Parau fa’a’ite a te tuha’a fa’atere ’ohipa hi’opo’ara’a a te ’Ēkālesia, nō 2019
I te Peresidenira’a Mātāmua o Te ’Ēkālesia a Iesu Mesia i te Feiā Mo‘a i te Mau Mahana Hope’a Nei
E au mau taea’e here ē : Arata’ihia nā roto i te heheura’a, tei pāpa’ihia i roto i te tuha’a 120 o te Parau Ha’api’ira’a ’e te Mau Parau Fafau, nā te Tōmite ha’apa’o i te tuha’a ’ahuru―’oia ho’i te Peresidenira’a Mātāmua, te Pupu nō te Tino ’Ahuru Ma Piti ’āpōsetolo ’e te ’Ēpisekōpora’a Fa’atere Rahi—e fa’ati’a i te mau ha’amau’ara’a a te ’Ēkālesia. E fa’a’ohipa te mau fa’anahora’a a te ’Ēkālesia i te moni ’ia au i te tāpura faufa’a tei fa’ata’ahia, te mau fa’aturera’a, ’e te mau ture arata’i a te ’Ēkālesia.
Nā te tuha’a fa’atere ’ohipa hi’opo’ara’a a te ’Ēkālesia, te mau rave ’ohipa ’aravihi ha’amanahia, ta’a ’ē i te tahi atu mau tuha’a fa’atere a te ’Ēkālesia, te hōpoi’a ’ia fa’atere i te hi’opo’ara’a, ’ia tītī’aifaro te mau faufa’a tei fāri’ihia, te mau ha’amau’ara’a ’e te pārurura’a o te mau faufa’a a te ’Ēkālesia.
’Ia au i te mau hi’opo’ara’a i ravehia, tē mana’o nei te tuha’a fa’atere ’ohipa hi’opo’ara’a ē, ’ua tāpa’ohia ’e ’ua fa’aterehia te mau ō i fāri’ihia, te mau ha’amau’ara’a ’e te mau faufa’a a te ’Ēkālesia nō te matahiti 2019, mai te au i te tāpura faufa’a i ha’amanahia, te mau ture ’e te nūmerara’a a te ’Ēkālesia. Tē pe’e nei te ’Ēkālesia i te peu i ha’api’ihia i tōna mau melo ’ia ora ma te hō’ē tāpura faufa’a, ’ia ha’apae i te mau tārahu, ’e ’ia fa’aherehere i te faufa’a nō te tau fifi.
Ma te fa’atura,
Te tuha’a fa’atere ’ohipa hi’opo’ara’a a te ’Ēkālesia
Kevin R. Jergensen
Ti’a fa’atere rahi