Metheo ea Kaloso, Mphalane 2019
Na u fetoa ke karolo Ee e Bohlokoa ea kaloso?
Ho alosa ke “ho thaba le ba thabang” ka mokhoa o tsʼoanang ke “ho lla le ba llang” (Ba-Roma 12:15).
Lipontsʼo ka Augusto Zambonto
Ha re nahana ka kaloso, ho bobebe ho nahana ka ho thusa ba hlokang. Re buoa ka ho lemela mohlolohali, ho fepa mokuli lijo tsa mantsiboea, kapa ho fana ho ba hlokang. Re hopola boeletsi ba Paulosi ha a re;“llang le ballang,” empa na re tsepamisa maikutlo ho lekana karolong ea pele ea temana ha e re; “ho thaba le ba thabileng” (Ba-Roma 12:15)? Ho thaba le bao re ba alosang - ebang sena se bolela ho keteka katleho ea bona kapa ho ba thusa ho fumana thabo nakong tse thata- ke karolo e bohlokoa ea kaloso joalo ka ha Mopholosi a ne a ka etsa.
Ke ena mehopolo e meraro e ka thusang (le e le ngoe eo u ka e qobang) ha re sheba ho tsepamisa ho botle boo Molimo a bo behang bophelong ba rona.
1. Hlokomela
Bonnie H. Cordon, Moetapele ea ka sehlohong oa basetsana, o re thusa ho utloisisa hore re hloka ho bona bao re ba alosang- re bone eseng feela moroalo le mathata empa le matla, litalenta le likatleho. O itse re hloka ho ba “bo’mapoli le ho kholisa- motho ea ka hlokomelang maemo a bona ‘me ra tsʼehetsa mehopolong le litaba-tabelong tsa bona.”1
Setsʼoantsʼong sa linku le lipuli, Mopholosi o itse bao a tlang ho ba fumana ka letsohong la Hae le letona batla botsa ba re: “Morena, ke neng re u boneng u lapile ra u fepa? kapa u nyoriloe ra u fa oa noa?
“Re u bone u le moleleri ʻme ra u amohela?” (Mateu 25:37-38)
“Baena le likhaitseli, lentsoe la bohlokoa ke; ke bone,” Khaitseli Cordon o boletse. “Ba lokileng ba bone ba hlokang hoba bane ba shebile ʻme ba hlokomela. Le rona re ka ba ihlo-nchocho ho thusa le ho tsʼelisa, ho keteka e sita le ho lora.”2
2. Fumana mabaka a ho keteka
Keteka ho tse nyane le tse kholo; E ka ba ho tsʼelisa ha mofetsʼe o le teng kapa ha ho hlalanoa, ho fumana mosebetsi o mocha kapa ho fumana seeta se lahlehileng, ho phela khoeli ka mora tahlehelo ea moratuoa kapa ho phela beke u hloka tsoekere.
Letsa ho thoholetsa, fana ka karete, kapa le ee lijong tsa motsʼeare ʻmoho. Ka ho arolelana lithohonolofatso ʻmoho, ho phela ka teboho, le ho ketekela lithlohonolofatso le likatleho tsa babang, “re kena thabong le baena ba rona”(Alma 30:34).
3. Bona Letsoho la Morena.
Ka nako e ngoe ho thaba le babang ke ho bolela ho ba thusa ho fumana mabaka a ho thaba - ho sa natsoe mathata kapa thabo e kenang bophelong ba rona. ʻNete e bonolo ke hore Ntata-rona ea Maholimong o re e la hloko ʻme o seli ho re phahamisa hona e ka ba mohloli o makatsang oa thabo.
U ka thusa ba bang ho bona letsoho la Morena bophelong ba bona ka ho arolelana le bona tsela eo oena u le boneng ka eona. Buleha ho lekana ho arolelana kamoo Ntata-rona ea Maholimong a u thusitseng ha u le mathateng. Bopaki bona bo ka thusa ba bang ho hlokomela le ho amohela ka moo Molimo a ba thusitseng (Bona Mosiah 24:14).
4. Se ke oa fokotsa mekhoa ea hau ea ho ithabisa
ka bomalimabe, ka nako engoe re ka fokotsa menyetla ea rona ea ho ithabisa le babang, haholo-holo ha re ikutloa re sa sireletseha ka seo re fanang ka sona kapa moo re leng teng bophelong. Ha re lokela ho thaba le ba bang, re oela sefing sa ho bapisa. ʻMe joalo ka ha Moholo Quentin L. Cook oa Lekhotla la Ba-Apostola ba leshome le metso e ʻmeli a rutile: “Ho bapisa mahlohonolo ho lekana hantle le ho leleka thabo. Re ke ke ra leboha ra boela ra ba le mohono ka nako e tšoanang.”3
“Re ka hlola joang tloaelo ee e mothong emong le emong?” ho botsa Moholo Jeffrey R. Holland oa Lekhotla la Ba-Apostola ba leshome le metso e ʻmeli. “… Re ka bala litsʼitso tsa rona tse ngata ʻhape ra babatsa boiphihlelo ba bang. Botle ka ho fitisisa, re ka sebeletsa ba bang, ke boikoetliso bo botle ka ho fetisisa ba pelo bo kileng ba beoa4, Ho ena le ho bapisa, re ka tlatsetsa bao re ba a losang. Ka ho phutholoha re arole seo re se ratang ka bona kapa malapa a bona.
Joalo ka ha Paulosi a re hopotsa; bohle re litho tsa ʻmele oa Kreste, ʻme ha “setho se seng se tlotloa, litho tsohle lia nyakalla ke hona” (Ba-Korinthe ba pele 12:26). Ka thuso ea Ntata-rona ea Maholimong, re ka hlokomela boiphihlelo ba babang, ra keteka katleho tse nyane le tse kholo, ra ba thusa ho hlokomela letsoho la Morena, ʻme ra hlola mona e le hore re tle re nyakalle ka tieo ʻmoho thlohonolofatsong, litalenteng le thabong ea babang.
© 2019 by Intellectual Reserve, Inc. All rights reserved. E ngotsoe USA. Tumello ea Sekhooa: 6/18. Tumello ea Phetolelo: 6/18. Phetolelo ea Mininstering Principles, 2019. South Sotho.15771 739.