Lutiyacn Ip Yohk ke Karihngihnyuck, Mahs 2020

Karihngihnyuck ke Orekma ke Tempuhl

Ke kuht kahsruh mwet sahyac engankihn mwe insewowo ke tempuhl, kuht karihngihnyuck.

Petsac

ministering

Petsac se ke Petsac lal Getty; petsac ke Tegucigalpa HondurasTempuhl

In som nuh ke tempuhl ahkinsewowoye kom liki orekma lom. Prestuhn Russell M. Nelson el luti lah “tempuhl uh yohk srihpac ke molwelah ac moul ma pahtpaht lasr ac nuh selos ke sucu lasr uh. …

“… Kais sie sesr enenuh in fahlacna in ahkweye ip luhn nguhn ac luti lah e kuh in sikyak ke lohm sefanna sin Leum.”¹

Wi nuh in tempuhl enenuh in fosrngahkihnyuck ao lasr, kunohkohn, ac ma e orekmakihnyuck, oacyacpac in oasr nguhn in ahkolah. Kuht karihngihn ke kuht suk in luhsruhngwack in sruokyac tamuhlwel ac tahmtahel wiacsr liki tempuhl ac kahsrwelos in suk sahflahiyac.

Tempuhl uh Pa Mwe Insewowo se Oacna sie Mwet Kuh in Engankihn

Misineri se tuhfahna fohlohk ke misin lal, Meg, el fahsryak ke sruhnguhl uh ke Tempuhl Kona Hawaii ke el liye lah tuhlihk muhtwacn fuhsr se muhkwena muhta ke siah likihnihm ah. Meg el puhla lah el enenuh in sramsram nuh sin tuhlihk muhtwacn fuhsr se inge, tuhsruhk el tiac etuh na pwacye lah meac elac fahk uh. Oruh el siyuck lah meac kalmweyacn srihsrihng se ke niacn tuhlihk muhtwacn fuhsr sac. Pa ingacn muhtwacwacackiyacn sramsram sac oruh tuhlihk muhtwacn fuhsr sac, Lani, el sruhmuhn sramsram kacl.

Lani el fahk nuh sel Meg ma upac nuh sel in fohlohk in wi kwewa toeni ke Alu ah, mempucr kuhlwacng suc ma kahsrwel, ac finsrak lal in sie pacl el an siliyucki wi tuhlihk muhtwacn srihsrihk se nahtuhl ah.

Meg el solwacl Lani in weluhl muhta ke rum in tuhpan ah ke tempuhl. Elos tiac kuh in utyak nuh lun tempuhl ingena, tuhsruhk elos kuh in crossiyac motonoac uh. Lani el insese, ac elos tuhkweni fahlac ke sruhnguhl luhlahp ah. Mwet orekma ke tempuhl srisrngiyac nuh selos siah se oan ye petsac se lal Mwet Lahngo.

Ke elos tuhkweni muhta, Lani el mahmah, “Nga arulwacna ke tuhkuh nuh ke tempuhl mihsenge, tuhsruhktuh nga tuhfal.” Mweyen Meg elukwe Nguhn, el kahsruh tohpohklah pruhe mahmah lal Lani.

Mwe Nuhnak in Kahsruh Elos suc wacngihn Pwepuh in Lwelah

Finne nuh selos suc wacngihn pwepuh in lwelah la nuh tempuhl kuh in insewowo ke tempuhl.

Sruhmuhn puhla lom lah fuhkah mwe insewowo Leum el ahkinsewowoye kom ke orekma ke tempuhl.
Suli sie mwet in wikom in wi ke ikwacklah luhn tempuhl kuh acn in muhtwacta luh mwet muhtwacta. Sokwack pacl in ikwacklah luhn lohm ke temples.ChurchofJesusChrist.org.
Liyeyuck petsac ac lotwelah yohk ke tempuhl ke temples.ChurchofJesusChrist.org.

Oruh Som nuh ke Tempuhl in Fihsrwacsr nuh sin Mwet Sahyac

Finne nuh sin mempucr ma oasr pwepuh in lwelah ke tempuhl, wi nuh ke tempuhl kuh in mwe srihkasrak se. Sahp kuhtuh enenuh in forfor loeslac. Kuhtuh sahp e oasr tuhlihk na srihsrihk kuh mwet mahtuh ke sucu mempucr suc enenuh kahsruh. Kuht kuh in tuhkweni orekma in oruh orekma ke tempuhl in kuh in sikyak nuh sin mwet nuhkwewa.

Leola Chandler el puhla kuf ke karihngihn mukul mas se tuhmwacl ac wi tuhlihk ahkosr nahtuhl. Oruh el sulwaclah in fihliyac sie pacl ke kais sie Tuste in wi som nuh ke tempuhl suc fototo nuh yohrohlos. Tuhkuh nuh sel muh pa muhtwacwackiyacn mihslac ac kuh in moul lal.

Sie lwen ah el lohng lah kuhtuh sin tahmtahel wiacl ke ward lal kena yohk in wi som nuh ke tempuhl, tuhsruhk wacngihn ma kahlwem ke mwe kahsruhsr. Leola el luhngse in kahsrwelos ke mwe kahsruhsr. Ke tukun yac 40 tohkoh, el suhkwac som nuh in tempuhl sifacna.²

Leola el insewowo, el ahk insewowoye pac mwet sahyac ke el sulwaclah elan kahsrwelos usacltahl nuh ke tempuhl.

Mwe Nuhnak in Kahsruh Mwet Sahyac in Wi nuh ke Tempuhl

Kom e kahsruh fuhkah mwet sahyac in som nuh ke tempuhl pacl puhkantwen? Kom e sahp sokwack lah kahsruh se pacna ingacn kahsrwe kom.

Tuhkweni som. Sulwaclah in ahkolah kuh oraclah mwe kahsruhsr nuh sin mwet se. Sahp e ahkkweye mwet se sahyac in wi nuh ke tempuhl pac.
Siuck sin mempucr ke sucu lom an kuh ward in kahsrwe kom oruh akwuck ke mwet somsomlah met, yohkiyacna ke pohs suhnuhn ine ke sucu lom an ma ahkolah nuh ke akwuck uh.
Siyuck in liyeyuck tuhlihk in muh ninac ac pahpah in kuh in som nuh ke tempuhl. Kuh oraclah in oasr pacl kais sie in liye tuhlihk nuhtin sie sin sie.

Ke Tempuhl uh Oan Loeslac Uh

Chandradas “Roshan” and Sheron Antony luhn Colombo, Sri Lanka, sulwaclah in siliyucki ke tempuhl. Kawuck lalos Ann ac Anton Kumarasamy engan selos. Tuhsruhk elos etuh lah som nuh ke Manila Phillippine Tempuhl tiac fihsrwacsr ac srihk molo.

Roshan ac Sheron sefiyac mani lalos ac pukiyac flight lalos mahlwem se met liki elos in kuh in wi flight ma elos kuh in wi uh. Sahflahiyac, lwen se tuhkuh. Tuhsruhktuh, ke pacl se elos foslac fin acn Malaysia, elos suk elos in oraclah na fahlac se lalos nuh Philippine, elos enenuh sie sin visa kuh enenuh in sohklah wi aksohk sahyac. Tiac ma e koflah sikyak pa in eis visa, ac elos tiac kuh in moli tiket nuh ke sie pacna aksohk. Tuhsruhk elos tiac kuh in nuhnkuh muh elos e fohlohk nuh lohm selos ac tiac siliyucki.

Tiac insense lah meac pac e orek, Roshan el pahnglol Anton. Upac nuh sel Anton ac Ann in kuh in kahsruh. Elos pa kuhtuh sin siacnyacn ke Sri Lanka suc siliyucki ke tempuhl, ac elos etuh lah meac mwe insewowo kac uh. Tuhsruhk elos orekmakihn sef lalos ke pacl somlah in kahsruh sucu lalos ma enenuh, ac tiac yohk suhnuhn mani in kahsrwel Roshan ac Sheron molwelah tiket lalos nuh ke flight sasuc.

Ke Sri Lanka facsin se pa mukul se in molwelah sein gold se luhn muhtwacn se in muh oasr mani luhn muhtwacn sac fin mukul tuhmwacl an misac. Ann el sulwaclah in kuhkwackuhnlah sein lal ah in kahsruh molwelah sie tiket sasuc ah. Mwe sang na wowo se oruh kuh in sikyak nuh sel Roshan ac Sheron in oraclah pacl lalos in som nuh ke tempuhl Manila.

“Nga etuh yohk srihpaciyen sil ke tempuhl,” Ann el fahk. “Nga etuh Sheron ac Roshan e mwet kuh in ahkkweye ke pracns. Nga tiac ke elos in tilac wi ke pacl wo se inge.”³

Mwe nuhnak in Kahsruh Suc Tiac Kuh in Muhtwacta ke Tempuhl

Kom e sahp pahngonyuck in karihngihn suc tiac kuh in som nuh ke tempuhl inkaiyen pacl uh kuh pacl nuhkwewa ke loeslac kuh molo uh. Tuhsruhktuh kom kuh in sokwack srihpac in kahsrwelos kuh in luhngse mwe insewowo ke tempuhl.

Luti kuh tuhkweni wi toeni ahkoeyucklac ke tempuhl kuh kuhlahs ke sramsram mahtuh ke sucu.
Sang nuh selos sie petsac ke tempuhl in sruhpuhsrwack lohm sel tahl ah.
Fin kom som tari nuh ke tempuhl, akacsruhi puhla lom kom puhlakihn ac luhlahlfongi lom ke akwuck ke tempuhl.
Kahsrwelos in etuh yohk pac ke olwelah elos oraclah ac in sruokyac na. Nuhnkuh ahkwoyac in orekmakihn “Kahlwem ke Olwelah lasr sin God: In Sifilpac liye Olwelah Yohk Srihpac oemet Lasr,” ke pacl July 2012 Liahona.

© 2020 ke Intellectual Reserve, Inc. All rights reserved. Sihmlac fin acn USA. Ahkkweyeyucklac ke kahs English: 6/19. Ahkkweyeyucklac ke Lweng: 6/19. Lweng ke Ministering Principles, March 2020. Kosraean. 16985 868