Ukpebnkpɔ Unwam, Ɔfiɔŋ Ita ke isua 2020

KPEBNKPƆ TO KE UTOM Ufok Abasi

Ini emi nnyin inwamde mbon efen ke ndibo edidiong eke ufok Abasi, nnyin imeno unwam.

Background oto Getty Images; ndise eke Tegucigalpa Honduras Temple

Ndika ufok Abasi odot ye utom oro. President Russell M. Nelson ekpeb ete ke “ufok Abasi edi akpan-nkpo ono erinyanga-ukpong ye ndaha-ubong nnyin ye eke ufokemana nnyin. …

“… Ana nnyin owo kiet-kiet inyene nka-iso osongo odudu Abasi ye ukpeb emi editibede kpot ke ufok Abasi.”¹

Edika ufok Abasi oyom ini, ubiong-utom, ye inyene nnyin, nko ye ke ndibenge-idem ke odudu Abasi. Nniyn ino unwam kini nnyin ikutde mme ubiongore emi anamde ndito-eka nnyin irenowo ye iban eku-ka ufok Abasi ndien inwam mmo ndibo iboro.

Ufok Abasi Edi Edidiong emi Owo-ekededi Ekemede Ndibo

Meg, asangha utom kiet emi okonyongde mmi-mmi emi edi, nte asangade ekpere enyin-usung Kona Hawaii ufok Abasi okut nkaiferi kiet etiede ke nkpo-itie ikpong ke anwa-esien. Meg ekere ke akpana imo inyene nneme ye nkaiferi oro, edi enye ifiok-ke se ekpetingde. Ntem enye obup abanga se mbuwid emi odude ke itong-ukot nkaiferi oro adade-ono. Oro ama otongo nneme emi akanamde nkaiferi oro, Lani, nditing mbanga mbuk esie.

Lani eting ono Meg abanga mfina esie ke ndifiak nnyene oyoho ebuana ke Ufok Abasi, nti mbon Ufok Abasi emi ekenwamde enye, ye idorenyin esie ke ndi-seal enye ndian nsek eyen-anwan esie ke usen kiet.

Meg ama okot Lani ete editie ye imo ke ubet edibet eke ufok Abasi. Mmo idikemeke ndibe nka anyan aba ke esit ufok Abasi, edi mmo eyekeme ndibe ndaha ubiongo eke ererimbot. Lani enyime, ndien mmo ebe ke enyin-usung eduk otokiet. Anam-utom ufok Abasi kiet owut mmo nkpo-itie kiet ke ata-idak ndise Andinyanga ete etie.

Nte mmo etiede otokiet, Lani eting sung-sung ete, “Ami mma nnehede nyom ndiduk ufok Abasi mfin, edi idem ama enyek mi.” Koro Meg ama okop item Odudu Abasi, enye anwam ndiboro akam isong-esit eke Lani.

Mbufiok nte ekpewamde mmo oro Minyeneke Ikod

Mbon oro minyeneke ikod ke ufok Abasi ekeme ndibo edidiong emi otode ufok Abasi

Buana ekikere mbufo kabanga nte Abasi odiongde mbufo oto ke utom ufok Abasi.
Kot owo kiet ete edi open house eke ufok Abasi mme visitors’ center. Yom open house emi edinamde ke temples.ChurchofJesusChrist.org
Se mme ndise yung kpeb awak banga ufok Abasi ke temples.ChurchofJesusChrist.org

Nam Ndika Ufok Abasi edi Mmem-mmem ono Mbon efen

Kpa ye mbon Ufok Abasi emi enyenede ikod ufok Abasi, edika ufok Abasi ekeme ndi-di okposong-nkpo ono mmo. Ana nte usuk-owo esanga anyan usung-isang. Mbon eken ekeme ndinyene mkpri ndito mme ikpo mbon ufokemana emi eyomde ukpeme. Nnyin imekeme ndinam utom otokiet man inam utom ufok Abasi emem ono ofuri owo.

Leola Chandler ama okop ata-inemesit ke ndikpeme ebe esie emi okodongoke ye ndito mmo inang. Ntem enye ebiere ndisio ini kwa Tuesday man aka ufok Abasi emi ekperede enye. Oro ama akabare edi ntongo emem ye odudu ke uwem esie.

Usen kiet enye okop ke esisit ikpo ndito-eka iban ke ward esie enehede eyom ndika ufok Abasi, edi mmo inyeneke nkpo-isang ndida nka. Leola enyime ndiwat mmo nka ufok Abasi. Ke isua Aba eken, enye ikewak-ke ndika ufok Abasi ikpong.²

Leola ama obo edidiong, ndien enye odiong mbon efen kini enye enyimede ndisanga ye mmo nka ufok Abasi.

Mme Ekikere man Anwam Mbon efen Eka Ufok Abasi

Didie ke mbufo ekeme ndinwam mbon efen ewak ndika ufok Abasi? Mbufo emekeme ndikut ke ukem ekikere oro eyenwam mbufo nko.

Eka ufok Abasi otokiet. Enyime ndino mme ndibenge nkpo-uka-isang nno owo kiet. Oro ekeme ndinam owo efen oyom ndika ufok Abasi nko.
Bup mbon ufokemana mme ward fo ete enwam mbufo ke ndinam edinam iko-Abasi nno mbon ntongo-ubon mbufo, akpan-akpan kini mbufo enyenede ediwak enying mbon ufokemana ebenge-ke enim eno edinam iko-Abasi.
Enyime ndikama nsek-eyen man ete-ye-eka ekeme ndika ufok Abasi. Mme ndibenge mbuana ini ke ndikpeme ndito kiet eken.

Kini Ufok Abasi Odude Ke Anyan Usung

Chandradas “Roshan” ye Sheron Antony eke Colombo, Sri Lanka, ema ebiere ndinam sealing ke ufok Abasi. Mme ufan mmo Ann ye Anton Kumarasamy ema enehede enem esit ebanga mmo. Edi mmo ema ediongo ke ndikisim Manila Philippines Temple imemke inyung ikprike.

Roshan ye Sheron ema esuho okuk mmo enyung ebenge ubom-ofim ke ediwak ofiong kiso man eduk ubom-ofim emi mmo edikemede ndikpe. Ke akpatre, usen oro ama edisim. Nte ededi, kini mmo ebetde ke Malaysia, mmo edifiok ete ke ndikisim Philippines, ke ana mmo enyene nwed-isang kiet ebede oro ke mmo enyene ndisanga ke nkok ubom-ofim efen. Ikememke ndinyene nwed-isang, ndien mmo ikekemeke ndidep mme ticket nkok ubom-ofim efen. Edi mmo ikemeke ndikere mbanga ndifiak nnyong ufok ke minamke ubiere.

Ke mifiok-ke nkpo efen se ekpenamde, Roshan okot Anton. Anton ye Ann ema enehede eyom ndino unwam. Mmo ekedi kiet kotu esisit nnwan ye ebe ke Sri Lanka emi ema eke-biere ke ufok Abasi, ndien mmo enyung ediongo oruk edidiong oro se edi. Edi ikebighike ini nte mmo ekeda nsuho-okuk mmo enwam owo ufokemana mmo emi okodude ke unana, ndien mmo ikenyeneke ediwak okuk ndinwam Roshan ye Sheron ndidep mbufa ticket eke obufa ubom-ofim.

Ke Sri Lanka edi ido ono ebe-ndo ndidep nkwa-itong o-gold nno nnwan-ndo man otodo enye edinyene ekpri okuk edieke ebe esie akpade. Ann ama ebiere ndinyam nkwa-itong esie man anwam ndidep mbufa ticket oro. Eti eno esie ama anam emem ono Roshan ye Sheron ndikisim ini ufok Abasi mmo ke Manila.

Ann ete, “Ami mmodiongo ufon ke edi-nam sealing ke ufok Abasi.” “Ami mma ndiongo ke Roshan ye Sheron eyedi akwa osongo eno branch mmo. Ami nkoyomke eti-ifet emi ebe okpong mmo.”³

Mme Ekikere man Anwam Mbon Eke Mikemeke Ndika Ufok Abasi

Ekeme ndikot mbufo ete esin unwam eno mbon emi mikemeke ndika ufok Abasi ndien-ndien mme eke misikaha ufok Abasi oto ke usung ndiyom mme ke ntak okposong-okuk se edikpa ke ndika ufok Abasi. Edi mbufo nko emekeme ndiyom usung man enwam mmo ke ndinem esit mbanga edidiong eke ufok Abasi.

Ekpeb enyung ebuana otokiet ke class mbenge-idem ufok Abasi mme eke family history.
Eno mmo ndise ufok Abasi kiet man edian ke ufok mmo.
Edieke edide mbufo ema eka ufok Abasi, ebuana ekikere mbufo kabanga ifiok-ukpeb ye iko ntiense mbufo kabanga mme edinam eke ufok Abasi.
Enwam mmo ndikpeb awak mbanga mme ediomi emi mmo ekenamde ye danga nte mmo edinimde mme ediomi oro. Ekere-ebanga ndida “Understanding Our Covenants with God: An Overview of Our Most Important Promises,” emi odude ke July 2012 Liahona nam-nkpo.

© 2020 otode Intellectual Reserve, Inc. All rights reserved. Ekeming ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare eke Ministering Principles,March 2020. Efik. 16985 553