iTabagone
Veitaba o Leslie Nilsson
Sa rui saulevu sara na talevoni veikauyaki e Chile, ia au a lalawataka ena 2016 meu rawata e levu na ilavo meu volia kina e dua. E dua na yabaki taucoko, au volia vakalevu na bisikete kamica kei na alifajore* ka volitaka vei ira na noqu itokani e koronivuli. Au a maroroya na ilavo kece au a rawata. Au a sega ni laki vakasigalevu, kau sega ni laki sara iyaloyalo saumi.
Au a sega ni via kerei rau na noqu itubutubu me dua na noqu talevoni. Au a vinakata meu kaya niu a sauma ga vakai au. A vakayaloqaqataki au o tamaqu. “Carol, gumatuataka tiko,” e dau kaya o koya.
Au sa vulica e levu na ka. E sega ni dua na ka e soli wale. Na lalawa e cakacakataki, ia meda kakua sara ni guce. Na gauna eda rawa-ka kina ka kila na levu ni cakacaka a yaco mera rawati kina, eda na vakamareqeti ira.
Au sa vulica ni dodonu meu lewa vinaka na veika meu rawata kei na vanua meu gole kina. Keu vinakata meu vakamau e valetabu, ena gadrevi meu gole ki lotu kei na semineri vakakina ena inisitute kei na itaviqaravi ni itabagone qase cake. Ka sa gadrevi meu vakaitau vata kei na dua na cauravou kilikili. Na kena rawati na veika e lalawataki sa gadrevi kina na solibula nikua me baleta e dua na ka e vinaka cake e ni mataka.
Carol, 15, Chile