Mga Istorya sa Kasulatan
Gikuha ni Nephi ang mga Palid nga Tumbaga
Mga paghulagway ni Apryl Stott
Ang pamilya ni Lehi ug Sariah mibiyahe ngadto sa gisaad nga yuta. Ang Dios misulti kang Lehi sa pagpabalik sa iyang mga anak ngadto sa Jerusalem aron sa pagkuha sa mga kasulatan. Kini gisulat diha sa metal nga mga palid.
Si Laman ug Lemuel miingon nga kini lisud kaayo. Apan si Nephi miingon nga siya moadto ug mobuhat unsay gisugo sa Dios. Si Sam misunod sa ehemplo ni Nephi.
Ang Espiritu misulti kang Nephi kon unsaon sa pagkuha sa mga palid nga tumbaga gikan sa dautan nga tawo nga ginganlan og Laban.
Si Nephi ug ang iyang igsoong mga lalaki midala sa mga palid nga tumbaga balik ngadto sa ilang pamilya. Si Lehi ug Sariah nalipay kaayo! Sila nagtuon sa mga kasulatan diha sa mga palid. Nakat-unan nila ang mahitungod sa mga sugo sa Dios.
Ako makatabang sa akong pamilya sa pagtuon sa mga kasulatan. Ako makahimo nga magmaisugon sama ni Nephi ug “moadto ug mobuhat” sa unsay gisugo sa Dios! ●