Ukpebnkpɔ Unwam, Ɔfiɔŋ Iba ke isua 2020

Ndida Family History nsin Unwam

Mmen-nwut otode Jshua Dennis, mbiet idak-isong ye ndise otode Getty Images

Ndinwam owo kiet ye family history esie ed ata eti usung ke ndinwam. Nte mbufo edade mbuk ye edinam ufokemana enwam nbon efen ndidiongo mbon-ntongo-ubon mmo, ke akpatre mbufo emesiri ukpok emi okodude ke esit mmo ke usukini emi akananam mmo mikediongoke ete ke mmimo imenyene (se Malachi 4:5–6).

Mme ekpedi owo emi ama ebighe ke Ufok Abasi mme owo ekemikopke mfiak-nda-ndi gospel Jesus Christ akpa, ofuri ndito Abasi enyene udong ndidiongo ebiet emi mmo eketode eworo edi.

Isiwakke ndida ini ke ndsin akamba ye akwa nkpo-editi, nte emende ewut ke mme mbuk sitiene emi.

Ndikut Ufokemana ke Tosin Ikpat Edip-ye-duop

Ibighike kendukde ubom-ofim nyong ufok, ndikut idem mmi nte ntiede ndiana Steve, emi eketingde ubak nneme esie ono mi. Enye ama okure ufoknwedsecondri, oduk Ekong eke U. S. nte ata owo-utom nneme ke isua Efureta, ndien osop anam utom ke White House, ndisin unwam ke nkpo-nneme nno Adaibuot eke United States. Tongo ke isua Efureta kesim Edip-ye-itiokiet, enye akanam utom ono mme Adaibuot U.S.iba. Mbuk esie ama enem ata eti-eti!

Ami ndoho Steve nte, “afo enyene ndiwet mbuk emi nim nno nsuho fo! Ana mmo ebem iso enyene mbuk emi eto nting-enyin fo.” Ene ama enyime.

Ekem Spirit eteme mi ete mbup enye se enye odiongo abanga mbon ntongo-ubon esie. Steve ama odiongo ediwak abanga edem eka esie, ke esit edide mbuk danga ufokemana esie ekediade udia mbubreyo inikiet ye Abraham Lincoln kini enye akasuande-etop ke obio ke ini edimek adaibuot eke U.S. eke 1860.

Nte ededi, enye okodiongo ata esisit abanga edem ete esie. Enye ama enehede oyom ndidiongo awak. Ami nsio phone mi nyung nkubore FamilySearch app. “Steve, nnyin imekeme ndikut ufokemana fo idahaemi!”

Ami mbe-nduk nyiri ke Wi-Fi. Ami nyak phone mi mberi ke okpokoro emianade kisomi man nnyin mbiba ikeme ndikut ndise. Nnyin idungore FamilyTree. Ke esisit ini nnyin mbiba idise nwed ndo eke ete-etebom esie onode ekam-etebom esie.

Enye odoho ete, “Mmo edi oro!” “Idahaemi ami mmeti akpatre enying esie!”

Inem spirit ama odoro nnyin mbiba ke idem. Nnyin itongo ndiyom enying mbon-ubon esie emi enye mineheke-de idiongo ke ufang minit Aba-ye-ition efen. Enye odoho ete yak ami nnwongo nnoimo ke nnyin iyeka-iso idungo otokiet ke Clorado. Nnyin ima idiongo ebiet kiet eken ke nte ubom-ofim osuhoke-de aka ndisim isong.

Se nnyin mi, ifurede ke Tosin ikpat Edip-ye-duop (9,145 m) ke ofim, ye nkpo-utom emi ekpride nte ubok mi, ndidungore nyom eren ye nnwan emi ekedode-ndo ke isua Ikie emi ekebede emi enye ye ufokemana esie mikekut-ke. Edi se mikpekeme-ke nditibe! Edi nnyin ima ikut mmo. Ufokemana enyene ebuana. Efiak eti mme mbuk. Enyene esit ekom eno technology ye nkpo-utom esie. Ekedi ata utibe-nkpo.

Jonathan Petty, Colorado, USA

Obufa Ufokem.ana ekanare enye ekuk

Maria ama afiak-edem ke Ufok Abasi ke awakde akan isua Edip. Esisit ofiong emi ekebede, nnyin ima ibiat ediwak ini ndidu ye enye ke ufok esie, ida ubat-owo ye mme nwed efen idungre ufokemana esie. Ke ndaha kiet enye atua ofiori ete, “Ami mmekpeb ediwak nkpo mbanga ufokemana mi ke hour iba akan nte ami nkediongo-ke mbanga ke ofuri eyo uwem mi!”

Ke eismde utit ke nnyin ndidu otokiet, nnyin iwut enye nkpo Mbon-ebuana eke Edude-ekpere Mi eke FamilyTree app. Oro ediwut ete ke ami ye ebe mi imebuana-nkpo ye Maria. Enye afiak atua eyet, odoho ete ke imo ikekere ete ke idi ikpong. Akananam enye ikofiokke ete ke imo imenyene ufokemana ke obio oro. Esisit udua ifang kiso Maria edisobo ye bishop nnyin. Idahaemi enye oyom ndibenge idem nka temple, ndien enye okut ediwak “mbufa” imaan ke ward nnyin!

Carol Riner Everett, North Carolina, USA

Usung-item eke Unwam

Ashley, eyen-eka anwan eke ami nnwamde, ye ami mbiba imenyene nwedutem-udia ito mme eka-eka nnyin. Eke esie oto eka-eka esie, ndien okim edi nwed eke ami nkenimde otokiet kini ami nkebode ekebe usung-utem-udia eke Grandma Greenwood ke enye ama akakpa.

Ami ye Ashley mbiba ima imek usung-utem-udia ito nwed-udia nnyin, inyung isobo otokiet ke ikurede utom ke okoneyo kiet man idomo mmo ise. Enye ekemek nditem inem-udia emi ediade ke ekurede, ntem nnyin iibem-iso nam udia oro inyung isin keoven. Ami nkemek chip dip—inem udia emi esidude ke ofuri usoro ufokemana Greenwood. Alice eyen-anwan eke Ashley ama anwam nnyin ke nditabi udia oro nse. Ekem, koro Ashley ikoyomke ndito esie edia ofuri udia oro ekure, enye ada ubak osok ndito-eka iban emi enye esinwamde.

Nkpo kiet eke ami mmade nkan ke okoneyo utem-udia nnyin ekedi ke nnyin ima item inyung ikrang, ineme ibanga ofuri ibuot-iko eke unwam—mmemidem mi ye eke esie. Edi nnyin nko ima ineme ibanga mme eka-eka ye eka nnyin, emi ekenehede enem nnyin mbiba eti-eti

Jenifer Greenwood, Utah, USA

Asanga-asanga Usung man Anwam

Family history ekeme ndiberede usung nno ufang ndinwam kini etiede nte nkpo ndomokiet idikemeke ndinam. Se esisit ekikere ifang mi eke mbufo ekpenamde.

Nwam mmo ndiwet nyung ntara uyo ediwet eke mbuk family history, akpan-akpan enye emi edide-ukem ye ndise
Siak usung fan mme ekeediming nwed family history efen emi mbufo ekemede ndino nte eno.
Ekpeb usung ke ndinyene family history mmo otoke ndinim journal ke usung emi mmo emade. Journal eke uyo? Journal eke ndise? Ndise eke video? Odu ediwak usung ono mbon emi mimaha ata ndaha eke journal.
Ka temple otokiet man ekenam edinam iko-Abasi eno mbon-ntongo-ubon Mme ndinyime man anam edinam iko-Abasi ono mme enying eke ufokemana mmo edieke mmo ediwak enying akan nte mmo ekemede ndinam nno.
Esobo otokiet man ebuana edu-uwem eke ufokemana.
Eduk class family history otokiet.

© 2020 Intellectual Reserve, Inc. All rights reserved. Ekeming ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare eke Ministering Principles, February 2020. Efik. 16995 553