Ndinwam oto ke Sacrament Meeting

Sacramentmeeting ono eti ifet ndinyene ebuana nyung nsin unwam nno mbon efen.

Sacrament meeting edi ini ono nkori eke spirit ye ndifiak nkere mbanga Andinyanga ye Erisio-isop Esie. Nte nnyin idiade udia-Obong kwa udua, nnyin imekori otokiet (se Doctrine and Covenants 84:110). Edi ubak owo ke mme ward ye branch eda akwa mfuho mmo edi ndusuk mfuho iduhe do ndomokiet.

Se emi edi esisit nti ifet kadanga nte nnyin ikpeda edisana ini oro man isin unwam ino mbon efen inyung inam ukpuhode nkpo ke uwem mmo.

Nwam Nam Sacrament Meeting Ofon ono Mbon emi Mbufo Esinde Unwam Eno

Akpa nkpo ke ndikpeb danga ekpenwam edi ndiyom man odiongo mme owo kiet-kiet mme ufokemana ye mme unana mmo. Mme usung ekeme ndidu emi mbufo ekemede ndinwam nam ifiok-ukpeb mmo ndidi ufok Abasi ofon oto ke ndikpeb nkpo awak mbanga mmo.

Eke Mindy, ekpri eka ndito amana-mba, esisit ukeme unwam eke ono-unwam eyen-eka esie nnwan ama anam akamba ukpuhode ke ifiok-ukpeb enye edi-di ufok Abasi kwa udua.

Mindy ete, “Ke ntak ndaha utom eke ebe esie, ami nsikama amana-mba ndito iban mi iba nka Ufok Abasi kwa udua.” “Esinehede akak mi ndikama amana-mba ndito oro ikpong ke sacrament mmeeting,edi ono-unwam eyen-eka mi nnwan esinyime ke ndinwam mi.

“Enye esitie ye ami onyung anwam mi ke ndikpeme ndito-iban mi kwa udua. Ke enye nditie mkpere mi enehede enyene ufon onyung anam mbiomo mi efere kini ndito mi efinade idem mmo. Ami nkereke ke enye eyefiok adanga nte utom esie enyenede ufon ono mi kini emi ke uwem mi. Enye ama okut unana mi nte ekpri, okop-ndik eka-ndito, ndien enye anwam kendinam Ufok Abasi edi itie emem ye inemesit ono kpukpru nnyin.”

Mme Ekikere man Anwam Mbon-emi enyenede Sanga-sanga Unana

Fiak nno etop esok mme adausung elders quorum ye Relief Society kabanga mme unana mbon Ufok Abasi.
Mme adausung esinam ukworo-iko ke Ufok Abasi man oyo mme unana mbon Ufok Abasi. Edieke mbon emi mbufo enwamde edibode ufon oto ke ndikop asanga-sanga etop kiet, buana ekikere oro ye mme adausung mbufo.
Edieke mbufo efiokde ete ke owo kiet enyene unomo mme ubiongo-udia emi akpande mmo ke ndidia udia-Obong, bup mmo banga ntak ye se ekpenam man anwam mmo ndikop inemesit ke Ufok Abasi. Buana etop emi ye mme adausung mbufo.
Edieke owo emi mbufo enode unwam mme eke efiokde ebanga mikemeke ndiworo-ke-ufok, ke ofuri ini mme ke esisit ini, bup bishop mbufo mme ekeme ndida udia-Obong nsok mmo ke ufok. Mbufo emekeme ndiwet enim kini sacrament meting enyung ebuana mmoke phone, email, mme ndineme iso-ye-iso.
Edieke mbon-owo emi mbufo enode unwam enyenede mkpri ndito, mbufo emekeme ndinwam mmo kini sacrament meeting.
Edieke mbon-owo emi mbufo enode unwam misiwakke ndidi sacrament meeting, edomo ndinwam enyung ekere-ebanga mme usung nte mbufo ekpenwamde mmo. Edieke mmo eyomde ukpe-usung, mbufo emekeme ndikpe nno mmo. Edieke mmo ekereke ke ufokemana mmo inwamke, mbufo emekeme ndikot mmo ete editie ye mbufo. Mbufo emekeme ndinam asanga-sanga ikoot man anwam mmo ndikop inem ete ke eyom mmo ke sacrament meeting.

Ti, Eti Enyin-ndise Ekeme Ndinam Akamba Ukpuhode

Nditing mbanga unwam, Sister Jean B. Bingham, Relief Society General President, ekpeb ete: “Ubakini nnyin ikere ke ikpenam akamba ye oworo-etop nkpo man ‘ebat’ nte ke imenwam mbohidung nnyin. Edi esisit utom unwam ekeme ndinyene akamba ufon ono mbon efen—ye ke ufon nnyin nko.”¹

Ke ekpri ward kiet ke Belgium, Evita awak ndinyime nkabare-iko nno mme isenowo ye members emi esemde iko Spanish ke Ufok Abasi. In kiet, ema emen Evita ewut owo kiet emi otode Dominican Republic emi okobode ukpeb-nkpo abanga Ufok Abasi. Enye ama odiongo esisit Iko Mbakara, edi Spainsh ekedi usem obio esie. Ntem Evita ama enyime ndikabare sung-sung nno enye ke sacrament meeting anam enye enehede okop inemesit.

Evita ete, “Ubakini ndikabare iko ekeme ndibiat usen Sabbath mi.” “Edi ke nditiene item-spiritkendibupmbon efen mme mmo eyom akabare-iko enehede ono mi idara ye inem ke ndidiongo ete ke ami mmekeme ndinwam mmo enyene Spirit enyung ekop inemesit ke Ufok Abasi.”

Mme Ekikere man Anwam oto ke Eti Enyin-ndise

Nneme ye mme adausung mnufo man ekut owo emi oyomde esisit unwam kini sacrament meeting. Mme edieke mbufo efiokde owo kiet emi oyomde unwam, ekut ete ke mme adausung mbufo efiok ebanga mmo.
Etie sung ke nte mbufo ebetde man esop otongo. Emi eyenwam “mbon mbungo-esit ye mfuho ke spirit eken emi ekperede nnyin”² eke eyomde emem emi otode utenge ke edisana ebiet kpot.
Ke usen utre-udia, kere-banga ndiyak utre-udia ye akam mbufo nsin ke ufon owo emi mbufo esinwamde emi oyomde akamba ndongesit.
Bong akam man odiongo mme odu owo emi okpobode ufon ke mbufo nditi mkpere enye kini sacrament meeting mme odu usung efen emi ekpenwamde.

Sacrament Meeting Ekeme ndi-di Ebiet Inemesit ono Kpukpru owo

President Joseph Fielding Smith (1876–1972) ekpeb ete ke, “Sacrament meeting edi ata edisana, nsana mma, ke ofuri mme esop eke Ufok Abasi.”³ Ntem, ofon ndinehede nkut ete ke ofuri owo emi edukde sacrament meeting ekop inemesit enyung eyuho ke spirit—akpan-akpan mbufa members ye mbon emi ebighide tongo nte mmo ekedi.

Merania emi otode New South Wales, Australia ama-anam-ufan ye nnwan kiet emi ekekpebde-nkpo abanga Ufok Abasi ke ward esie. Meriana ete, “Enye ama akabare edi kiet kotu edima ufan mi idahaemi.” “Ami mmema nditie ye enye ke sacrament meeting kwa udua, ndien ami mmesibup nte nkpo etiede ndien mme odu se ami nkpenamde man nnwam enye.” Ke esisit ini ebede, ufan Meriana ama ana baptism. Ukeme eke mbon ward oro, ye inem ebiet oro ke sactrament meeting ama anam akamba ufon ke ubiere esie.

Mme Ekikere man Enwam mbon emi Efiakde edi ye mme Mbufa owo

Ini emi afo edinode uting-iko ke sacrament meeting, afo emekeme ndikotmme ufan, ufokemana, ye mbon efen ete edikop etop mbufo.
Mbufo emekeme ndiyom usung enyung edara mbon emi etiede ikpong mme mbon emi ekpeyomde unwam. Bup mme mmimo emekeme nditie ye mmo mme ndikot mmo ete editie ye mbufo.
Ini emi esop etrede, mbufo emekeme ndikot mbon mbufo esinode-unwam ye mbon efen eduk mme edinam Ufok Abasi emi edidide kiso, edika temple, mme ke usoro kiet.
Edieke owo emi mbufo esinode-unwam edide sacrament meeting edi etre ndidi ke esisit ini, mbufo emekeme ndibup mme mmo enyene mbume kabanga se ekekpeb. Ting nno mmo ete ke enyene unen ndibup mbufo edieke odude usem, mbuk, mme ukpeb kiet eke minwangake mmo. Mbufo emekeme ndiyom iboro otokiet edieke oro odotde.

© 2020 otode Intellectual Reserve, Inc. Ekpan kpukpru unen ndiming. Ekeming ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare eke Ukpebnkpɔ Unwam, Ɔfiɔŋ June 2020. Efik. 16988 553