Elder John A. McCune

Hitu ’Ahuru Hui mana fa’atere rahi

I te ha’amatara’a o tōna tōro’a ’ohipa, ’ua paraparau Elder John A. McCune i tōna paoti ’e ’ua ’apo ’oi’oi mai ’oia ē, ’aita tōna paoti i mātau rahi i Te ’Ēkālesia a Iesu Mesia i te Feiā Mo’a i te mau Mahana Hope’a Nei. ’Ua ui te paoti ia Elder McCune ē nō te aha ’aita te feiā mo’a e ’ore ’e e ’amu i te cookies.

« E mea pāpū ē, e ’amu vau i te cookies », te parau ïa a Elder McCune i tōna paoti ma te mata ’ata’ata, ’e ma te mirimiri i tōna ’ōpū. « ’Ia mana’o vau, tē hape ra paha ’oe i te pupu ta’ata. »

’A paraparau noa ai rāua, ’ua fa’atano Elder McCune i tōna mau mana’o i ni’a i te ’Ēkālesia. Mai terā paraparaura’a ’ua tupu mai te tahi atu mau paraparaura’a nō ni’a i te ’evanelia a Iesu Mesia ’e ’ua ha’apāpū te reira i roto ia Elder McCune i te faufa’a rahi ’ia vai ineine noa nō te fa’a’ite i te ’evanelia.

« E mau pipi tātou nā te Fa’aora Iesu Mesia, noa atu te vāhi tei reira tātou, noa atu te huru, noa atu te taime », tē nā reira ra Elder McCune. « Tē vai ra tā tātou ’ohipa, tō tātou tōro’a, e rāve’a rā te reira nō te fa’afāna’o i tō tātou ’utuāfare ’e nō te ti’a i te vāhi e fa’a’ite atu ’oe i te ’evanelia. ’O tā tātou hōpoi’a mātāmua ïa ’ei pipi nā Iesu Mesia.

’Ua fānauhia John Allen McCune i Santa Cruz (California, Marite), i te 20 nō Tiunu 1963, nā Clifford ’e Joan Schulthies McCune. ’Ua pa’ari nā mua ’oia i Nyssa (Oregon, Marite).

I muri iho i tāna misiōni rave tāmau i Fukuoka (Tāpōnē), ’ua fa’aipoipo Elder McCune ia Debbra Ellen Kingsbury i te hiero nō Roto Miti i te matahiti 1984. E maha tā rāua tamari’i ’e tē ora nei rātou i Midway (Utah, Marite).

’Ua noa’a tā Elder McCune te parau tū’ite Licence i te pae nō te ihi ’ohipa moni i Brigham Young University ’e i muri iho e parau tū’ite Master nō te ’ohipa fa’aterera’a taiete tāna nō te fare ha’apiria’a UCLA. ’Ua ’ohipa ’oia ’ei mono peresideni rahi ’e ’ei ti’a fa’atere rahi nō Capital Investment Advisors mai te matahiti 1997 i te matahiti 2012. I terā taime ’ua tāvini ’oia ’ei peresideni nō te misiōni nō Provo (Utah) hou ’a riro ai ’ei tū’ati fa’atau nō te fa’anahora’a LDS Philanthropies.

Tē tāvini ra Elder McCune ’ei Hitu ’Ahuru ārea i te taime ’a pi’ihia ai ’oia. ’Ua tāvini ato’a ’oia ’ei peresideni titi, ’ei ’episekōpo, ’ei tauturu i roto i te hō’ē ’episekōpora’a ’e i te hō’ē peresidenira’a ’āma’a, ’e ’ei peresideni pupu peresibutero.