Padahk kan en Papah, Oaktohpe 2019

Mie Doadoahk Kesempwal en Papah me Kumwail Sohte kin Wia?

Papah iei en kin “iang me kin peren kan pereperen” duwehte atail kin “iang me kin sengseng kan wie sengiseng” Rom 12:15

Iren kasalada sang Augusto Zambonato

Ni atail kin medewe tohnmetei, kitail kin men sewese me ahnahne sawas kan. Kitail kin kosoaia atail pahn sewese wia en liohdi kan mwetuwel, kamwonge me soumwahu kan, oh sewese me ahnahne sawas kan. Kitail kin taman en Paul kaweid me mahsanih ”iang me sengiseng kan wie sengiseng,” ah kitail kin medewe tepin ire tikitiko—me iei “iang me peren kan perperen”? (Rom 12:15. Iangih me kitail papah kan ahniki kaping—ni ansou me kitail kin sewese irail en diar peren ansoun apwal kan—wia ire kesempwal ehu ohng doadoahk en papah me Sounkomouro kin wia.

Iet soahng siluh me kak sewesei kitail en tehk mwahu doahk mwahu kan me Koht ketkihiong kitail.

1. Tehk Mwahu

Bonnie H. Cordon, Presiden lap en Peinakapw kan, kawehwehieng kitail me kitail anahne tehk kaidehnte luwet en aramas kan me kitail kin pwarek ahpw pil iangahki arail pweida kan. E kaweidkin kitail me kitail anahne wia aramas emen me pahn wehwehki arail kahpwal kan oh kihieng irail koapworopwor en momour. ¹

Soundoaro masanih me irail kan me pahn pato Palimaun en Ih pahn idek: “Maing iahd me komw men konot sahpw patohwando konotomwi? de men konotpihl sahpw patohwando konotomwi pihl?

“Iahd me se patohwan komwi mehn keiru men, se ahpw kasamwokomwihlong nan imwat akan?” Madiu 25:37-38.

“Riei ko, mahsen kesempwalo iei kilahngehr,” Sister Corden patohwan. “Me pwung kan kilangada me anahne sawas kan pwehki re kin tetehk irail. Kitail pil kak mwasamwasahn oh wia soun sawas en kansenamwahui, kapereni oh pil ouramanki de kaskasik.”²

2. Rapahki Elen Peren

Kapingki pweida laud de tikitik kan. E kak wiawi ansoun soumwahu kanser de ohlahn nan pwungen meh riemen, ansoun repen doadoahk de rapahki suht me pwupwla, ansoun mehla de sohte suke ki wihk ehu.

Eker oh kepinga, de ntihngihieng kisin likou, de kohla mwongehn souwas pene. Ni atail pahn ehukipene atail kapai kan, momourki kaping, oh pereperenki pweidah kan en mehteikan, kitail “pil iang pereperenki peren en mehtei kan” (Alma 30:34).

3. Kilang Kalahngan en Kauno

Ekei pak peren iei sewesehki metehi kan en kilang peren—mendahte kahpwal de kapai kan me kitail pahn lelohng. Pwehki Sahm Nanleng mwahngih kitail oh onopadahr en sewesei kitail, met kak wia mehkot kaperen ehu.

Sewese mehteikan en kilang kalahngan en Kauno sang ni amwail pahn ehukihiong irail kalahngan kan me kumwail alehier. Wia aramas emen me kak ehukihiong mehteikan mwomwen Sahm Nanleng ah sewesehkin uhk ahmw kahpwal kan. Kadehde wet kak sewesei rail en kilang oh kehn ia mwomwen Eh ketin seweseirail (tehkMosiah 24:14).

4. Dehr Katikala Ahmw Kak Wiahda Me Kaperen

Ekei pak atail peren ehng meitei kan kin tikitikla ma kitail sohte kin likih pein kitail. Ekei pak kitail sohte kin kapingki en ekei peren, ahpw kin wia atail mehn karasaras. Elder Quentin L. Cook en Pwihn en Wahnparon Ehk Riemeno padahngki: “Karkarasapene kapai kan pahn kihsang popohl me mie. Kitail sohte kak ahnki kaping oh peirin ansou tehiu.”³

Elder Jeffrey R. Holland en Pwihn en Wahnparon Ehk riemeno kalelapak “Ia mwomwen atail pahn kak liksang doahk sapwung wet?”… Kitail kak wadek atail kapai kan oh kapingki pweidahn mehteikan. Me keiu mwahu, kitail kak papah meitei kan, ki mohngiong mwakelekel.”⁴ Dehr karasa, ahpw kepinga irail akan me kitail kin sewese. Ehukihiong irail dahme kitail pwungki rehrail, de arail peneinei kan.

Paul kaataman kin kitail me kitail koaros wia kisehn kahlepen Krais “ma emen pahn kaping, koaros pahn paieki kapingo” (1 Korint 12:26). Pwehki sapwellimen Kauno sawas, kitail kak kilang kapai en meiteikan, kapingki pweida laud de tikitik kan, sewese irail en kilang kalahngan en Kauno, powehdi peirin pwe kitail en kak perenki kapai oh pweidahn meiteikan.

© 2019 by Intellectual Reserve, Inc. All rights reserved. Ntingda nan USA. Kamanaman ong ni Inglis: 6/18. Mweimwei en kawehwehdi: 6/18. Kawehwehpen Ministering Principles, October 2019. Pohnpeian. 15771 885

Ireh kan

1. Bonnie H. Cordon, “Becoming a Shepherd,” Liahona, Nohpempe 2018, 75.

2. Bonnie H. Cordon, “Becoming a Shepherd,” 75.

3. Quentin L. Cook, “Rejoice!” (31)Ensign(32) Nohpempe 1996, 30.

4. Jeffrey R. Holland, “The Other Prodigal,” Liahona, May 2002, 64.

Sapwellimen Sounkomouro Karasaras

Sises Krais kin kapingki peren en meitei kan. E towehda kapwopwoud ehu nan Cana, oh e sohte perenkihte irair wet ahpw pil kawekala pihl en wiahla wain (tehkSohn 2: 1-11. Kitail pil kak towehda doahk kesempwal kan me kin wiawi rehn me kitail kin sewesewarek kan.

Kitail pil kilangehr me Soundoro kin kapingki mour pwung en mehteikan. Ansou me E ketla rehn men Nephi kan, e mahsanihiong iral, “Mehd pai kumwial pwehki amwail pwoson. Oh met kilang, ei peren me unsek” (3 Nephi 17:20).

Luhk ong Doadoahk

Medewe irail akan me kumwail kin sewese. Ia arail talent oh koahiek kan? Ia arail ansou mwahu de pweida kan? Ia mwomwen amwail ka kepingei irail, de kakehlekei rail?