Shindamenu ya Buambi, Ngondo Muisambombo 2019

Buambi mbuena kuamba ne kumona bakuabu mushindu udi Musungidi ubamona

Yesu wakapitshisha meba enda abungi ne aba bavuabu batangila mushindu mukuabu; wakatangila bumuntu buabu bunsatu.

Mu kuenza kuetu kua buambi bu Musungidi, tudi balombibua bua kusadila kudi muntu udi mushilangane netu. Etshi tshidi tshitupesha mushindu wa kulonga ne kukola.

Nsombelu, ndongelu, dikoba dia mubidi, kutula kua makuta, bungi bua mvula, ngikadilu wa kala anyi wa mpindiewu, anyi mashilangana makuabu adi mua kupepeja dilumbuluisha muntu kumpala kua katuyi banji kumumanya. Dilumbuluisha kumpala ke didi difikisha ku dibanda muntu, ne Musungidi wakadimuisha buadi (tangila 1 Samuela 16:7; Yona 7:24).

Tudi mua kupua muoyo mashilangana ne kumona bakuabu mudi Musungidi ubamona anyi? Mushindu kayi utudi mua kulonga bua kunanga bakuabu mudibu bikalangane ne muikalabu?

Kutangila ne Kunanga

Bible udi wakula bua muyuki mufuanangana ne wa nsonga mubanji wakakonka mushindu wakupeta muoyo wa tshiendelela: “Nanku Yesu wakamutangila, kumvuaye dinanga bua bualu buende, kuambaye ne: “Nkukushadile tshintu tshimue: Ndaku, upane bintu biudi nabi, upeshe bapele, ne neupete biuma mu diulu; pashishe luaku, wambula nkuluse ne undonde” (Mâko 10:21).

Pavua Mukulu S. Mark Palmer wa mu bakulu makumi muanda muteketa wakalonga mufundu ewu bidimu biabungi, kadi wakamanya tshitupa tshipia-tshipia tshia muyuki ewu tshivuaye kayi mumanya.

“‘Nanku Yesu wakamutangila, ekumunangaye .’

“Pangakumvua mêyi aa, tshimfuanyi tshia butoka tshiakuula mu meji anyi bua dimana dia Mukalenga wetu ne kutangila nsonga muluma ewu. Kutangila—mu kumutangila bikola ne kumonaye anyima wende, wakamanya buimpa ne bukumbana buende, ne wakajingulula dijinga dinena diende.

“Nunku miaku mipepela—Yesu kumunangaye. Wakumvua dinanga diabungi ne luse bua nsonga muluma ewu, ne kupitshila ku dinanga edi ne kuikalangana ne dinanga edi, Yesu wakakonka biabungi buenda. Ngakela meji tshivua nsonga muluma ewu ne bua kumvua pa kuikala mubuikidibua ne dinanga bu edi nansha muvuaye mulombibua bua kuenza tshintu tshikola bu kupana kua bienda bionsu ne kubipesha bapele. …

“[Ngakadikonka] ‘Mushindu kayi undi mua kuujibua ne dinanga bu dia Yesu bua bakuabu badi mua kumvua dinanga dia Nzambi kupitshila kundi ne kusuabu bua kushintuluka?’ Mushindu kayi undi bua kutangila [badi banyunguluke] mu mushindu umua uvua Mukalenga mutangila nsonga mubanji, kubatangila mu ngikadilu udibu ne mudibu mua kulua, pamutu pa kutangila bidibu benza anyi kabayi benza? Mushindu kayi undi mua kuikala menamena bu Musungidi?”¹

Kulonga mua Kutangila Bakuabu

Kulonga mua kutangila bakuabu mudi Musungidi ubatangila kudi kutuala bipeta bimpa. Eyi idi ngenyi mitshintshika idi mua kuambuluisha mu kudienzeja bua kufika ku kipatshila aka.

Fika ku Dibamanya
Dienzeja bua kufika ku dimanya bantu mu kuikalangana kuabu menamena. Kumanya ne kuibaka bulunda kudi kuangata meba ne kudienzeja kukole. (Tangila kanungu ka Shindamenu ya Buambi ka Ngondo wa Muanda-Mukulu 2018 “Building Meaningful Relationships” bua diambuluisha.)
Dienza Diteta Nkayeba
Teya ntema ku malumbuluisha awudi mua kuenza ku bukola anyi ku dipanga dieba. Funda mapangadiki awudi wenza pa bakuabu ne teta bua kumvua buatshinyi udi ubelela meji mu mushindu awu.
Kanda Dilumbuluisha
Mbimpa kumanya se ngikadilu kayitu anu ileja mushinga wa muntu to. Ditêka mu bualu buabu ne tangila mushindu uudi musua bua muntu akumona buwewa muikala mu bualu bumua abu. Kutapulula majinga ne ngikadilu ya muntu ku mushinga wende ne buikadianganyi buende bunsatu bidi mua kutuambuluisha bua kubamona mudi Musungidi musua.
Sambila bua Kubananga
Sambila buabu kumisangu mu mena abu ne bua lutulu lua kutantshisha malanda malelela. Tangila mudimu weba mu kusambila. Kudi dishilangana munkatshi mua biwudi wenza ne bidibu nabi dijinga anyi?

Yesu uvua usomba ne bantu bavua ne malu mashilashilangane: babanji, bapele, badishikamine, ne bantu ba tshianana. Uvua muikala ulumbuluishibua bibi kudi bakuabu pavuabu bamutangila ne tshimfuanyi tshienda tshia mupele anyi ngikadilu wende kayi kumvuija. “Patua mumona, kena ne tshimuenekelu tshia bulengele tshituasua bua ikala to. … Bavua bamupetule, ne tuetu katuakamutua mushinga” (Yeshayi 53:2–3).

Muenenu wa Muena Kilisto

Muanetu mukaji mmulonda muyuki wa kulonga mua kutangila mutumba ne mesu a Muena Kilisto:

“Julia (dina diakadi dishintulula) uvua mutumba wanyi ne bivua bimueka ne kavua ne balunda to. Uvua umueka ku mesu anu bu udi mu dilubakana ne mu tshiji. Nansha nanku, ngakadipangadika bua kuikala mulunda wende. Tshivua muikala anu mulunda wa mpuka-mpuka to, kadi ngakadi mulunda mulelela. Ngakadi muikala nyukila nende misangu yonso imvua mmumona ne mvua ndeja kalengela mu bionso bivuaye wenza. Mu bitulu, ngakafuka dipetangana dia bulunda nende, mu kutuala disanka mu muoyo wanyi.

“Dimue dituku, ngakajinga kukumbula Julia ne mema kumukonka bua dipangadika diende bua kulua mu ekelezia.

“Ngakamanya ne kavua ne dîku anyi baledi pabuipi to. Mulunda wende umua, uvua nsongalume musombela kula, ne uvua uyukila nende anu musangu umua ku tshidimu ku Telefona. Nunku pangakumvua wakula mu kukana, tshiji ne kutshiokeshibua bua dîku diende ne Ekelezia, ngakumvua luya lua lusa ne dinanga kumbuikila bua muanetu mukaji ewu. Ngakumvua busami ne ditshioka. Ngakamona anu mushindu uvua buikadianganyi bua nkaya buikala. Ngakumvua bu miaku ya dîyi dikesa panyima panyi yamba ne: ‘Ndi mumunanga panyi. Munanga ne munemeka.’

“Ngakasomba ne kuteleja too ne pakapangaye biakuamba. Ngakumvua dinanga ne luse buende. Ewu udi muanetu mukaji utu kayi muanji kumanya tshidi kuikala munangibua umvuija. Ngakamumvua musangu umua menamena. Ngakamusakidila bua dianyisha dienda bua mema kumukumbula, ne ngakamuela mu tshitupa ne dinanga dianyi ne kanemu buende. Yeya kakumanya mushindu kayi udiye mundenga muoyo ku dimukumbula edi. Tatu wa mu Diûlu wakunzulula mesu anyi ne wakandongesha bua se ndi nkumbana kunanga ne luse luabungi. Ndi mutuishibua bua tshikadi anu mulunda to, kadi ngikala kabidi dîku buenda.

Tshidi tshintu tshia tshijila bua kuikala mubikidibua mu muoyo wa muntu. Ne disambila, mu lutulu, ne kupitshila ku Nyuma, tudi mua kulonga bua kuenza nanku mu muenenu wa buena Kilisto wabungi.

© 2019 kudi Intellectual Reserve, Inc. All rights reserved. Mupatula mu USA Dianyisha mu Angele: 6/18. Dianyisha dia dikudimuna: 6/18. Dikudimuna dia Ministering Principles, June 2019. Tshiluba. 15767 760