Kenginn e Pigpig, October 2019

Danum Nang e Bang ko Biney e Pigpig nib Baga’ Fan?

Pigpig e ”ngam un ngoraed ko falfalen’” ni boed ni gabe ”un ngoraed ko miyoer”(Roma 12:15).

siasing/Llecheklel

ministering

Sasing rok Augusto Zambonato

Napan ni gadaed ra leam nag e machib, ba moem ni ngan leam nag e pi’in nib tu’uf e ayuw rok. Kad weliyed mornga’agen i fal’eg e milay’ ni fan ngak e ppin nike yim’ e mo’on rok, pi’in ni m’ar ni yibe pi’ e gaan ngoraed, fa ayuweg e pi’in nibe gafgow. Gadaed be leam nag e thin rok Paul ni ngan ”un ngoraed ko miyoer,” machane gadaed be tiyan’ daed ko bin somm’on ko re thin nem—”un ngoraed ko falfalen’”?Romans 12:15). Pi’in ni gadaed be un ngoraed ko falfalen’ ni gadaed ma machib nag—demtrug ko yibe falfalen’ ngoraed ko n’en ni kar thapeged fa kan ayuweg raed kar pir’eged e falfalen’ ko ngiyal’ nib momaw’—e bang ko machib ni ra rrin’ fare Tathapeg nib ga’fan.

Ba’aray dalip e gonop ni ra ayuw (nge ta’areb ni dabin sap ngay) napan ni gadaed ra tiyan’ daed ngak fare Got nib mangil nike ta’ nga lane yafas rodaed.

1. Mu na’ab

Bonnie H. Cordon, Young Women General President, e ke ayuweg daed ningad nanged fan nib tu’uf ningad guyed e pi’in ni gadaed be machib ngak—dabi gu’ kemus ni tomal nge magawon roraed machane kumguy gelngin raed, tin ni yad ba cheg riy, nge pin’en ni yaed be thapeg. Ke yoeg nib tu’uf ni ngad ”gel gaed ma gadaed pagan’ ngodaed—cha’an nibe na’ab ko pi magawon roraed ma be ayuweg raed u fithik e athap nge athamgil.”¹

Fare yaat ni mornga’agen fapi saf nge goat, me yoeg fare Tathapeg ni pi’in ni yira pi’reg ko bani mat’aw pa’ e ra fith ni ga’ar: ”Somol, wu’in e gguyed gur ni ka mum’ ko bilig ma gamad pi’ ganam, ara ka mu’um ko balel ma gamad pi’ ban’en ngom ngam garbod ngay?

“Ma wi’in e gguyed gur nda gu nanged owchem, ma gamad piningem nga tabinaw romad?” (Matthew 25:37–38).

”Pi walageg, n’en nib ga’fan riy e muguy” ni yoeg Sister Cordon. ”Pi’in nib mat’aw e kar guyed e pi’in nib tu’uf e ayuw roraed ya yaed be sap ma yaed be na’ab. Gadaed boech e ku rayog ni ngad sap ni ngad pi’ e ayuw nge gapas, man falfalen’ mukun leam.” ²

2. Gay Fan ni ngam Falfalen’

Falfalen’ nag e pin’en nib baga’ fa ba achig. Rayog ni yibe athamgil u fithik e cancer fa thilin l’agruw ni’ nike kireb, murwel nib bi’ech ni yibe gay fa sus ni yibe gay, athamgil u lane pul napan nike yim’ bee’ nib tu’uf fa athamgil u lan reb e wik ni dariy e suga.

Call ni ngam mog nikam falfalen’, pi’ e card, fa mu yaen ko abich. Napan ni gimew ra yan u fithik e tawa’ath u ta’abang, paer u fithik e gapas, falfalen’ ko pi tawa’ath nge tin nike thapeg bee’, ma gadad ”falfalen’ ngak e pi walagdaed” (Alma 30:34).

3. Muguy Pa Somoel

Boech e ngiyal’ ma falfalen’ ngak bee’ e ngan gu fan ni ngan falfalen’ ngoraed—demtrug ko mang e be yib nga lane yafas rodaed ko ba momaw’ fa ba mangil. N’en nib riyul’ riy ni Chitamangiy nu Tharmiy e manang daed ma ba’ ni nge chubgiy daed e ba falfalen’ nib falel’.

Rayog ni ngam ayuweg boech e gidii’ nge guy pa’ Somoel u lane yafas roraed ni ngam weliy rogon ni kam guy u lane birom e yafas. Mu weliy rogon ni ke ayuwegnem e Chitamangiy nu Tharmiy u fithik e tin momaw’ rom. Binem e mich e rayog ni nge ayuweg e gidii’ ngar poyed mar nanged rogon nike ayuweg raed (muguy ko Mosiah 24:14).

4. Dam Tal’egnem ko Falfalen’

Machane, boech e ningyal’ ma gadaed ma taleg daed ko un ngak e gidii’ ko falfalen’ napan ni kad kirkireb gaed ko n’en ni ngad pi’ed fa gin ni gadaed ba’ riy u lane yafas rodaed. Mus ni ngan pir’eg e falfalen’ nifan ko e falfalen’ rok bee’, ma kad pired ni gadaed be guy rogon e yafas rodaed ngoraed. Ma rogon ni yoeg Elder Quentin L. Cook ko fare Ulung ko fare Ragag nge L’agruwi Apostle nike fil: ”Sapsap ko tin ba’ rom nge bee’ e kagbe chuweg e falfalen’ riy. Dabyog ni ngad falfalen’ ma kiyibe dabun ban’en ni ta’abiyay.”³

”Urogon ni rayog ni ngad gel gaed ko binem fa’anra ma buch ngak chuchgur gubin gidii’?” e fith Elder Jeffrey R. Holland ko fare Ulung ko fare Ragag nge L’agruwi Apostle.”Rayog ni ngad tha’eged oren e tawa’ath ma rayog ni ngad falfalen’ gaed ko tin nike thapeg boech e gidii’. Bin tha’abi mangil riy, e rayog ni ngad pigpig gaed ngak boech e gidii’, ban’en ni tha’abi mangil ni rayog ni nge rrin’ gumircha’ey.”⁴ Rayog ni ngad yoeged e thin nib mangil ko pi’in ni gadaed be machib ngak, ko bin ni ngan sapsap ko tin ni ba’ roraed. Mu weliy nib pufpuf e n’en ni gab falfalen’ riy ngoraed fa tabinaew roraed.

Paul e pogran ngodaed ni , gadaed gubin ma gadaed e dowef rok Kristus, ma napan ra ”nog e sorok ngak bang riy, ma urngin e yu yang ni kabay riy ni yad ra un ngak fa gi nem ko felfelan’” (1 Korinth 12:26). Udakaen e ayuw rok e Chitamangiy nu Tharmiy, ma rayog ni ngad na’ab gaed ko tin nibe buch rok bee’, man falfalen’ ko tin nib baga’ ban’en nge tin achig, ayuweg raed ni ngad poeyed pa’ Somoel, man taleg e tafney nib kireb ya ngeyog ni ngarin falfalen’ gaed u ta’abang u fithik e falfalen’, tin ni yib cheg riy, nge falfalen’ rok boech e gidii’.

© 2019 by Intellectual Reserve, Inc. All rights reserved. Kan yoloey u Meriken. Kan micheg nag ko thin nu Ngalis: 6/18. Kan micheg nag i pilyeg: 6/18. Pilyeg ko Ministering Principles, October 2019. Yapese 15771 905