Padahngkan en Papah, Epreil 2019

Wiahda Doadoahk en Papah en wia Mehn Popohl

Papah ni limpoak kin wahdo popohl ohng me wia oh pil me alehda.

Ekei pak atail roporopki peren nan mour wet kakete rasehng soused maiai mehn. Kitail kin laidki uwen atail kak koaros ahpw sohte kak koledi mehkot. Ele ekei kitail mwein medewe atail pwukoah en papah oh wiahki mehn kediropw

Ahpw Samatail Nanleng ketin kuwurki kitail en kehn popohl oh mahseniehng kitialehr “aramas mie, pwe ren aniki popohl” (2 Nephi 2:25). Oh Sounkomouro padahnki me doahdoahk en papah wia kiseh kesempwal en atial pahn wahdo popohl ohng atail mour oh mour en meteikan.

Dahkot Popohl?

Popohl kawehwehdiehr ni mwomwet “pepehm en insenemwahu laud oh peren.”¹ Soukohp en Imwen-rahnpwukat kiehng kitialehr kaweid duwen wasa me popohl kin alahldi sangie. “Popohl kitial kin kehn sohte mwan pilisang atail paiamwahu de irair en atail mour, ahpw sangete dahme kitial kin keiu kesempwalki nan atial mour,”Presiden Russell M. Nelson mahseni.“… Popohl kin ketisang oh pil pweki [Sises Krais]. Ih me utuhn popohl koaros.”²

Doahdoahk en Papah kin Wahdo Popohl

Ni en Lihai e kangada wahn tuken komouro, e “direkihla popohl laud mehlel” (1 Nihpai 8:12). mwurihte e medewehda mas ah men ehukiehng iraill akan me e poakpoake.

Atail inengiehng papah meteikan pahn kak wahdong kitial oh irail soangen popohlohte. Sounkomouro padahkiehng sapwellime tohnpadahk kan ia mwomwen wahn atail doahdoahk ni atial ehuiehng Ih pahn wahdong kitial popohl unsek (tehk Sohn 15:1–11). Wiewia sapwellime doahdoahk sang ni papah oh nantihehng wahdong aramas Reh kak wia ansou kaperen mehlel ieu. (tehk Luk 15:7; Alma 29:9; Doctrine and Covenants 18:16; 50:22). Kitial kak aheldi soangen popohl wet mehndahte ahpwal de lokolok me kitial mih loale (tehk 2 Korint 7:4; Kolose 1:11).

Sounkomouro kasalehng kitial karasaras unsek duwen wiape keiu mwahu en wahdo popohl an mour met me iei papah. Ni atail kin papah rehatail ohl oh lih akan duwe Sounkomouro, sang ni limpaok mehlel en atail moangiaoang kan, kitial kak alehdi popohl laud sang douhlul peren mwahl en ansou tekis.

“Ni atail ngoangkida atail [doahdoahk en papah] ni aktikitik, kitail pahn … rahsengala aramas en Sion oh kitail pahn kehn popohl laud rehn irail akan me kitail sewesehda ni elen wiahla tohnpadahk,” Sister Jean B. Bingham mahseni, Kaun en Pwihn en Sawas en Lih.³

Ia Duwen Atail Kak Kalaudehla Popohl Nan Atial Doahdoahk en Papah?

Mie wiape tohto pwen kalaudehla popohl ni atail doahdoahk en papah. Iet ekei wiape:

1. Wehwehki karapomw nan omwi doahdoahk en papah. Mie karepe tohto pid doahdoahk en papah. Ahpw ni mehlel, karapetail nan doahdoahk wet anahne utuhng en Sapwellimen Kohto “Pwen wiahda elen iasada oh alehdi mour soutik ohng aramas korusien” (Moses 1:39). Ni atail pahn alehda luk en Presiden Russel M. Nelson en sewese meteikan ni ahl tehtik en inou sarawi kan, kitial kak diar popohl sang ni atail patehng wia doahdoahk en Koht.⁴ (Pwen kilangada pil ekei karepen doahdoahk en papah, tehk mas Padahngkan en Papah: Kahrepeo Me Pahn Wekidala Atail Doadoahk en Papah 2018 Liahona.)

2. Wiahda omwi doahdoahk en papah en pidada aramas, ah kaidehn wiapeho. Presiden Thomas S. Monson kin kalapw kataman ehng kitial; “Dehr mweideng kahpwal ieu me anahne kapwungala en kesempwal sang aramas emen komw kak poakehng.”⁵ Doahdoahk en papah me pid poakehng aramas, ah kaidehn wiewia kan. Ni atail pahn anikihla limpoak me duwe en Sounkomouro, kitail pahn kekehnla popohl me kohsang papah meteikan.

3. Wiahda omwi doahdoahk en mengei Presiden M. Russell Ballard, me wia Presiden en Pwihn en Wahparon Ehk Riemen, mahsenieng kitail: mehkot laud kin kohsang mehkoht mengei oh tikitik. … Atail wiewia mwahu kan me mengei oh tikitik pahn patpene oh wiahla mour ieu me audoudkihla limpoak en Sahm Nanlehng, ngoangki doahdoahk en Kaun Sises Krais, oh pepehm en meleilei oh popohl ni ehu ehu pak atail kin sewese emen emen.” ⁶

4. Kihsang kapwunodpen doahdoahk en papah. Kaidehn omwi pwukoah en kadoadoahki en emen aramas arail komourlao. Men mihte nan pwugen irail oh Kauno. Atail pwukoah me iei poakehng irail oh sewese irail sopeilang Sises Krais, me iei arail Sounkomour.

Deh Kesaula Popohl en Papah.

Ekei pak aramas peikasalki pek sawas me reh anahne, eri ma kitial pahn idek dahme kitial kak sawaski kakehte kapweipweida wasau. Ahpw itoit sohte pil pwung. Pekihda mwemwei mwon omwi pahn papah wia tiahk mwahu ieu.

Elder Dieter F. Uchtdorf sang Pwihn en Wahparown Ehk Riemen padahki duwen lih sohte pwoud mehn me soumwahu en kilitopw—eri nah seri ko ahpw iangada. imwarialo me kin soandi douhlul uhd pingapingla. dahl oh likou samin tohtola.

Ni ansou ieu me pahtoula mehlel, iange lih ekei sang Pwihn en Sawas en Lih letelet ni wehnimwo. Reh sohte ndahte, “Komw nek kesekin kiht ma mie mehkot se kak sawaski.” Ni arail kilangada kapwalo, re louhlahte sawas.

“re kosonedi ihmw pingo, wahdo marain oh peren, oh pekihda emen iangarial en wahdo mwenge me anahnepe laud mie. Ansou me re kanekehla arail doahdoahk oh rahnmwahu liho, liho ahpw sengeseng—sengesangki ah kalangan oh limpoak.” ⁷

Me kihda sawas iangaki me alehdi kehnda pepehm en popohl.

Kakerida Popohl nan Omwi Mour

Uwen popohl, meleilei, oh peren kitial kak kakerida nan atail mour, pahn kalaudehla atail kak en kiheng meteikan ni atail papah. Popohl kin kohsang rehn Ngehn Sarawi (tehk Kalesia 5:22 oh Doctrine and Covenants 11:13). E wia mehkot kitial kak kapakapki pwen alehda (tehk Doctrine and Covenants 136:29) oh lukehdo ohng nan atail mour. Iet ekei iren kaweid pid duwen atail kak kekerida popohl nan atial mour:

1. Wadek kapaipomw kan. Ni omwi kasawihada pein omwi mour, itingidi nan omwi pwuk en kataman duwen mehkan me Koht kapaikin kowihdar.⁸ Pohnese kamwahupen soang koaros ni wasa kan koaros komw mih ie.⁹ Tehk mwahu dahme wia kihkihsang komwi sang pepehm en popohl oh intingiti dahme komw kak wia pwen wehwehki mwahu oh kapwungala. Nan ansou en Ester wet, tohnmeteiki ekis ansou pwen kalaudeha omwi ehuiehng Sounkomouro (tehk Doctrine and Covenants 101:36).

2. Kin madamadau laud ni meleilei. Popohl kak mengeila en dihar ni ansou kan en madamadau laud ni meleilei.¹⁰ tehk mwahu dahme kin wahdong komwi popohl (tehk 1 Kronikel 16:15). Wiahda ansou en komoal sang katihrong oh kediropw en sampah kak sewese komwi en kin madamadau laud ni meleilei.¹¹

3. Deh kapahrekiong de karasaiong komwi ekei aramas Dene pwen kapahrekiong de karasaiong komwi ekei aramas kin pirapasang komwi popohl. Pohl kekelingki me irail akan me “pein wiahda sohngparail mehn sohng pein irail me udahn pweipwei” (2 Korint 10:12).

4. Rapahki pein omwi kaudial. Sounkomouro padahnki:” (Doctrine and Covenants 42:61).

Luhk en Wiewia

Ia duwen omwi kak kalaudehla popohl komw kin ale sang omwi doahdoahk en papah?

© 2019 sang Intellectual Reserve, Inc. All rights reserved. Ntinda nan USA. Mweimwei ni lokaiahn wai:6/16. Mweimwei en kawewehdi:6/16. Kawehwe en Ministering Principles, April 2019. Pohnpeian. 15765 885

Ire kan

1. “Joy,” en.oxforddictionaries.com

2. Russell M. Nelson, “Joy and Spiritual Survival,” Liahona, Nohpempe 2016, 82.

3. Jean B. Bingham, “Ministering as the Savior Does,” Liahona, Mei 2018, 107.

4. Russell M. Nelson, “Ni Atail Wiahki Teieu Wenla Mwowe,” Liahona, Epreil 2018, 7.

5. Thomas S. Monson, “Finding Joy in the Journey,” Liahona,Nohpempe 2008, 86.

6. M. Russell Ballard, “Finding Joy through Loving Service,” Liahona, Mei 2011, 49.

7. See Dieter F. Uchtdorf, “Living the Gospel Joyful,” Liahona, Nohpempe 2014, 120–123.

8. Tehk Henry B. Eyring, “O Remember, Remember,” Liahona, Nohpempe 2007, 67.

9. Tehk Jean B. Bingham, “That Your Joy Might Be Full,” Liahona, Nohpempe 2017, 87.

10. Tehk Dieter F. Uchtdorf, “Of Things That Matter Most,” Liahona, Nohpempe 2010, 21.

11. Tehk Gary E. Stevenson, “Spiritual Eclipse,” Liahona, Nohpempe 2017, 46.

Padahk kan en nan rong wet kakehte sawas ni soangen irair sohte lipilipil ahpw udahno re wiawihda pwen sewese ohl oh lih soun papah kan nan arail pwukoa en doahdoahk en papah aramas oh peneinei kan ma re pwukaoki.