“Buambi kupitshila ku Mpungilu Munene,” Liahona, Ngondo Muinayi 2020
Nshindamenu ya Buambi, Ngondo Muinayi 2020
Buambi kupitshila ku Mpungilu Munene
Ne miaku yonso idi ikankamika, mianda ya bankambua ya mêku, ne malongesha adi afuma kudi bena mudimu ba Mukalenga, mpungilu munene udi utupesha mishindu yabunyi ya kuenza buambi—kumpala, munkatshi, ne panyima pa ndekelu wa lumingu wa mpungilu munene!
Bu balongelongeshi ba kalasa ka dilongolola ba mishionyi, Susie ne Tom Mullen batu bakankamika misangu yonso bidimba bia tulasa tuabo bua babikila muntu bua kumona mpungilu munene.
“Kubikila muntu bua kuenza tshintu kampanda tshidi tshitupa tshia mudimu wa bu mishionyi ne tshidi tshienzeka mu buambi,” ke muakambaye. “Balongi betu batu bafila mulubu misangu yonso bua mushindu udibi bipita bimpa buabo ne bua bantu bavuabo babikila.”
Monayi mishindu mikesa ivua balongi babo baleja bua kolola tshianza:
-
“Tudi tuenza buambi kudi mulunda udi ne malu adi mikala mamutonda. Tudi tumubikila bua kumvua mandamuna ku mpungilu munene. Diba dituvua bakamusamba panyima pa mpungilu, uvua mutuambila ne uvua mumvua ngenyi yabunyi idi mua kumuambuluisha.”
-
“Tudi benza dilolo dia mpungilu munene ne muntu yonso kuambula tshiakudia tshia kuabanyangana. Bivua bisankisha bikola ne tuakapangadika mua kuenza kabidi.”
-
“Ngakabikila mulunda bua kutangila mpungilu munene ne mema. Patuvua tuakula pa bualu ebu, tuakapangadika bua kuya ku nzubu wa bisangilu bua kumona netudi mua kumumuena koku. Tuakenza, ne tshivua tshidikijilu tshimpe bua kuikala kuko!”
Bu ba Mullens ne balongi babo bakalonga ne, kudi mishindu yabungi ya buambi kupitshila ku mpungilu munene. Tshidi mushindu muimpa wa kuabanyangana bintu biakula bionso bidi bikankamika, mianda ya bankambua ya mêku, diakulangana bua ngumvuilu, ne malongesha adi afuma kudi bena mudimu ba Mukalenga!
Bikila bakuabu ku mbelu kueba
“Musungidi wakambila bayidi Benda ne ‘nunangangana umue ne umue; bu mundi mununanga’ (Yone 13:34). Tutangila mudiyi mutunanga. … Tuetu bamuenza Yeye bu tshitembelu tshietu, tudi mua kuikala misangu yonso toluela bakuabo tshianza.” —Muimanyinyi Dallin H. Oaks1
Kukadi bidimu biabungi, Mike mulongeshi wa dîku dietu wa kamona ne bana banyi basatu ne mema tuvua ne kamua kakesa ka olidinatele katuvua tumuena mpungilu munene. Yeye kutubikila mpidieu bua tuya ku nzubu kuenda tukamona nenda ne mukaji wende, Jackie, musuminyina bualu bavua bananga bua tubasombesha. Bana banyi bavua basanka bua kumuena mpungilu ku TV mulelela; mvua muanyisha bikola dikuatshisha; ne tuvua bananga bonso pamue.
Pashisha, kumona mpungilu munene pamue tshiakashala tshibidilu. Nansha diba dituapetshi wetu TV, tuakatunguluka kuya ne disanka kudi Mike ne Jackie kumvua ne matshio etu ne kayee, ne ka kudia bua mpungilu munene. Kumvua mêyi a baprofete pamue bivua bibenza bantu basunguluka. Tuakalua bu dîku. Mike ne Jackie bakalua bamue ba ku balunda betu batamba buimpe ne bakuenda bibidi ba bana betu. Diabu dinanga ne bulunda divua dikala dibenesha dia dikema bua dîku dianyi. Ndi muikala ne tshivulukilu bua disua diabo dia kutunzuluila nzubu wabo ne mioyo yabo ku tudi.
Suzanne Erd, Californi, USA
Nshindamenu ya Kutua Mushinga
“Jandula”
Musungidi wakangata ne dinanga tshipolo bua kumona majinga a bakuabo ne pashisha kuenza tshienzelu tshia kuandamuna ku majinga (tangila Matayi 9:35–36; Yone 6:5; 19:26–27). Tudi mua kuenza bia momumue.
“Kubikila mpindieu”
Pashisha tuetu bamanya majinga a aba batudi tusadila buambi, tshitupa tshidi tshilonda tshidi kuenza.“Kumvua mêyi a baprofete”
Tudi ne tshia bua “kutuilangana nangananga” (Moloni 6:5) kulonga pamue, kukola pamue, ne kuakula pa bintu bia nyuma bidi bimpe bua misuka yetu.
“Luaku, teleja dîyi dia muprofete, ne umvua dîyi dia Nzambi”2 tshidi mua kuikala tshimue tshia kudibikila dia mushinga tshitudi mua kudiundisha kudi batudi tuenzela buambi.
“Dinanga ne bulunda”
Bulelela budi buambuluisha ne bukoka bakuabo, tudi ne tshia bua kuibaka bulongu ne lusa“dinanga kadiyi kadiwu” (tangila Malongesha ne Bipungidi 121:41).
Kuabanyangana pa internete
“Bisanji bia media sosio bidi bintu bia mudimu mu bujima bidi mua kuikala tshipeta tshimpa bua muntu ne bukua bantu ne mêku. Ne ndi ngitaba ne diba ndikumbana bua tuetu balongi ba Christo tuangata biamua ebi biakana ne bia bujitu bua kujadika ne Nzambi N’Tatu wa Tshiendelela, bulongolodi Buende m’buadiakalengela bua bana Bende, ne Muanende, Yezu Kilisto, bu Musungidi wa ba pa buloba.” —Mukulu David A. Bednar3
Internete udi utuanyishila bua kuabanyangana lumu luimpe ne buloba bujima. Ndi munanga atshi! Ndi ngabanyangana midimu mikesa bua mpungilu munene, kadi nangananga ndi ngidikija bua kuambuluisha bakuabo bua kufuka muyuki udi ufuma ku malongesha a mpungilu munene. Tangila makonka adi afuma kudi bakuabo adi mua kutuambuluisha bua kumona bintu mushindu mukuabo ne bidi mua kuikala tshitupikidi tshia etu makonka manene pa mpata.
Ndi njadika ne wewa muangata makonka bua kuyukila pa mpungilu munene bidiyi muakula ne mêku enu a buambi, ne binuambuluisha bua kumona bukola buawu ne majinga awu. Lumua lua ku makonka anyi mananga ludi ne, tshiudi mumvua ntshinyi tshivua tshiena bualu tshia mpungilu munene mushala ewu?
Diandamuna didi dinuanyishila misangu yonso bua kumona bidi bipita mu nsombelu yabu ne tshidi ne mushinga kudibo. Biobio bidi bikuvuija muluma anyi mukaji muimpe wa buambi bualu udi mubamona pa butoka.
Camille Gillham, Colorado, USA
Nshindamenu ya Kutua Mushinga
“Kuabanyangana lumu luimpe”
Tuakaditshipa bua “kuikala bajadiki ba Nzambi diba dionso, mu bintu bionso, ne mu miaba yonso” (Mosiya 18:9).
“Fuka muyuki”
Mikenji ya mpungilu munene idi mua kukupesha malu a dikema, dianyina, ne miyuki milombola kudi nyuma. Ne miyuki ya nunku idi mua kukankamika malanda, kuambuluisha bua kukolesha bujadiki, ne kukupesha disanka! (tangila Malongesha ne Bipungidi 50:22).
“Angata makonka”
“Makonka mimpe neakuambuluisha bua umvua bipatshila, disumpakana, anyi makonka adi bakuabo nawu. Adi mua kukumbaja dilonga dieba, kubikila Nyuma, ne kuambuluisha bantu bua balonga.”4
© 2020 kudi Intellectual Reserve, Inc. All rights reserved. Mupatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Ministering Principles, April 2020. Tshiluba. 16986 760