Ip Yohk in karihngihn, January 2020
Oracni Mwet Israel in Karihngihn
Karihngihn pa sie inkacnek in ukwe mwet pahluh kahsruhin oracni mwet Israel.
Prestuhn Russell M. Nelson el suli kuht in kahsruh oracni mwet Israel—“ma se ma yohk srihpac uh pa eis acn luhn facluh.”1
Nuh selos suc luhngse wi kahsruh ke orekma uh in oracni mwet Israel, karihngihn kuh pac in srihpac na wowo se. Sie srihpac ma e moklwe in ekuhllah moul luhn mwet uh. Lah ke kuht e karihngihn nuh sin mempucr ma muhnahslah ke alu uh kuh solwaclos in kahsrwe kuht ke kuht kuhlwacnsuhpuh elos suc tiac wi kuht luhlahlfongi se, karihngihn ahkkoeyuck in sie inkacnek in oracni mwet Israel.
Kahsruh Fohlohkohnma Mempucr
“Ke luhngse oacna ke mokleyuck uh, usrnguck uh ac sikyak, ac kuht ac konwacack ohiyac in use tahmtahel ac tamuhlwel ‘tuhlac’ wiyacsr nuh ke ma nuh kwewa ma eisyuck ke wosasuc luhn Jisus Kraist uh.” —Jean B. Bingham2
“Nga suhkwaclacna wi alu ke lusen yac ohnkohsr ke nga ac mukul tuhmuhk ah som nuh ke town sasuc se sahyac. Prestuhn sasuc se luhk ke Rilif Sosaiti el muhtwacta yuruk, siuck sihk lah el kuh in suhpwacma sie tahmtael ah in muhtwacta yuruk. Ke kuhtuh puhla in tuhfal luhk, nga insese. Tahmtahel se inge muhtwacta yuruk mahlwem nuhkwewa, despite her allergy to dogs—ac oasr kosro soko nuhtihk nga arulwacna luhngse yohk! Kuhlwacnsap lal fahlac na nuh ke yac luo, ac wacngihn puhla in lain oan sihk.
“Tuhsruhk muhtwacta lal el oruh ke insiac nwacsnwacs nuh sin mwet kawuck lal pacl nuhkwewa, ke toeni uh el siuck sihk kihsensiyuck ma kol kuht nuh ke sramsram in nguhn. Ma inge oruh nga tiac puhla wo kuhtuhsrihk, tuhsruhk elos srihfweyuc in sulwaclah lah ngac fahlwacna ke wosasuc kuh muhta na ke acn nga asr wei. Sulwacla se inge oruh upac nuh sihk, tuhsruhk nga sulwaclah in muhtwacta yurin sister misineri.
“Ke lwen se nga som in wi sackremacn miting ke pwacl se emet in yac ohnkohsr, nga sahngeng in utyak. Ke nga utyak nuh ke lohm alu uh, tahmtahel se kuhlwacnsap nuh yuruk ah saneyuc, ac el wiyuc fahsr nuh ke lohm alu ah. Sahflahiyac, el wiyuc som nuh ke stosah ukohk ah, siuck sihk lah meac el kuh in kahsrweyuc in kuh in fototo nuh yurin Leum.
“Tahmtahel se suc kahsreyuc ah pacl ac luhngse kahsrweyuc kolyuck in fohlohk nuh ke mukwuikwi, ac nga sruokyac kuhlwacnsap wowo lal muh mwe sang sacok se utuckuh nuh sihk. Nga arulwacna kuloh kihn lah el tu siskuck ke pacl nga e fohlohk nuh ke Alu luhn Leum.”
Ine withheld, British Columbia, Canada
Ip yohk in Nuhnkuh
“Muhtwacta yuruk ke mahlwem nuhkwewa”
Kom e oruh fuhkah in kahlwem lah kom elyah selos suc kom kuhlwacnsuhpuh nuh ke ma sahyac? (liye Doctrine and Covenants 121:44).
“Kihsensiyuck”
Siuck ke kihsensiyuck pwacye kuh in kahsrekom. Esam lah karihngihn lasr uh oasr srihpac se ma som nuh ke aengani.3
“Sanweyuc”
Mwet nuhkwewa enenuh in puhlakihn wo (liye 3 Nephi 18:32).
“Ingacn ke sait luhk uh ke inkacnek in fohlohk luhk”
Kahsruh lasr kuh in oraclah eklac na luhlahp nuh selos suc fahsr in fohlohk nuh yurin Leum ac in onweyucklac (liye Ipru 12:12–13).
Karihngihn ac Oracni
“Ke oacna sie inkacnek ma wo fal nuh sum, akacsruhi nuh sin mwet uh lah efuh Jisus Kraist ac Alu Lal yohk srihpac nuh sum. …
“… Ma kunom pa in akacsruhi ke ma an insiom ac muhta na fal nuh ke luhlahlfongi lom an.” —Elder Dieter F. Uchtdorf4
Karihngihn ac fahkwack ke wosasuc ke paho nuh ke paho. Yuruk pa kuhtuh inkacnek kuht kuh in oracni mwet kawuck lasr ac mwet tuhlan ke pacl se kuht karihngihn—kuh kuhlwacnsap ke kuht e oracni mwet kawuck ac mwet tuhlan:
-
Tuhkweni kuhlwacnsap. Liye ke kuhtuh inkacnek in suli mwet kawuck kuh mwet tuhlan in wi kom in karihngihn enenuh luhn mwet sahyac. Siuck selos in kahsrwekom ahkolah mwe kahsruh nuh sin ninac sasuc se, muhtwacta yurin mwet tuhlan mahtuh se, kuh ahknwacsnwacsye lohm sin mwet suc mas.
-
Tuhkweni luti. Fahkwack pac in suli mwet kawuck se kuh mwet tuhlan suc tiac wi alu pacl nuhkwewa in kol mwe lutlut luhn misineri lohm selos suc miting sin misineri. Kuh kawuck lom an kuh in ahkkweye kom in kol mwe lutlut in lohm sum an kuh in wi kom nuh ke sie lesin yurin siena mwet in lohm sel.
-
Kahsruh elos suc kom liye muh enenuh kahsruh. Sang in ahkolah mwe kahsruhsr nuh ke alu ah. Suli tuhlihk srihsrihk nuh ke mwet fuhsr kuh mukwikwi luhn tuhlihk srihsrihk. Meac kuhtuh inkacnek kom kuh in luti ac oracni?
-
Orekmakihn mwe kahsruh luhn Alu ma ahkoeyucklac tari. Alu uh sang mwe kahsruh pucspucs nuh sin mempucr in kahsrwelos in fahkwack ke wosasuc. Kom kuh in suk ke “Missionary” section in the Gospel Library app and visit ComeUntoChrist.org ke srihpac in suk lah e orekeni fuhkah mwet Israel nuh ke muhtuhnfwacl lasr uh.
© 2020 by Intellectual Reserve, Inc. All rights reserved. Sihmlac fin acn USA. Ahkkweyeyucklac ke kahs English: 6/19. Ahkkweyeyucklac ke Lweng: 6/19. Lweng ke Ministering Principles, January 2020. Kosraean. 16984 868