Mutelejayi!

Kudi Muimanyinyi Russell M. Nelson

Muimanyinyi wa Ekelezia wa Yezu Kilisto wa Bansantu ba Matuku a Ndekelu

Tatu wetu mmumanya se patudi bikala banyunguluka kudi ntatu ne bowa, tshidi mua kutamba kutuambuluisha tshidi mbua kuteleja Muana Wende.

Bana betu balume ne bakaji, ndi muikala ne disanka bua kupitshila ku biamua tuavua bikala bakumbana bua kusangila ne kutendelela mu Dialumingu mudinda edi. Tudi bikala babeneshibua bua kumanya se lumu luimpe lua Yezu Kilisto luvua luikala luibakulula pa buloba!

Mu mbingu yabungi mishala, babungi ba kutudi mbapeta matatshishibua mu mioyo pa muntu. Manyungana a buloba, midilu, ditangalaka dia mâyi, bipupu, ne bipeta biabi mbipangisha malu a patshibidilu ne bikeba lutatu lua biadidia, didikebulula ne mabanji.

Munkatshi mu bionso ebi, tudi tunuela kalumbadi ne tuasakidila bua kusungula kuenu bua kuteleja dîyi dia Mukalenga mu tshikondo etshi tshia ndululu mu kudisanga netu bua mpungilu munene. Muidima udi muikala ulua ku makenga udi wenza bua se butoka bua Yezu Kilisto bukenka bikola. Elaku anu meji bua buimpa budi umua ne umua wa kutudi mua kuenza mu tshikondo etshi tshia masumpakana konsu. Dinanga dieba ne ditabuja bua Musungidi didi ne bua kuikala tshikebelu tshia muntu bua kumanya Dibakulula dia tshiuwidi tshia Lumu Luimpe lua Yezu Kilisto.

Mu bidimu bibidi bishala, Mamu Nelson ne mema tuakasambakena ne binunu bia ba kunudi mu buloba bujima. Tuakasangila nenu mu miaba mitoka pambelu ne mu shambala minena ya nzubu ya bilala benyi. Mu miaba yonso, ngakadiumvua se mvua kumpala kua basungula ba Mukalenga ne mvua ngenda mmona didisangisha dia Isalela dienzeka ku mesu anyi.

“Tudi mu matuku avua bankambua betu bindila ne ditekemena dionso.”¹ Tudi basombela mu miaba ya kumpala bua kujadika tshivua muprofeta Nefi mumona anu mu tshilota, se “bukola bua Muana wa Mukoko wa Nzambi, ne buakatuluka pa mutu pa bansantu ba mu ekelezia wa Muana wa Mukoko, ne pa mutu pa bantu ba tshipungidi ba Mukalenga, bavua batangalajibua pa mutu pa mpala wa bulaba ponso; ne bavua bavuala biluilu bia buakana ne ni bukola bua Nzambi mu butumbi bunena.”²

Nuenu, bana betu baluma ne bakaji, nudi munkatshi mua batatu, bamamu, ne bansonga bavua Nefi mumona aba. Elayi meji bua bualu ebu!

Kabiyi kutangila muaba uudi musombela anyi mudi ngikadilu weba muikala, Mukalenga Yezu Kilisto udi Musungidi weba, ne muprofeta wa Nzambi Joseph Smith udi muprofeta weba. uvua muikala mujila kumpala kua difukibua dia buloba bua kuikala muprofeta wa tshikondo tshia ndekelu etshi, tshidi tshintu katshiyi mua kubengeshibua”³ kudi bansantu. Dibuluibua ditshidi ditungunuka kupueka difuma kudi Mukalenga mu tshikondo etshi tshia kutungunuka kua dibakulula.

Tshidi tshiumvuinja tshinyi bueba se lumu luimpe lua Yezu Kilisto luvua luikala luibakulula pa buloba?

Bidi biumvuija se wewe ne dîku dieba nudi mua kusuikibua pamua bua kashidi! Bidi biumvuija se bualu uvua muikala mubatijibua kudi umua uvua ne bukokeshi bua kudi Yezu Kilisto ne uvua muikala mujadikibua tshidimba tshia Ekelezia Wende, udi mua kusanka ne bulunda bua Nyuma Muimpe. Neakulombola ne akulama. Bidi biumvuija se kuakupangila dikankamika anyi kuakupangila mushindu wa kupeta bukola bua Nzambi bua bukuambuluisha. Bidi biumvuija se bukola bua buakuidi budi mua kukubenesha paudi upeta mishinga ya mushinga ne wenza bipungidi ne Nzambi ne ubilama. Malelela aa adi mikala tshimanyishilu ku mitshima yetu, nangananga mu bikondo ebi bia tshipepela tshikola.

Mukanda wa Molomo udi wakula bua tshikuma tshia dikuluka dia bisumbu binena bibidi bia bantu. Muyuki wabu udi uleja mushindu udibi bipepela bua tshisumbu tshinena tshia bantu tshipua Nzambi muoyo, tshilenguluja madimuishi a baprofeta ba Mukalenga, bua kukeba bukola, didisuisha kudi bantu, ne lukuka lua mubidi.⁴ Mu misangu miambulula, baprofeta ba kala bakamba “bintu binena ne bia dikema, biakabengabu kuitabuja.”⁵

Kabiena bishilangana ne matuku etu aa to. Mu bidimu bishala, bintu bia dikema biakadi biambibua ku bibasa binena mu buloba bujima. Kadi bikala ne bantu babungi kabena bakidila malelela aa to—bidi mua kuikala ne, bualu kabena bamanya muaba wa kuapeta⁶ anyi bualu badi bateleja aba badi kabayi ne bulelela bonsu anyi bualu mbapetula bulelela bua kulonda malu a pa buloba.

Muluishi udi ne lungenyi lutue. Mu bidimu binunu bishala, uvua muikala wenza bua se malu mimpa alua mabi ne malu mabi alua mimpa.⁷ Mayisha enda adi amueka bu matue, a dikamakama,ne didiamba.

Kadi, mayisha adi afuma kudi Tatu wetu wa mu Diûlu adi mikala mashilangana bikola. Udi muikala wakula biteketa, mu bupola, ne ni bushuwa bua dikema butudi katuyi mua kupanga mua kumumvua.⁸

Bu tshilejilu, pavuaye muikala Uleja Muanende Umuepele Munanga kudi bantu ba tshifuaka pa buloba, Uvua wenza nanku ne mêyi makesa a mushindama. Ku mukuna wa Dikudimuka, Nzambi wakambila Petelo, Yakobo, ne Yona se “Eu udi Muananyi: mutelejayi.”⁹ Mêyi enda kudi Bena Nefi mu tshimenga tshia kale tshia Bubanji avua se “Monayi Muananyi Munanga, yeye udi unsankisha bikole, ndi mutumbisha dina dianyi munda muende—munvuilayi.”¹⁰ Ne kudi Joseph Smith, mu kabobu aku kakola kakakangula tshikondu etshi, Nzambi wakakula anu ne “Eu udi Muananyi Munanga. Mutelejayi!”¹¹

Mpindiewu, bana betu baluma ne bakaji, munayi mu mishindu isatu eyi idi mikala milejibua ne ileja se, kumpala kua Tatu kuleja Muana, bantu bavuaye muikala uleja bavua mu tshitupa tshia bowa ne kabidi kabayi ditekemena.

Bapostolu bavua ne bowa pavuabo bamona Yezu Kilisto munyungulula kudi matutu ku Mukuna wa Dikudimuka.

Bena Nefi bavua ne bowa bualu bualu bavua bapitakana mu kabutu ne muidima mu matuku abungi.

Joseph Smith uvua muikala mutshintamena kudi bukola bua mîdima kumpala kua diûlu kunzuluka.

Tatu wetu mmumanya se patudi bikala banyunguluka kudi ntatu ne bowa, tshidi ne mua kutuambuluisha misangu yonso tshidi kuteleja Muanenda.

Bualu patudi bikala tukeba mua—kuteleja bulelela—Muanenda, netulombodibua bua kumanya tshiakuenza mu malu onso.

Muaku wa kumpala mu Malongeshi ne Bipungidi udi se kuteleja.¹² udi umvuija “kuteleja ne disua dia kunemeka.”¹³ Kuteleja kudi kumvuija “Kumuteleja”— kuteleja tshidi Musungidi wamba ne pashisha kuangata ne mushinga mubelu Wenda. Mu muaku ewu umua—“Mutelejayi”—Nzambi udi utupesha ngikadilu wa dilubuluka, dikasa dimpe ne disanka mu muoyo ewu. Tudi ne bua kuteleja mêyi a Mukalenga, kuateleja, ne Kuangata ne mushinga bivua Ye mutuambile!

Nunku patudi tukeba bua kuikala bayidi ba Yezu Kilisto, kudienzeja kuetu bua kumuteleja kudi ne bua kuikala kua dipangadika dikole. Bidi bilomba kudienzeja kua dinanukila ne lungenyi bua kuwuja muoyo wetu wa matuku onso ne mêyi, malongesha ne malelela Enda.

Katuena anu bua kueyemena mamanyisha atudi tupeta mu bisanji. Ne bungi bupita bua mianda ne miaku mu nshinga ya bisanji ne mu buloba biuwula ne bisalu bia mitoyi bidi bikala bienza kudi muluishi, mpenyi patudi mua kuya bua kumuteleja?

Tudi muakuya mu mifundu. Idi itulongesha pa bualu bua Yezu Kilisto ne lumu luimpe luende, bulenga bua Bupikudi buende, ne bulongolodi bunena bua disanka ne dipandishibua bua Tatu wetu. Didibuinka mu dîyi dia Nzambi dituku dionso didi ne mushinga bua kuikala ne muoyo, nangananga mu matuku aa adi kupandisha kua mioyo kunena. Patudi tuangata tshiadidia mu mêyi a Kilisto dituku dionso, mêyi a Kilisto neatuambila mushindu wa kudituala mu ntatu itutu katuyi banji kupeta nansha.

Tudi kabidi mua kumuteleja mu ntempelo. Nzubu wa Mukalenga udi nzubu wa kulongela. Momu emu Mukalenga udi ulongesha mu Wenda mushindu Momu emu mushînga yonso udi ulongesha bua Musungidi. Momu emu tudi tulonga mushindu wa kumbusha tshilamba ne kuyukila bimpa ne diûlu. Momu emu tudi tulonga bua kukanyina muluishi ne kueyemena bukola bua buakuidi bua Mukalenga bua butukolesha ne bukolesha batudi bananga. Umua yonso wa kutudi udi unyemenaku bua kupeta tshisokomenu.

Pikala mikandu ya tshitupa ya COVID-19 eyi mijika, suayi nuenza bulongolodi bua diba dienu bua kutendelela ne kusadila mu ntempelo. Kasusa konso ka diba adi nekakubenesha wewe ne dîku dieba mu njila idi tshintu nansha tshimua katshiyi mua ku kuenzela. Angata tshipolu tshia kuela meji pa biudi muteleja ne mumvua paudi koku. Ukonka Mukalenga bua akulongesha mushindu wa wewa kunzulula diûlu bua dibenesha muoyo weba ne muoyo wa aba baudi munanga ne usadila.

Bumudi kutendelela mu ntempelo kuikala kakuyi koku to, ndi nubikila bua kuvudija mudimu wenu wa muyuki wa dîku, popamua ne dikebulula dia muyuki wa dîku ne dilama dia mena. Ndi nulaya se panuavudija diba dienu mu mudimu wa ntempelo ne wa muyuki wa dîku, nenuvudija ne nushidimuisha dikumbana dienu dia kumuteleja.

Tudi kabidi tumuteleja bimpa patudi tuakaja dikumbana dietu dia kumanya minungana ya Nyuma Muimpa. Kabitu bianji kuikala bikumbana bua kumanya mushindu utu Nyuma wakula bu mpindieu nansha. Mu bunzambi, Nyuma Muimpa udi muikala mufidi wa mukenji. Neatuala ngenyi mu meji eba idi Tatu ne Muana basue bua upeta. Udi muikala mukankamiki. Neatuala tshiumvuilu tshia ditalala mu muoyo weba. Udi ujadika bua bulelela ne neujadika bidi bilelela paudi uteleja ne ubala dîyi dia Mukalenga.

Ndi ngambulula dibikila dianyi kunudi bua nuenza mishindu yonso idi ikengela bua nukolesha dimanya dienu dia kupeta dibuluibua dia nkaya.

Panuenza nanku, nebinuambuluishe bua kumanya mua kuya kumpala ne muoyo weba, bua tshiakuenza mu tshikondo tshia ntatu, ne kujingulula ne kuepuka mateya ne mashimi bia muluishi.

Ne bua kujikija, tudi tumuteleja patudi tuangata ne mushinga mêyi a baprofeta, bamonyi ne basokolodi. Bapostolu Bajidila ba Yezu Kilisto batu anu bajadika Buende. Badi baleja njila nansha mutudi tuetu bikala tuenza yetu njila mijimina mu malu a tshifuaka atudi bamanya.

Tshialua kufika ntshinyi paudi uteleja ne disue, umvua ne wangata ne mushinga bivua Musungidi muakula ne bidi Ye wakula mpindiewu kupitshila ku baprofeta Benda? Ndi ndaya se, neubeneshibua ne bukola bukuabu bua kutshimuna mateya, malu makola ne mateketa. Ndi ndaya bishima mu dibaka, malanda a dîku ne mu mudimu wenu wa ku dituku. Ne ndi ndaya sebukola buenu bua kumvua disanka nebudiunda nansha biavula makenga mu muoyo wenu.

© 2020 kudi Intellectual Reserve, Inc. All rights reserved. Mupatula mu USA. Dianyisha mu Angele: 5/19. Dianyisha dia dikudimuna: 5/19. Dikudimuna dia First Presidency Message, May 2020. Tshiluba16987 760