Hello gikan sa Mongolia!

Kami si Margo ug Paolo.Nagbiyahe kami sa tibuok kalibutan aron makakat-on mahitungod sa mga anak sa Dios. Kuyog namo samtang nagbisita mi sa Mongolia!

Ang Mongolia anaa sa Asia, tunga-tunga sa China ug Russia.

Adunay mga 3 ka milyon nga mga tawo sa Mongolia ug mga 12,000 ka mga miyembro sa Simbahan. Unsa ang inyong nabantayan niini nga litrato nga sama sa inyong pamilya? Unsa ang nalahi?

Kini mao ang Mopmohpi Hom, ang Basahon ni Mormon.

Adunay daghan pang mga kabayo sa Mongolia kay sa mga tawo! Ang mga kasaulogan sa Mongolia adunay karera sa kabayo, pagpanâ, layog, sayaw, ug lamian nga pagkaon.

Daghang mga pamilya sa Mongolia nagpuyo sa ulohang siyudad, ang Ulaanbaatar.

Ang ubang mga pamilya nagpuyo sa kaumahan. Sila nagpuyo sa mga tolda nga gitawag og mga ger ug panon sa mga hayop sama sa mga yak, mga kabayo ug mga kamelyo.

Ang mga yak sama sa baka, lamang mas daghan og buhok!

Himamata ang pipila sa among mga higala gikan sa Mongolia!

Nasayud ako nga si Jesukristo mao ang Anak sa Dios ug nga Siya nahigugma kanako ug sa tanang mga bata bisan asa. Ganahan ko nga moadto sa simbahan ug sa Primary, tungod kay kon ako moadto didto makakat-on ko mahitungod ni Jesus.

Bilegt, edad 7

Nasayud ko nga kita adunay buhi nga propeta, si Presidente Russell M. Nelson. Gitudlo niya ang mga butang nga tinuod.

Gerelchimeg, edad 4

Taga Mongolia ka? Sulati mi! Ganahan mi nga makabati gikan kanimo!

Salamat sa pagsuroy sa Mongolia uban kanamo. Magkita-kita sa sunod higayon!