Nshindamenu ya Buambi, Ngondo Muibidi 2020
Buambi kupitshila ku Muyuki wa Dîku
Bimfuanyi mbia Joshua Dennis; foto wa pa tshizubu ngua Getty Images
Kuambuluisha muntu ne miyuki ya dîku tshidi mushindu mukola wa kuenza buambi. Paudi utuangaja bakuabo ne bankambua babo kupitshila ku miyuki ya dîku ne dikontonona, udi ujika masoso adi mu mioyo yabu adibu misangu mikuabo kabayi bamanya ne badi nawu, (tangila Malaki 4:5–6).
Nansha bikala tshidimba tshia Ekelezia tshilelela anyi mukuabu udi kayi muanji kumvua bua lumu luimpa luibakula lua Yesu Kilisto, bonso mbana ba Nzambi badienzeja mua kumanya patshidi tshitangila kudibu bafuma.
Kabiena bilomba ntanta mula bua kushiya ndondu mila ne milenga, bu mudibi bileja mu miyuki idi ilonda eyi.
Kutantshila Dîku Dikala mu Metela 9100
Musangu mushala mudialukila kumbelu mundeka, ngakadisangana ku luseka lua Steve, uvua mundondela tshitupa tshia muyuki wenda wa nkaya. Yeya uvua mupeta dipuloma dia kalasa, ne kubuelaye mu Tshiluilu tshia Amelika bu muambuluishi mupiluke mu miyuki pavuaye ne bidimu 18, ne musangu umue kubanga kuenza mudimu ku Maison Blache, muikala muambuluishi mu ditua dia mpanda mu miyuki ya Muimanyinyi wa Etats-Unis. Kubangila ku bidimu 18 too ne ku 26, wakambuluisha Bimanyinyi babidi ba Etats-Unis. Miyuki yenda ivua ya mushinga!
Ngakamubikila, “Steve,” ne kumuambila se “Udi ne tshia bua kufunda miyuki eyi bua ndelanganyi yeba! Idi dijinga ne kupeta miyuki eyi ifumina kuudi wewe.” Yeya wakitaba.
Nanku Nyuma wakansaka bua kumukonka ne ntshinyi tshivuaye mumanya pa bankambua bende. Steve uvua mumanya biabungi luseka lua mamuenda, too ne muyuki uvua dîku dienda ku mesa didia tshia-didia tshia dilolu ne Abraham Lincoln pavuaye muikala wenza madisuisha bua masungula a buimanyinyi bua Etats Unis mu tshidimu tshia 1860.
Uvua mumanya malu makesa ku luseka lua tatuenda. Wakasua bushuwa kumanya biabungi. Mema kupatula telefona wanyi ne kukangula application wa FamilySearch. “Steve, tudi mua kupeta dîku dieba mpindieu!”
Kupitshila ku Wi-Fi wa mu ndeka. Ngakateka telefona wanyi pa mesa kumpala kuanyi bua tumona nenda bonso. Tuetu kukeba Mutshi wa Dîku. Munda mua tususa ndambu, tuakabanga kumonununa mukanda wa dibaka wa nkambua wenda muluma ne nkambua wenda mukaji.
Wakamba se “Mbobu!”. “Ngavuluki dina dienda dia ndekelu mpindieu!”
Nyuma wa disanka wakatupuekela bubidi buetu. Tuakenza mudimu pa bimfuanyi bia bankambua benda bavuaye kayi mumanya bikola mu tususa 45 tuvua tulonda. Yeya kundomba bua mmulaya ne netutungunuka ne kukebulula pamue patuafika mu Colorado. Tuakapeshangana mushindu wa kupetangana bu muvua ndeka muikila.
Apa tuvua, babuka makasa 30.000 bia metela 9,145 mu lupepela, ne kamua kakesa bu tshianza tshianyi, mu dikeba dia muluma ne mukaji bavua baselangana kukavu bidimu 100 bakavu bajimina buende ne bua dîku diende. Bia dikema! Kadi tuakabapeta. Mêku akatuangana. Miyuki yakavuluijibua. Ngumvuilu wa dianyisha dia biamu ne dibienza uvua mutubuikila. Tshiakadi tshishima mene mene.
Jonathan Petty, Colorado, Etats Unis
Munyunguluka kudi Dîku Dipiadipia
Maria wakadi ne mateketa bua kulua mu ekelezia mu bidimu 20. Kudi ngondo mikesa, tuetu kudisanga nenda mu nzubu muetu, mu dikeba dia dîku musangu wa dibadika dia bantu ne mu bikuatshidi bia meyi. Mu mutantshi wa diba, wakashikunkila ne binsonji wamba: “Mu meba abidi, ngalongu biabungi bimvua tshiyi mumanya pa dîku dianyi!”
Kundekelu kua disomba dietu pamue, tuakamuleja Relatives Around Me (Malela adi Manyunguluka Mema) kazubu kadi mu application wa Mutshi wa Dîku. Biakamueka ne muluma wanyi ne mema tuvua malela malamakana ne Maria ntanta mula. Wakapuekesha binsonji kabidi, kuambaye se uvua wela meji ne uvua nkayenda. Kavua mumanya ne uvua ne dîku pabuipi to. Mbingu mikesa mipita Maria wakamunangana ne muepiskopo. Udi udilongolola mpindieu bua kuya ku ntempelo, ne wakapetangana ne bana babo babungi “bapiabapia” mu tshikongu tshietu!
Carol Riner Everett, Caroline du Nord, Etats Unis
Kenzelu ka Buambi
Ashley, muanetu wa bakaji umvua nsadila buambi, mema ne yeya tuvua ne mikanda ya dilamba ya kudi bankambua betu bakaji. Yenda ivua mifuma kudi nkambua wenda mukaji, ne wanyi mukanda ngakawangata pamvua mmpiana bintu bivua mu kazubu ka kenzelu ka Nkambua wanyi Greenwood panyima pa lufu luenda.
Ashley ne mema tuakasungula kenzelu mu mikanda yetu ya dilamba, ne tuakasambakena pamue panyima pa mudimu butuku bumue bua tuetu kuteta. Wakasungula kenzelu ka desset, tuakakeenza kumpala ne tuakatshiteka mu mfulu. Mvua musungula mema nsupu wa nseka—tshiakudia tshia pa tshibidilu mu difesto dionso dia dîku dia Greenwood. Alice, muana wa Ashley, wakatuambuluisha bua kulabula tshia kudia. Pashisha, bualu Ashley kavua musue ne bana benda badia dessert yonso, wakapesha bana babu bakaji bavuaye usadila buambi.
Tshintu tshimvua munanga pa kenzelu ketu ka butuku ntshia se patuvua tulamba, tuvua tuakula pa biena bualu bionso bia buambi—makenga enda ne anyi. Kadi tuakakula kabidi bua betu bakaku bakaji ne bamamu betu, aba bavua batunanga bonso buetu bikole.
Jenifer Greenwood, Utah, Etats-Unis
Mishindu Misunguluka ya Kuambuluisha
Miyuki ya dîku idi mua kukangula bibi bia mishindu ya kuenza buambi padibi bimueneka ne kakuena tshikuabo tshiakuenza. Eyi idi ngenyi mikesa inudi mua kuteta nayi.
-
Bambuluisha bua bakuata meyi ne bapeta mikaba mikuata ya miyuki ya kala ya mêku nangananga idi ipetangana ne foto.
-
Enza mishonyi anyi patula mukanda wa dîku dia kala ne udi mua kuufila bu matapishi.
-
Longesha mishindu ya kupetabo miyuki yabo nkayabo kupitshila ku kakanda ka nkaya mu mushindu udibo basanka nayi. Kakanda ka bia kumvua? Meyi makuata? Video mikuata? Kudi mishindu yabungi bua aba badi kabayi bananga kuenza muyuki wabu mu kakanda.
-
Ndayi pamue ku ntempelo bua kuenza mishinga ya bankambua. Anyi ambuluisha bua kuenza mishinga mu mena a dîku diabu pikalabo ne babungi bakuenzela.
-
Sangilayi pamue bua kulondelangana mianda ya nsombelu ya dîku.
-
Enzayi kalasa ka dilonga dia muyuki wa dîku pamue.
© 2020 by Intellectual Reserve, Inc. All rights reserved. Mupatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Ministering Principles, February 2020. Tshiluba. 16995 760