua didipampakaja dieba. Ndi mumanya ne Nzambi ne ankuatshishe pa bualu ebu. Utu untua mpanda.”
Muntu udi mua kukuleja ne: “Ndi ntekemena se tshikondo tshikola etshi ne tshishuntuluka katataka,” anyi “Bisa udi panyima pa diba bulelela,” anyi “Tangila nyungulukilu wa mashinyi udi ne lutatu.” Udi mua kuandamuna ne: “Ndi mutuishibua ne Nzambi neambuluisha bua bionso bikala bimpa.”

Fila Mamanya eba

Tudi tutamba kuakula ne bakuabu pa bidi bitangila ntatu yetu. Padi muntu ukuambila bualu budiye nabu, udi mua kumulondela tshikondo tshivua Nzambi mukuambuluisha mu makenga eba, ne kumujadikila bua se udi mumanya ne udi mua kumukuatshisha penda. Mukalenga wa kamba se: “ Nempepeje majitu adi mateka pa makaya enu, ne nengenze nunku bua kunyima nuikale bajadiki banyi, ne bua numanye bushuwa ne meme, Mukalenga Nzambi, ndi nkumbula bantu banyi mu ntatu yabo.(Mosiya 24:14). Tudi mua kuikala bajadiki bende patudi tujadika bua mushindu uvuaye mutuambuluisha mu ntatu yetu.

Ikala mudilongolola

Bua bamua ba kutudi, kufila bujadiki mu tshikondo katshiyi tshilongolola bidi mua kubazakeja. Kudi mushindu wa tuetu kudilongolola ne “kuikala pabuipi misangu yonso bua kuandamuna kudi muntu yonso udi utukonka kabingila ka ditekemena didi mu [tuetu]” (1 Petelo 3:15).

Tshiakumpala, kuikala mudilongolola tshidi mua kunvuija se kutangila muoyo wetu. Tudi tubikila Nyuma Munsantu mu mioyo yetu ne tukolesha majadika etu dituku dionso kupitshila ku nsombelu muakana anyi? Tudi tupesha Nyuma tshipolu tshia yeya kuakula ne kutupe miaku itudinayi dijinga kupitshila ku disambila ne ku dilonga mifundu anyi? Nzambi wa kabela Hyrum Smith bua kajingi mua kuamba diyi diende to, kadi anji akeba mua kupeta diyi diende, ne pashishe ludimi luende ne lusuludibue” (Doctrine et Alliances 11:21).

Tshibidi, kuikala mudilongolola tshidi mua kumvuija ditangila kumpala ne difuanyikija mishindu iwudi nayi dituku adi anyi lumingu alu bua kufila bujadiki buebe. Udi mua kudilongolola bua mishindu ayi mu kuela meji pa bidi bitangila mua kupeshabi mpunga wa kulonda biwudi muikale muitabe.

Akuila nangananga pa bidi bitangila Musungidi ne malongesha ende.

Muimanyinyi Ballard wa kalongesha ne, “Tuetu bidimba bia Ekelezia, nansha tuetu bikala ne majadiki pa malu abungi, kudi amua malu malelela a shindamenu adi akengela kudilongesha mu tuetu ne kuatangalaja.” Bu bilejelu bia kafilaye: “Nzambi udi Tatu ne Yesu udi Kilisto. Bulongolodi bua lupandu budi bushindamena pa bupikudi bua Musungidi. Joseph Smith wa kibakulula bujima bua tshiuwidi tshia lumu luimpa lua kashidi lua Yesu Kilisto, ne Mukanda wa Molomo udi tshimanyinu tshia bulelela bua bujadiki buetu.” Patudi tuakula bua malelela aha a ku muoyo, tudi tubikila Nyuma bua ajadika se bitudi bamba mbilelela. Muimanyinyi Ballard wa katamba kuakula ne : “Nyuma kena mua kudikanda diba didi bujadiki buakane bua Kilisto buikaleku.”²

Tshilejelu tshia Musungidi

Mutshioka ku luendu ufuma ku Samaliya, Musungidi kuimanaye bua kuikisha ku tshina tshia mayi ne kututakena ne mukaji muaba awu. Wa kabangisha muyuki ku disuna dia mayi mu tshina. Mu kuakula pa dilomba dia patshibidilu divua Mukaji ne tshia bua kupesha Yesu mushindu wa kujadika pa mayi a muoyo ne pa muoyo wa tshiendelela udi ukumbena aba bonso badi bamuitaba (tangila Yona 4:13–15, 25–26).

Bujadiki bukesa budi mua kushuntulula Mioyo

Muimanyinyi Russell M. Nelson wa kalonda bua munganga uvua mumukonka lukonku lukola pa dipandangana diambedi yeya muikala Munganga munene. “Buatshinyi udi mushilangana ne minganga mikuabu?” Minganga mikuabu ivuaye mumanya ivua mua kuikala ne ngikadilu kayi muimpa ne mubi pavuabu benza midimu mikola.

Munganga Nelson uvua ne mishindu mivule ya kuandamuna. Kadi wa kandamuna biteketa ne: “Bualu ndi mumanya se Mukanda wa Molomo udi mulelela.”

Diandamuna dienda dia kasaka munganga ewu ne muluma wende ku dilonga Mukanda wa Molomo. Muimanyinyi Nelson wa katambuisha munganga ewu. Panyima pa bidimu dikumi, pavuaye ulombola mpungilu wa ntenji mu Tenesi, USA, bu Mupostolu mupiamupia mujidila, Muimanyinyi Nelson wakadimuna mu nsangilu mulenga ne munganga umua awu. Wa kalonda ne; dikudimuka dia muoyo wende ku bujadiki buende buteketa ne lunvu lua Mukanda wa Molomo, biakafikisha ku dikudimuka dia mioyo ya bantu 80.³

Dibikila bua kuenza

Kanumvu bowa bua kufila bujadiki buenu to. Etshi tshidi bua kubenesha aba banudi nusamba. Mushindu kayi unudi mua kuangata ngenyi eyi anyi kukeba yenu nkayenu bua kufila bujadiki lelu?

© 2017 kudi Intellectual Reserve, Inc. All rights reserved. Mupatula mu USA Dianyisha mu Angele: 6/17. Dianyisha dia dikudimuna: 6/16. Dikudimuna dia Ministering Principles, March 2019. Tshiluba. 15764 760