Kuenza buambi bua disanka

Kuenza mudimu ne dinanga kudi kufila disanka kudi mufidi ne mupetshi.

Misangu mikuabo, dikebulula dietu dia diakalenga mu matuku etu a muoyo bidi mua kuikala bu kunyemena ku tshiamua tshia kupepeja natshi mubidi. Tudi tunyema ne tunyema kadi tushale bumvua ne katuena bafika pa muaba nansha. Bua bamua, muanda wa kusamba bakuabu tshidi tshikala bu dikumbaja biabungi ku biakuenza.

Kadi Tatu wetu wa mu diulu musue bua tupeta disanka ne wakatuambila ne “bantu bikalaku; ne bantu badiku, bua ne bikala ne disanka” (2 Nefi 2: 25). Ne Musungidi wa kalongesha ne: dienza dia buambi mu kusamba bakuabo didi dikala tshitupa tshia mushinga mu mushindu utudi tutuala disanka mu mioyo yetu ne mu mioyo ya bakuabo.

Disanka ntshinyi?

Disanka diakadi diumvuija bu “diumvua dia ditalala dinena ne diakalengela.”¹ Baprofeta ba matuku a ndekelu bakadi balongolola butoka pa kudi disanka difuma ne mushindu udidi dipetshibua. “Disanka ditudi tumvua kadiena dieyemena malu a mu mioyo yetu. Kadi ndieyemena ku tuipatshila tua mioyo yetu,” biamba kudi Muimanyinyi Russell M. Nelson. “… Disanka didi difuma anu kupitshila kudi [Yesu klisto] Udi mpokolo wa masanka onso”²

Buambi budi bufila disanka

Pakadia Lehi tshimuma tshia kumutshi wa muoyo, anyima wenda wakuujibua “ne disanka ditamba bunena” (1 Nefi 8:12). Dijinga dienda dia kumpala divua dia kuabanya tshimuma etshi ne aba bavuaye munanga.

Disua dietu dia kuenza mudimu wa buambi kudi bakuabo didi mua kutuala disanka dia mushindu ewu kutudi ne kudibo. Musungidi wa kalongesha bayidi benda ne: tshimuma tshitudi bikala tutuala patudi bikala kudiye tshidi tshitupesha disanka dinena (tangila Yona 15:1–11). Kuenza mudimu wenda mu kusadila ne kukeba bua kutuala bakuabo kudiye bidi mua kuikala muanda wa disanka diabungi (tangila Luka 15:7; Alama 29:9; Doctrine et Alliances 18:16; 50:22). Tudi mua kumona disanka edi nansha kumpala kua malu makola ne makenga (tangila 2 Kolinto 7:4; Kolosayi 1:11).

Musungidi wakatuleja tshilejelu tshijalama tshileja ne: tshimua tshia ku muja tshinena tshia disanka dilelela mu muoyo ewu tshidi tshipetshibua kupitshila ku dienza dia mudimu. Patudi tuenza mudimu wa buambi kudi bana betu balume ne bakaji bumudi Musungidi muenza, ne lusa ne dinanga mu mioyo yetu, tudi mua kuindila disanka didi dipita diakalengela.

“Patudi bikala tuakidila ne muoyo mujima mudimu wa [buambi], ne tuikale … pabuipi ne kulua bena Siyona ne netuikale ne disanka diabungi pamua ne aba batuvua bambuluisha kupitshila ku mudimu wa buyishi;” bilongesha kudi Mamu Jean B. Bingham, Muimanyinyi Munena wa Kasumbu Kambuluishi.³

Mushindu kayi utudi muakuenza mudimu wa buambi muikale wa disanka diambungi?

Kudi mishindu yabungi bua tuetu kutuala disanka dinena mu mudimu wetu wa buambi. Munayi Ngenyi mikesa eyi:

Kumvua kipatshila keba mu buambi. Kudi tuipatshila tuabungi bua kuenza mudimu wa buambi. Nangananga,tshisumi tshietu tshidi ne bua kuikala tshijalamangana ne kipatshila ka Nzambi “bua kuuja dibenga kufua ne muoyo wa tshiendelela wa muntu” (Mosa 1: 39). Bumutudi bitaba dibikila dia Muimanyinyi Russell M. Nelson bua kuambuluisha bakuabo mu njila wa dikudimuka diabo, tudi mua kupeta disanka mu didibuinka mu mudimu wa Nzambi⁴ (Bua biabungi bidi bitangila tuipatshila tua buambi, tangila ““Ministering Principles: The Purpose That Will Change Our Ministering,” in the January 2018 Liahona.)
Enza mudimu wa buambi nansha kudi bantu badi kabayi bakufundila. Muimanyinyi Thomas S. Monson wa katamba kutuvuluija ne: “Katulekedi bualu bua kulongolola bulua ne mushinga wabungi kupita muntu wa kunanga to.”⁵ Buambi budi buikala butangila dinanga dia bantu, kabuena butangila malu a kuenza nansha. Mutudi bikala tuya kumpala mu dinanga bumuakadi Musungidi muenza, ne tuikala bunzuluka bua kupeta disanka didi dilua ku diambuluisha bakuabo.
Enza bua se mudimu wa buambi wikala mupepela . Muimanyinyi M. Russell Ballard, udi muikala Muimanyinyi wa katataka wa Tshisumbu tshia Bapostolu dikumi ne Babidi, udi utuambila ne: “Malu manena adi akumbana kupitshila ku malu makesa ne mapepela. … Bienzedi bietu bikesa ne bipepela bia dinanga ne bia diambuluisha, ne bitufikisha ku matuku a muoyo muujibua ne dinanga dia Tatu wetu wa mu diulu, didifila ku mudimu wa Mukalenga Yesu Kilisto, ne ngikadilu wa ditalala ne disanka diba dionso ditudi tukumbula muntu.”⁶
Tumbushayi mateketa mu buambi. Lupandu lua muntu kaluena mu bukokeshi bueba nansha. Etshi tshidi bualu bua muntu nkayenda ne Mukalenga. Mudimu wetu udi anu wa kubananga ne kubambuluisha bua batangila kudi Yesu Kilisto, udi muikala Musungidi wabu.

Katulenguludi disanka dia mudimu to.

Misangu mikuabo bantu badi bikala ne bundu bua kulomba diambuluisha, pananku kubambuluisha kuetu kudi mua kuikala anu pa tshintu tshidibo natshi dijinga. Kadi kudienzeja nkayetu kudi bantu katshiena diandamuna nansha. Kulomba dianyisha kumpala kua kuambuluisha tshidi lungenyi luimpa.

Mukulu Dieter F. Uchdorf wa mu Tshisumbu tshia Bapostolu Dikumi ne Babidi wakalonda muyuki wa mamu mudisombela uvua mukuatshika disama dia kantembela— ne pananku bana bende bakakuatshika pabu ku disama. Mu nzubu muvua ne mankenda kumpala, muakashala munyanguka ne bukoya. Malongu ne bilamba bikavua binunka.

Mu tshikondo tshivua mamu ewu mudiumvua mushikila, ba mamu ba mu Kasumbu Kambuluishi bakakokola ku tshîbi tshienda. Bobu kabakakonka ne; “Tukuambuluisha anyi.” Pakamonabo anu bualu, bakaditua mu mudimu.

Bakalongolola mu bisombedi, kufilabo bukenka ne butoka mu nzubu, ne ba kabikila mulunda wabo bua kuluaye ne bivuabo nabi dijinga. Pakajikijabo mudimu ne pakamulayabo, bakashiya mamu ewu mu binsonji—binsonji bia disanka ne dinanga.”⁷

Bonso buabo, bafidi ne mupetshi, bakumvua luya lua disanka.

Kuna Disanka mu muoyo weba

Disanka diabungi, ditalala, ne diuvuangana ditudi tukuna mu mioyo yetu, didi ditufikisha ku dibifila kudi bakuabo patudi tuya mu busambi. Disanka didi difuma ku Nyuma Muimpa (tangila Galatiya 5: 22 ne Doctrine et Alliances 11:13). Budi buikale bualu butudi mua kusambidila (tangila Doctrine alliances 136:29) ne kububikila mu muoyo wetu. Monayi ngenyi mikesa eyi bua kutuambuluisha bua tukuna disanka mu mioyo yetu:

Bala mabenesha eba. Paudi utangila muoyo weba, funda mu kakanda keba ka mifundu bintu bidi Nzambi mukubeneshela.⁸ Fundaku bimpa bionso bidi bikala bikunyunguluka.⁹ Teya ntema bua ebi bionso bidi bikupangisha bua kumvua disanka ne funda mishindu ya kulongolola ne kubiumvua. Mu tshipolo esthi tshia Pasaka, ikala ne diba dia kukeba diumvuangana dimpa ne Musungidi (tangila Doctrine et Alliances 101:36).
Teka mutshienzedi ne muoyo mujima. Disanka didi mua kukupeta bimpa mu tshikondo tshia ditalala mu disambila mu meji .¹⁰ Umvua ne ntema yonsu ebi bidi bikala bifila disanka (tangila 1 Kulondolola 16:15). Kushala tshitantshi ne bisanji, tshidi mua kutuambuluisha bua kudienzeja ne muoyo mujima.¹¹
Lekela kudifuanyikija. Bivua bikala biamba ne: difuanyikija didi muivi wa disanka. Polo wakadimuija ne: aba “badi baditshinkila mu bobu, ne badifuanyikija munkatshi muabo, kabena ne meji to” (2 Kolinto 10:12
Keba dibuluibua dieba. Musungidi wakalongesha ne: “Pawa lomba, ne upeta dibuluibua pa dikuabu, dimanya pa dikuabu, bua umanye malu masokoka ne malu a ditalala— adi atuala disanka, adi atuala muoyo wa tshiendelela”(Doctrine et Alliances 42:61

Dibikila bua kuenza

Mushindu kayi uudi mua kutantamija disanka dipeta mu matuku eba a muoyo kupitshila ku buambi?

© 2017 by Intellectual Reserve, Inc. All rights reserved. Mupatula mu USA. Dianyisha mu Angele: 6/17. Dianyisha dia dikudimuna: 6/16. Dikudimuna dia Ministering Principles, April 2019. Tshiluba. 15765 760