Padahk en Papah, Septempe 2019

Ia Mwomwen Ngehno eh kak (oh Pahn) Seweseiuk en Wia Papah en Padahk

Pwukoahn prihsduhd wet me iei en sewese mehteikan, kohieng ohl oh lih akan, iangahki pwung en alehdi kaudiahl.

E sansal nan Kilel kan me sang Getty

Pwukoahn sawas wet oh papah oh poakohng mehteikan duwehte sounkomouro kak wia mehkot apwal ekei pak—ahpw mehlel ansou me kitail kin pwarek irail akan me kitail sohte nohn ese. Pwehki uwen tohtohn soangen ahl akan en sewese mehteikan, kitail kin madamadau loudki mehnia ahl me keiuhn mwahu me kak sewese irail akan me kitail pwukoahki.

Kitail sohte anahne en medemedewe ansou reirei pwehki atail wiewia pwung kan ah pahn kin pweida sang ni kaweid en ngehno.

Bonnie-H. Corden, me wia Presiden Lap en Serepein Pwulopwul kan kosoia, “Amwail pwukoah Sarawi en sewese mehteikan kihong kumwail manaman en ale kaweid en ngehno.” “Kumwail kak rapahki kaweid wet ni koapwoaroapwoar.“¹

Ansou me kitail kin song en papah duwehte sounkomouro, kitail kak ale kaweid en ngehnohte me kaweid Ih mahso. Met udahn mehlel ong ansou me kitail kin ale pwukoah oh papah, me duehte sewese mehteikan, me wiawi pahn manamanpen kih kan en prihsduhd sang pisop. Iet soangen kaweid weneu ong sewese mehteikan.

Ia mwomwen ahi kak kolokol ngehno ansou me I kin sewese mehteikan?

• Kapakap oh peki kaweid. Sahm Nanleng kupwurki kitail en wehwehiong Ih sang ni kapakap. Kapakap sohte kin sewesehte kitail en karanihla Ih, ahpw kitail en kak alehdi kapai kan me Koht kaunopadahr pwehn kihong emen emen ansou me kitail kin peki.”² “Ma kitail pahn rapahki oh peki pwe kitail en wehwehki arail mohngiong kan, Sister Cordon kosoia, “I kadehdehki me Sahm Nanleng pahn kaweid kitail oh Sapwellime Ngehno pahn ieiang kitail³

• Kedeh Awih Pwehn Alehdi Kaweid en Ngehno. Ke anahne doadoahk. Ke anahne “loaloapwoat ni ineng mehlel” (Doctrine and Covenants 58:27), oh ke pahn diar me ahmw wiewia pwung kan pahn pweida sang ni kaweid en ngehno. “Doulahte doadoahk oh papah, wia ahl kesempwal ehu pwe kitail en kak warohng ale kaudiahl,” Presiden Dallin-H. oaks, me wia Soun Sawas Keieu en Presaidensi Keieu me mahsanih. “Sang ni ahi kin onopiki pwuhk sarawi kan I diarada me kaudiahl tohto kin kohieng Sapwellimen Koht seri kan ansou me irail kin doadoahk, ahpw kaidehn ansou me irail kin mwomwohdte oh awiawih pwe Kauno en ndahng irail dahme irail en wia.”⁴

Ia Mwomwen Ahi pahn Ese Kaweid en Ngehno Ong Sewese Mehteikan?

• Alehda en Mormon ah kaweid. Kitail sohte anahne awiawih oh medemedewe ma iren madamadau ieu me kohieng kitail wia kaweid en ngehno de soh. Met wia ehu kaweid mengei sang Mormon me kitail en wehwehki: Ma mie madamadau en kapehm kodohnguhk en wia me mwahu oh en kamehlele de en sewese mehteikan en kamehlele Krais, ke esehier me e kohsang rehn Koht (tehk Moroni 7:16).

• Kedehr Pwunodki. Elder Jeffrey R. Holland sang Pwihn en Wahnpoaron Ehk-riemeno mahsani, “Lusdihlahte nan wasahn pampapo oh tep pap.” “Kohla wasa me mie anahnepomw ie. Kedehr uhdi oh medmedewe ma ke pahn papala mwuri de mwowe. Me kitail pahn idawehnte padahk mengei kan me kitail kasukuhlkiher, doadaohngkihte kihkan en prihsduhd, oh rapahki kaweid en Ngehn Sarawi pwehn kaweid kitail, kitail sohte pahn lohdi.”⁵

Soangen Wiepe Dah me Keieu Mwahu Pwehn Idawehn Kapehm en Ngehno?

• Ansouohte. Sister Susan Bednar (en Elder David A. Bednar pwoud me wia Wahnpoaron en Pwihn en Ehk-riemeno) wia karasaras mwahu ni ah kin idawehn kapehm kan en Ngehno. Elder Bednar kosoiahda me, mwurin ah kin kapakapki “en kilang nin duwen ngehno ah pahn kilang irail me anahne sawas, e kin kilengseli nan kapokono oh kin kalapw “pehm ngehno ni eh kin indahng en pwarek de koahl aramas emen me e ketin kupwurki.” “Oh ansou me Sister Bednar kin alehdi kapehmo, e kin mwadangete rong oh peikieng. Ansou me soun kapakap en ritingidio kin indahte ‘ahmen‘ e kin tepier koaskoasoaieng emen me pwulopwul de pwoalehdi emen lih pirien de ansoun pwualahng nimwato, e kin mwadangete koahl seli aramas.”⁶

• Kakehlail. Perki soikalahn aramas oh namenek, de mwomwen sohte itar kak kahrehieng kitail en masak peikieng kaweid en ngehno. Elder Gerrit W. Gong me wia Wahnpoaron en Ehk-riemeno mahsani, “Nan ansou oh wasa teikan, kitail koaros kin pehm soitar, peikasal, de pil sohte warohng.“ “Ahpw sang atail kin loaloapwoatieng poakehng Koht oh papah mehn impatail kan, kitail mwein kakete pehm Sapwellimen Koht limpoak ohng irail oh kamarainpen arail anahn oh arail mour sang atail wiwia sarawi kan.”⁷

  Emen ohl pirien ehuki mwomwen ah perki pwarek ohl me pwoudki lih me song en lusiamalahu. Ahpw mwuhr e ahpw indahng ohlo irahn kohla mwengehn souwaspene. “Ansou me I inda, “Ahmw pwoudo kerenieng lusiamla. Mwein e pahn apwal ohnguhk. Ke men kosoia?‘ e tepdahte koasoai ih sengseng.“ “E wia ansou mwahu ohng kiht aht koaskoaier oh pil kesempwalkilahr emen emen oh likilik nan erein minit kei me se wie koaskoasoaio.”⁸

© 2019 by Intellectual Reserve, Inc. All rights reserved. Ntingda nan USA. Mweimwei ni lokaiahn wai: 6/18. Mweimwei en kawehwehdi: 6/18. Kawehwehpen Ministering Principles, September 2019. Pohnpeian. 15770 885

Ireh kan

1. Bonnie H. Cordon, “Becoming a Shepherd,” Liahona, Nohpempe 2018, 76.

2. Diksineri en Pwuhk Sarawi, “Kapakap.“

3. Bonnie H. Cordon, “Becoming a Shepherd,” 76.

4. Dallin H. Oaks, “In His Own Time, in His Own Way,” Liahona, Oahkos 2013, 24.

5. Jeffrey R. Holland, “The Ministry of Reconciliation,” Liahona, Nohpempe 2018, 77.

6. David A. Bednar, “Quick to Observe,” Liahona, Tihsempe. 2006, 17.

7. Gerrit W. Gong, “Our Campfire of Faith,” Liahona, Nohpempe 2018, 42.

8. Kilang Bonnie H. Cordon, “Becoming a Shepherd,” 76.

Sapwellimen Sounkomouro Karasaras

Sounkomouro kaunopehng Sapwellime pwukoahn papahu. “Koht ketikidohng Sises mehn Nasaret manaman oh Ngehn Sarawi“ oh Krais ketin wiahda me mwahu“ (Wiewia Kan 10:38). E ketin “direkihla Ngehn Sarawi,“ oh kin kalapw “weweidki Ngehno.“ (Luk 4:1). Krais ketin wiahda mwahu mwohn manaman me sang Ngehn Sarawio, ahpw alehdi Ngehn Sarawio oh alehdi kapehm pwungo wia kemwekid kesempwal nan Sapwellime pwukoahn papahu—rasehngete atail kesempwaliki rahn pwukat.

Luhkong Doadoahk

Ni ahmw pahn wia ahmw pwukoahn papah, kapakapki ni ngidingid oh rong ngilen Ngehn Sarawio. Taman me Samatail Nanleng pahn kapaiukada oh irail me ke kepwukoahki en papah kan.