Tūra’i i te parau nō te i’oa ti’a

Nō te fa’ahiti i te i’oa ti’a o Te ’Ēkālesia a Iesu Mesia i te Feiā Mo’a i te mau Mahana Hope’a Nei, ’ua ravehia te tahi mau tauira’a i ni’a i te mau pu’erēni tūreiara’a.

Mau tauira’a i ni’a i te mau tahua natirara

• E mono te ChurchofJesusChrist.org i te LDS.org ’ei i’oa mana nō te tahua natirara a te ’Ēkālesia.

• I te mau ’āva’e ri’i i muri nei, ’e mono atu te Newsroom.ChurchofJesusChrist.org i te MormonNewsroom.org.

• E riro te ComeUntoChrist.org i te mono i te Mormon.org, ’o tē hāmani-fa’ahou-hia ra ’ia maita’i atu ā te fa’a’ohipara’a o te reira e te mau ta’ata mātāmua i hāmanihia ai te reira (te feiā e ’ere i te melo nō te ’Ēkālesia).

Mau tauira’a i ni’a i te mau pu’erēni tūreiara’a sōtiare

• ’Ua tauihia te tā’āto’ara’a o te mau tomora’a pu’erēni sōtiare rahi a te ’Ēkālesia nō te tūra’i i te parau nō te i’oa o te ’Ēkālesia a te Fa’aora.

• E nehenehe te mau melo e mā’iti ’ia ’āmui i te hō’ē pupu Facebook tei pi’ihia « Te ’Ēkālesia a Iesu Mesia i te Feiā Mo’a i te mau Mahana Hope’a Nei—parau fa’auru ’e parau ’āpī », nō te fāri’i i te mau parau ’āpī o te ’Ēkālesia ’e te mau mea ’āpī ’e nō te fa’atupu i te tā’amura’a ’e te tū’atira’a i roto i te ’Ēkālesia.

Mau tauira’a i ni’a i te mau fa’anahora’a ’āfa’ifa’i

• E mono te Musique sacrée i te Musique SDJ.

• E’ita te Vaira’a buka ’evanelia e taui.

E nehenehe e tae fa’ahou mai te tahi mau tauira’a ’a ’ohipa ’āmui ai tātou nō te tūra’i i te parau nō te i’oa o te ’Ēkālesia a te Fa’aora, Te ’Ēkālesia a Iesu Mesia i te Feiā Mo’a i te mau Mahana Hope’a Nei.