Oldingel lokiu a Klou el Ongdibel

Aike el rokui el ungil tekoi, uldelid lomeruul er a telungalek, me a osischeklir a remesiungel a Rubak, e a klou el ongdibel a meskid a betok el teletael er a odingel—ruchei, me sel temel, me a uriul er a klou el ongdibel!

A Susie me a Tom Mullen, el tir olisechakl er tirkel melatk a mo er a mision, a blechoel mengelechel er a rechad el ngara klas el mo siotai er a kmo ng techang el mo omes e orrenges a meklou el ongdibel.

“A siotai er a ta er a chad el mo meruul er a kmo ngerang a telengtengil a urerel a klemisionari, e dirrek el telengtengil odingel,” ng millekoi a Susie. “Tirkal ki molisechakl er tir a blechoel louchais er kemam el kmo ng kmal mle ungil lomeruul el mo er tir me tirkel chad el tir a siotai er tir.”

Aikakid a bebil er a teletael el tirkal ngalek er a skuul a uluchais:

“Aki uleldingel er a tal sechelei el mle chelebangel a bebil er a berraod er a uldasou. Aki mle siotai er ngii el mo orrenges a klumech er a klou el ongdibel losiik a nger. Uriul er a klou el ongdibel e ki bo moldingel er ngii, e nguluchais er kemam el kmo ng rirenges a bebil er a betok el tekoi el sebechel ngoseuir.”
“Me a ki mocha rulii a klou el kldibel el mo orrenges a klumech er a klou el ongdibel e a rebek el chad a ngilai a kmo ngera el kall. Ng kmal mle ungil me a rebek el chad a millatk a lmuut el meruul er ngii.
“Ak mle siotai er a sechelik el mo orrenges a klumech er a klou el ongdibel lobengkek. Sera ki mosaod el kirel, e a ki ulemdasou omekall el mo er a ikelesia el mo omes er ngii. Meng mlo uaisei, e kot el meral mle ungil teletael el dilubech risei!”

Meng uaia ikel bla lsuub a re Mullens me a rengalek er a skuul, ng meral betok a teletael er a odingel lokiu a klou el ongdibel. Ng tara meang el teletael el dekauchais a ungil tekoi, uldelid el teletael er a telungalek, me a ungil cheldecheduch, me a osischeklir a remesiungel a Rubak!

Msiotai er a Rebebil er a Rechad el Mei er a Blim

“A Osobel a dilu er a Rulbengkel el mo ‘kaubeltikereng; el uai ngak el betik a renguk er kemiu’ (Johanes 13:34). Me ng kired lomes er sel beltkil a Rengul el kired. … Omko kede Rulii el mo okesiu el mei er kid, eng kired el blechoel melasm el mo olngeseu er a rokui el chad.” —President Dallin H. Oaks¹

Sesei el rak er a memong e a kmal ungil loldingel er kemam er a Mike a mlo medengei el kmo tirka el tedei el ngelekek me a ngak a di chimo el kekerei el laptop a ki mobang lomes a klumech er a klou el ongdibel . Meng mle siotai er kemam el mo er a blil e omes a klou el ongdibel lobengkel e a bechil er a, Jackie, a kmal mle muri el mengelechel er kemam el mong. A rengelekek a kmal mlo ungil a rengrir lomes er a klou el ongdibel er a meral tibi; meng kmal mlo ungil a renguk el kirir; e kmal mle semeriar er a taem el ki mdak.

Uriurl risei, e tia di mle mereko el teletael el ki mdak e omes a klou el ongdibel. Ng mlo er ngii a tibi er kemam ruriul, eng di a ki millemolem el mo er a blil a Mike me a Jackie lolab a chillam, me a babilengam, me a kelam e dmak lomes a klou el ongdibel.. Hsel ki mdak e ki mosuub a tekingir a reprofet eng rirelii el kmal mo tokubets el teletael. Ng uaia ki blo mongalek. A Mike me a Jackie a tara kmal mlo ungil sechelik e dirrek el demerir e derrir a rengelekek. A a beltkil a rengrir me a ungil sechelei a kmal klou el klengeltengat el mo er a telungalek er ngak. Ak meral mereng a saul er a klemeriar reng er tir el mekengii a blirir me a rengrir el kiram.

Suzanne Erd, California, USA

Osisechakl el Dolbedebek

“Mtebengar”

A Osobel a chiloit a temel lomes a ngelsengesir a rebebil e milsebechakl er tir (mesa Mateus 9:35–36; Johanes 6:5; 19:26–27). Kid meng sebeched el meruul er a osisiu.

“Mereched el siotai”

Sel bo dodengei a ngelsengesir tirkel doldingel er tir, eng kired el mo ngara omeruul.“Orrenges a tekingir a re profet”

Ng kired el mo “blechoel dmak el kldibel” (Moroni 6:5) e dmak el mesuub, dmak el mukeroul, e dmak el mesaod chedaol tekoi el ngii a meklou a ultutelel el mei er kid.

“Mei, e mrengesii a profet, me mrenges a tekingel a Dios”² a locha tara kot el klou a ultutelel siotai el sebeched lodersii el kirir a rebebil.

“Beltikereng me a Klausechelei”

A uchelel a meral ngesou me a sebecheklir a rebebil, eng kired el toketekii a deleuill lultuil er a chubechub me a “mesisiich el beltikereng” (mesa Doctrine and Covenants 121:41).

Momerk lokiu a Internet

“A social media a ngarngii el dongu el kmal sebechel usbechall el ngosuterir a rechad me a telungalek. E ngak oumernag el kmo ng mla mei sel taem el kid a roltirakl er a Kristo a mo meduch e ungil lousbech aika el dongu louchais el kirel a Dios el Diak a Ulebengelel Chedam, me a Uldesuel er a deureng el kirir a Rengelekel, me a Ngelekel, er a Jesus Kristo, el ngii Osobelel a beluulechad.” —Elder David A. Bednar³

A Internet a ngosukid el mo omerk er a ebangkelio lobengkel a beluulechad el rokir. Ng meral soak tiang! A kuchais a bebil er a omeruul er a klou el ongdibel, eng di ak blechoel lolngeseu er a rebebilmuchelii a cheldecheduch lokiu a klumech er a meklou el ongdibel. Sel derenges a ker er a rebebil eng sebechel ngosukid el mes a tekoi er a kuk beches el teletael e sebechel muchelii a cheldecheduch el kirel a ker.

Ak mla metik el kmo sel mousbech a ker el mesaod a klumech er a klou el ongdibel lobengterir a telungalek er kau, e ngosukau el mes aike le mesisiich er ngii el tekoi me a ikel lengesonges er ngii. A tara kmal soak loker ngii el ker a kmo, Ngera sel momdasou eng dai er a tara ikel dirk mlomerek el cheldecheduch er a klou el ongdibel?

A nger a blechoel ngosukau el mo medenge teletael er a klengar tir me a ikel meklou a belkul el tekoi er tir. Ng rullau el kmal mo meduch e ungil loldingel lodam e odos le ke kmal mo ungil medengelterir.

Camille Gillham, Colorado, USA

Osisechakl el Dolbedebek

“Omerk er a ebangkelio”

Kid a mla tibir el mo “dechor el sioning er a Dios er a bek el taem me a bek el tekoi, me a bek el basio” (Mosiah 18:9).

“Muchelii a Cheldecheduch”

A klumech er a klou el ongdibel a sebechel mekdebechii a klebokel, e ungil, e chedaol cheldecheduch. A ikaikid el teletael er a cheldecheduch a sebechel smisiich a deleuill, e smisichii a klaumera er kau, e meskau a deureng! (mesa Doctrine and Covenants 50:22).

“Mo Ker a Ker”

“A ungil ker a ngosukau el mo medengei a sorir, sebekreng er tir, malechub a ker el ngara rebebil. Ng sebechel smisichii osischeklem, siotai er a Chedaol Reng, e ngosuterir a rechad el mukeroul.”⁴

© 2020 by Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Osisechakl er a Odingel, April 2020. Palauan. 16986 881