အမှုတော်ဆောင်ခြင်း

အမှုတော်ဆောင်ခြင်းမူဝါဒ၊ ဧပြီ ၂၀၂၀

အထွေထွေညီလာခံ မှတစ်ဆင့် အမှုတော်ဆောင်ခြင်း

မြင့်မားသော ကိုးကားချက်များ၊ မိသားစုဓလေ့များနှင့် ကိုယ်တော်ရှင်၏ အမှုထမ်းများမှ သင်ကြားမှုများ အားလုံးနှင့်အတူ အထွေထွေညီလာခံသည် ရက်သတ္တပတ်နောက်ဆုံးရက် အထွေထွေညီလာခံ မတိုင်မီ၊ ပြုလုပ်နေစဉ်နှင့် ပြီးနောက်တွင် အမှုတော်ဆောင်ရန် နည်းလမ်းများစွာ ကျွန်ုပ်တို့အား ပေးအပ်သည်။

သာသနာပြုအဖွဲ့ ပြင်ဆင်ခြင်းအတန်း ဆရာများအနေဖြင့် ဆူစီနှင့် တွမ်မူလန်တို့သည် အထွေထွေညီလာခံကို ကြည့်ရှုရန်အတွက် တစ်စုံတစ်ယောက်ကို ဖိတ်ကြားရန် ၎င်းတို့အတန်းများမှ အသင်းသားများကို ပုံမှန်တိုက်တွန်းအားပေးသည်။

“တစ်ခုခုလုပ်ရန် တစ်စုံတစ်ယောက်ကို ဖိတ်ကြားခြင်းဟာ သာသနာပြုလုပ်ငန်းရဲ့ ခွဲထုတ်မရတဲ့ အစိတ်အပိုင်းတစ်ခုဖြစ်ပြီး အဲ့ဒါကို အမှုတော်ဆောင်ရာမှာလည်းပဲ အသုံးချပါတယ်၊” ဟု သူမကပြောသည်။ “ကျွန်မတို့ရဲ့ ကျောင်းသားတွေဟာ သူတို့နဲ့ သူတို့ဖိတ်ကြားထားတဲ့ သူတွေအတွက်လည်း ၎င်းဟာ မည်မျှကောင်းမွန်စွာ အလုပ်ဝင်ကြောင်းကို ပုံမှန်ပြန်လည်အစီရင်ခံကြပါတယ်။”

အောက်ပါတို့သည် ၎င်းတို့၏ကျောင်းသားများ အစီရင်ခံနိုင်သည့် နည်းလမ်းများမှ အချို့ဖြစ်သည်-

• “ကျွန်ုပ်တို့သည် ရုန်းကန်နေရသည့် ပြဿနာအချို့ရှိနေသော သူငယ်ချင်းတစ်ဦးထံ အမှုတော်ဆောင်ကြသည်။ အဖြေများ ရရှိရန်အတွက် အထွေထွေညီလာခံတွင် လာရောက်နားထောင်ရန် သူ့ကို ကျွန်ုပ်တို့ ဖိတ်ကြားခဲ့ကြသည်။ ညီလာခံပြီးနောက် သူနှင့်အတူ ကျွန်ုပ်တို့လည်ပတ်သောအခါတွင် အကူအညီဖြစ်စေမည့် စိတ်ကူးအများအပြားကို သူကြားသိခဲ့ရကြောင်း ကျွန်ုပ်တို့အား သူကပြောကြားသည်။”

• “ကျွန်ုပ်တို့သည် အထွေထွေညီလာခံ ပါတီပွဲတစ်ခု ကျင်းပခဲ့ပြီး လူတိုင်းက မျှဝေရန်အတွက် ဧည့်ခံပစ္စည်းများကို ယူဆောင်လာခဲ့ကြသည်။ ပါတီပွဲသည် အလွန်ပျော်စရာကောင်းခဲ့ပြီး နောက်ထပ်ကျဉ်းပဖို့ ကျွန်ုပ်တို့ ဆုံးဖြတ်ခဲ့ကြသည်။”

• “ကျွန်ုပ်နှင့်အတူ အထွေထွေညီလာခံကို ကြည့်ရန်အတွက် ကျွန်ုပ်သည် သူငယ်ချင်းတစ်ဦးအား ဖိတ်ကြားခဲ့သည်။ ယင်းအကြောင်း ကျွန်ုပ်တို့ စကားပြောကြတဲ့အခါမှာ အစည်းအဝေးခန်းမမှာ ယင်းကိုတွေ့နိုင်မလားဆိုတာ သိနိုင်ဖို့ ကျွန်ုပ်တို့သည် ၎င်းနေရာသို့ ကားမောင်းသွားဖို့ ဆုံးဖြတ်ခဲ့ကြသည်။ ကျွန်ုပ်တို့ ကားမောင်းသွားခဲ့ကြပြီး ၎င်းနေရာတွင် ရှိနေရခြင်းသည် အကောင်းဆုံးသော အတွေ့အကြုံ ဖြစ်ခဲ့ရသည်။”

မူလန်နှင့် သူ၏ ကျောင်းသားများသည် သင်ကြားထားပြီးဖြစ်သောကြောင့် အထွေထွေညီလာခံ မှတစ်ဆင့် အမှုတော်ဆောင်ရန် နည်းလမ်းအများအပြား ရှိကြသည်။ ၎င်းသည် မြင့်မားသော ကိုးကားချက်များ၊ မိသားစုဓလေ့များ၊ အဓိပ္ပာယ်ရှိသော ဆွေးနွေးမှုများနှင့် ကိုယ်တော်ရှင်၏ အမှုထမ်းများမှ သင်ကြားမှုများကို မျှဝေရန် ကောင်းသောနည်းလမ်းတစ်ခုဖြစ်သည်။

အခြားသူများကို သင့်အိမ်သို့ ဖိတ်ကြားပါ

“ကယ်တင်ရှင်သည် သူ၏ နောက်လိုက်များအား ‘ငါမင်းတို့ကိုချစ်ခဲ့သလို၊ မင်းတို့တစ်ယောက်ကိုတစ်ယောက် ချစ်ကြပါ’ ဟု အမိန့်ပေးခဲ့သည် (ယောဟန် ၁၃:၃၄)။ ထို့ကြောင့် ကျွန်ုပ်တို့သည် သူကျွန်ုပ်တို့အား မည်သို့ချစ်မြတ်နိုးခဲ့ကြောင်းကို ကြည့်ရှုကြသည်။ … အကယ်၍ ကျွန်ုပ်တို့သည် သူ့ကို ကျွန်ုပ်တို့၏ စံနမူနာရှင်အဖြစ် ထားပါကလူတိုင်းပါဝင်ရန် အမြဲကြိုးစားသင့်သည်။” — ဥက္ကဋ္ဌ ဒါလင်အိတ်ချ်အုခ်စ်^၁

လွန်ခဲ့သော နှစ်များက ကျွန်ုပ်တို့၏ နှစ်သက်ရသော အိမ်သင်ဆရာ မိုက်သည် ကျွန်ုပ်၏ကလေးသုံးယောက်နှင့် ကျွန်ုပ်တွင် အထွေထွေညီလာခံကို စောင့်ကြည့်ရန် လက်ပ်တော့အသေးလေး တစ်လုံးသာ ရှိခဲ့ကြောင်းကို သတိပြုမိခဲ့သည် ။ သူတို့သည် အဖော်ပြုခြင်းကို နှစ်သက်ကြောင်း အခိုင်အမာပြောကြား၍ သူနှင့် သူ့ဇနီးဖြစ်သူ ဂျက်ကီတို့နှင့်အတူ စောင့်ကြည့်ရန် သူ၏အိမ်သို့လာရန် ကျွန်ုပ်တို့အား ချက်ချင်းဖိတ်ကြားခဲ့သည် ။ ကျွန်ုပ်၏ ကလေးများသည် ညီလာခံကို တကယ့်တီဗွီအစစ်တစ်လုံးတွင် ကြည့်ရှုရန်အတွက် စိတ်လှုပ်ရှားနေခဲ့ကြသည်၊ အကူအညီ ရရှိခဲ့ခြင်းအား အလွန်အသိအမှတ်ပြုခဲ့ပြီး ကျွန်ုပ်တို့ အတူတူရှိနေခဲ့သည့် အချိန်အား ကျွန်ုပ်တို့အားလုံး ချစ်မြတ်နိုးခဲ့ကြသည်။

ထို့နောက်တွင် အထွေထွေညီလာခံအား အတူတူစောင့်ကြည့်ကြခြင်းသည် ဓလေ့တစ်ခု ဖြစ်လာခဲ့သည်။ ကျွန်ုပ်တို့ ကိုယ်ပိုင် တီဗွီတစ်လုံး ရရှိခဲ့သည့်တိုင်အောင် ကျွန်ုပ်တို့သည် အထွေထွေညီလာခံအတွက် ကျွန်ုပ်တို့၏ ခေါင်းအုံးများ၊ မှတ်စုစာအုပ်များနှင့် သရေစာများနှင့်အတူ မိုက်နှင့် ဂျက်ကီတို့ဆီသို့ ပျော်ရွှင်စွာရှေးရှုနေကြဆဲဖြစ်သည်။ ပရောဖက်များ၏ နှုတ်ကပတ်တော်များကို အတူတူကြားရခြင်းသည် ၎င်းကိုပိုမိုထူးခြားစေသည်။ ကျွန်ုပ်တို့သည် မိသားစုကဲ့သို့ ဖြစ်လာခဲ့သည်။ မိုက်နှင့် ဂျက်ကီသည် ကျွန်ုပ်၏ အကောင်းဆုံးသူငယ်ချင်းများထဲတွင် ပါဝင်လာပြီး ကျွန်ုပ်၏ ကလေးငယ်များအတွက် ဒုတိယအဘိုးအဘွားများ ဖြစ်လာခဲ့သည်။ ၎င်းတို့၏ အချစ်နှင့် ခင်မင်မှုသည် ကျွန်ုပ်တို့၏ မိသားစုအတွက် မယုံကြည်နိုင်လောက်သော ကောင်းချီးတစ်ခု ဖြစ်လာခဲ့သည်။ သူတို့၏အိမ်နှင့် သူတို့၏နှလုံးသားကို ကျွန်ုပ်တို့အတွက် ဖွင့်ပေးချင်တဲ့ ၎င်းတို့၏စိတ်အတွက် ကျွန်ုပ်အလွန်ပင်ကျေးဇူးတင်ပါသည်။

ဆူဇန်အာ့ဒ်၊ ကယ်လီဖိုးနီးယား၊ အမေရိကန်ပြည်ထောင်စု

စဉ်းစားရန်နိယာမများ

“အာရုံစိုက်သော”

ကယ်တင်ရှင်သည် အခြားသူများ၏ လိုအပ်ချက်များကို ကြည့်ရှုရန် အချိန်ယူပြီး ထိုလိုအပ်ချက်များနှင့်အညီ လုပ်ဆောင်ခဲ့သည် ( မဿဲ ၉:၃၅–၃၆၊ ယောဟန် ၆:၅၊ ၁၉:၂၆–၂၇ကို ကြည့်ပါ)။ ကျွန်ုပ်တို့သည် တူညီစွာ လုပ်ဆောင်နိုင်သည်။

“ချက်ချင်းဖိတ်ကြားသော”

ကျွန်ုပ်တို့သည် ကျွန်ုပ်တို့အမှုတော်ဆောင်ပေးသော သူတို့၏ လိုအပ်ချက်များကို သတိပြုမိပြီးနောက်တွင် နောက်တစ်ဆင့်မှာ လုပ်ဆောင်ရန်ဖြစ်သည်။“ပရောဖက်များ၏ စကားများကို ကြားနာခြင်း”

အတူတကွ သင်ယူရန်၊ အတူတကွ ကြီးထွားရန်နှင့် ကျွန်ုပ်တို့၏ စိတ်များအတွက် အရေးကြီးဆုံးဖြစ်သည့် စိတ်ဝိညာဉ် ကိစ္စရပ်များအကြောင်း ပြောကြားရန် ကျွန်ုပ်တို့သည် “မကြာခဏ အတူတကွ တွေ့ဆုံကြသင့်သည်” (မော်ရော်နိုင်း ၆:၅)။

“လာခဲ့ပါ၊ ပရောဖက်ရဲ့ အသံကို နားထောင်ပါ၊ ပြီးရင် ဘုရားသခင်ရဲ့ နှုတ်ကပတ်တော်ကို နာကြားပါ”^၂ ကျွန်ုပ်တို့ အမှုတော်ဆောင်မည့် သူများထံသို့ ကျွန်ုပ်တို့လက်ကမ်းနိုင်မည့် အရေးကြီးဆုံးဖိတ်ကြားမှုများမှ တစ်ခု ဖြစ်နိုင်သည်။

“ချစ်မြတ်နိုးမှုနှင့် ခင်မင်မှု”

အခြားသူများကို အမှန်တကယ် ကူညီရန်နှင့် လွှမ်းမိုးရန် ကျွန်ုပ်တို့သည် သနားကြင်နာခြင်းဖြင့် ခင်မင်မှုများ တည်ဆောက်ရမည်ဖြစ်ပြီး “ပရိယာယ်ကင်းစွာ ချစ်မြတ်နိုးရမည်” ( သြဝါဒနှင့်ပဋိညာဉ်များကျမ်း ၁၂၁:၄၁ကို ကြည့်ပါ)။

အင်တာနက်၌မျှဝေပါ

“လူမှုမီဒီယာလိုင်းများသည် တစ်သီးတစ်ပုဂ္ဂလနှင့် မိသားစုအမြောက်အများကို ကိုယရေးကိုယ်တာနှင့် အပြုသဘောသက်ရောက်နိုင်သော ကမ္ဘာလုံးဆိုင်ရာကိရိယာများ ဖြစ်သည်။ ခရစ်တော်၏ တပည့်များအနေဖြင့် ဤစိတ်ကူးကောင်းသော ကိရိယာများကို ဘုရားသခင်အား ထာဝရအဘခမည်းတော်၊ သူ၏သားသမီးများအတွက် ပျော်ရွှင်မှုအစီအစဉ်နှင့် သူ၏သားတော် ယေရှုခရစ်တော်အား ကမ္ဘာကြီး ကယ်တင်ရှင်အဖြစ် သက်သေခံရန် ထိရောက်စွာနှင့် ပိုမိုထိရောက်စွာအသုံးပြုရန် အချိန်ရောက်လာပြီဟု ကျွန်ုပ်ယုံကြည်သည်။” —အသင်းလူကြီး ဒေးဗစ် အေ ဘတ်ဒ်နာ^၃

အင်တာနက်သည် ဧဝံဂေလိတရားတော်ကို တကမ္ဘာလုံးသို့ မျှဝေရန် ကျွန်ုပ်တို့အား ခွင့်ပြုပေးထားသည်။ အဲဒါကို ကျွန်တော်ကြိုက်တယ်။ ကျွန်ုပ်သည် အထွေထွေညီလာခံအတွက် လုပ်ဆောင်မှုအချို့ကို မျှဝေသော်လည်း အများအားဖြင့် ကျွန်ုပ်သည် အထွေထွေညီလာခံ မိန့်ခွန်းများမှ ဆွေးနွေးမှုတစ်ခု ဖန်တီးရန် အခြားသူများကို ကူညီရန် ကြိုးပမ်းသည်။ အခြားသူများ၏ မေးခွန်းများကို ကြည့်ခြင်းအားဖြင့် ကျွန်ုပ်တို့သည် အရာရာကို အလင်းရောင်အသစ်ဖြင့် မြင်နိုင်ရန် ကူညီနိုင်ပြီး၊ ကျွန်ုပ်တို့ကိုယ်တိုင်၏ ကြီးမားသော ဆွေးနွေးမှု မေးခွန်းများအတွက် တက်လှမ်းရာတစ်ခု ဖြစ်လာနိုင်သည်။

သင်သည် သင်၏အမှုတော်ဆောင်မိသားစုများနှင့် အထွေထွေညီလာခံဆွေးနွေးပွဲများကို ဆွေးနွေးရန် မေးခွန်းများကို အသုံးပြုသည်နှင့်အမျှ ၎င်းတို့က သင့်ကို သူတို့၏ အားသာချက်များနှင့် သူတို့၏ လိုအပ်ချက်များကို ကြည့်ရှုရန် ကူညီကြောင်းကို ကျွန်ုပ်တွေ့ရှိပြီးဖြစ်သည်။ မေးမြန်းရန်အတွက် ကျွန်ုပ်နှစ်သက်သည့် မေးခွန်းတစ်ခုမှာ အထွေထွေညီလာခံ၏ မကြာသေးမီက ပြုလုပ်သော ဆွေးနွေးပွဲမှ အဓိကအကြောင်းအရာတစ်ခုက မည်သည့်အကြောင်းအရာဖြစ်သည်ဟု သင်ထင်သနည်း ဟူ၍ဖြစ်သည်။

အဖြေသည် သူတို့ရဲ့ဘဝမှာ ဘာတွေဖြစ်နေသည်၊ သူတို့အတွက် ဘာတွေက အရေးကြီးသည် ဆိုတာကို အမြဲတမ်း သင်မြင်နိုင်ပါသည်။ သင်သည် ၎င်းတို့အား ပိုမိုရှင်းလင်းစွာ တွေ့မြင်ရသောကြောင့် ယင်းကသင့်အား ပို၍ ကောင်းသော အမှုတော်ဆောင်ညီအစ်ကို သို့မဟုတ် အမှုတော်ဆောင်ညီအစ်မ ဖြစ်လာရန်ခွင့်ပြုသည်။

ကာမီလီ ဂေလ်ဟမ်၊ ကောလိုရာဒို၊ အမေရိကန်ပြည်ထောင်စု

စဉ်းစားရန်နိယာမများ

“ဧဝံဂေလိတရားတော်ကို မျှဝေပါ”

ကျွန်ုပ်တို့သည် “အချိန်တိုင်း၊ အရာတိုင်းနှင့် နေရာတိုင်းတွင် ဘုရားသခင်၏ သက်သေအဖြစ် ရပ်တည်ရန်” ဆုံးဖြတ်ပြီးဖြစ်သည် (မောဇိယ ၁၈:၉)။

“ဆွေးနွေးမှုတစ်ခု ဖန်တီးပါ”

အထွေထွေညီလာခံ မှာကြားချက်များသည် အံ့သြဖွယ်ကောင်းသော၊ သက်ဆိုင်မှုနှင့် ဝိညာဉ်ရေးရာ ဦး ဆောင်မှုရှိသော ပြောဆိုမှုများကို လှုံ့ဆော်ပေးနိုင်သည်။ ထို့အပြင် ဤသို့သောဆွေးနွေးမှုများသည် သင်၏ခင်မင်မှုများကို အားကောင်းစေပြီး သင်၏သက်သေခံချက်ကို တိုးတက်စေကာ သင့်ကိုပျော်ရွှင်စေနိုင်သည်။ ( သြဝါဒနှင့်ပဋိညာဉ်များကျမ်း ၅၀:၂၂ကို ကြည့်ပါ)။

“မေးခွန်းများ အသုံးပြုပါ”

“မေးခွန်းကောင်းများက သင့်အား အခြားသူများ၏ စိတ်ဝင်စားမှုများ၊ စိုးရိမ်မှုများ သို့မဟုတ် မေးခွန်းများကို နားလည်ရန်ကူညီလိမ့်မည်။ ယင်းတို့သည် သင်၏သင်ကြားခြင်းကိုတိုးမြှင့်နိုင်သည်၊ ဝိညာဉ်တော်ဖိတ်ကြားနိုင်ပြီး လူတို့အားသင်ယူစေနိုင်သည်။”^၄

ဉာဏမူပိုင်ခွင့်အရ © ၂၀၂၀ မူပိုင်ခွင့်များအားလုံး ရယူထားပြီးဖြစ်သည်။ USA တွင်ပုံနှိပ်သည်။ အဂ်လိပ်စာခွင့်ပြုချက် ၆/၁၉ ဘာသာပြန် ထောက်ခံချက် ၆/၁၉. ဘာသာပြန်ခြင်း အမှုတော်ဆောင်ခြင်းမူဝါဒများ၊ ဧပြီ ၂၀၂၀။ ဘာသာစကား။ ၁၆၉၈၆ ၀၀၀

မှတ်စုများ

1. ဒါလင်အိတ်ချ်အုခ်စ်၊ “ချစ်မြတ်နိုးမှုနှင့် ဥပဒေ” (ဗီဒီယို)၊ mormonandgay.ChurchofJesusChrist.org။

2. “လာခဲ့ပါ၊ ပရောဖက်ရဲ့ အသံကို နားထောင်ပါ၊” ဓမ္မသီချင်းများ၊ နံပါတ် ၂၁။

3. ဒေးဗစ် အေ ဘတ်ဒ်နာ၊ “ကမ္ဘာမြေကြီးကို လူမှုမီဒီယာဖြင့် လွှမ်းမိုးပါ၊” လိယဟော်နာ၊ ဩဂုတ်၊ ၂၀၁၅၊ ၅၀။

4. ငါ၏ ဧဝံဂေလိတရားတော်ကို ဟောပြောလော့- သာသနာပြုလုပ်ငန်းတော်အတွက်လမ်းညွှန် (၂၀၀၄)၊ ၁၈၅။